سرق طفولتها

البارت 15

الكاتبة كـــوكا السنـــيني💛
.
.
.
.
.
حً ـًسًــــــــآبّـــــــي آنـــــــًٌسًـــــتـآ💜

https://www.instagram.com/kokaa_lsnini/

        <ســـرق طفُولتــها>💔

       البـ[ 15]ـارت❤️

ـــ ــ ـــ ـ ـــ ـ ـــ ـ ــ ـــ ــــ ــــ ـــــ ــ ـــ ــ
مهيبة : ملااك
ملاك : نعم
مهيبة : ماحكيتيش للبنات عالطالبات يلي يضربن فيك في المدرسة
ملاك : هاا لالا
سارة : أي بنات في شنو تحكي انتي
مهيبة : خلي ملاك تحكيلك
تامي : حرااام يضربن فيكي
ملاك : عن اذنكم
ونزلت ملاك من المسرح وتمت تبكي
بشاير : كنك شن في
ملاك : ماما كلمي بابا نبي نروح
سهام : ملاك خير كنك شن في
ملاك : ما كني شي مضايقة بس
سهام : من ضايقك
ملاك : ما ضايقني حد بروحي
بشاير : هيا باتك برا
ملاك : هيا ، آسفة عميمه بس مضايقة وانشالله مبروك عليها
سهام : ملاك معقولة تمشي توا
ملاك : آسفة بس خلاص راسي ومانقدرش نقعد
سهام : ااه باهي
ملاك : سامحيني مع السلامه
وطلعت ملاك من القاعه وهي تبكي انحرجت من كلام مهيبة وشافها معين وهي تبكي يبي يلحقها مسكه وليد
معين : تي خليني نبي نشوفها كنها
وليد : ماتجيش باتها معاها كلمها تكليم
معين : ااه باهي ، مشعارف كنها
وليد : انشالله خير
عند ملاك
صلاح : كنك يا بنيتي فيك حاجه
ملاك : لا لا ما في شي غير مريضة بس
صلاح : كنك شن فيك
ملاك : راسي يوجع فيا بس
بشاير : من شويا ماكان فيك شي
ملاك : اهو هذا يلي صار توا وصكرولي عالموضوع
وتما معين يرن وملاك تفصل في الخط وحاول كم مرة بس مافيش فايدة   
معين : اوووف مشعارف كنها
وليد : تو تهدى وترن عليك
ومر الوقت وروحوا لحوشهم ومعين مشغول عليها
معين : امي ماعرفتيش كنها ملاك في حد ضايقها
سهام : ولاهي مانندري على حاجه كنت أنا و أمها
معين : وهي وين كانت ومع من كانت
سهام : كانت مع سارة والبنات
معين : باهي تو نشوف القصة
سارة : اهلين معين
معين : اهلا آسف عالازعاج
سارة : لا عادي خوذ راحتك
معين : نبي نسألك على ملاك
سارة : تفضل قول
معين : نبي نعرف كنها طلعت تبكي وروحت بدري سارة : شنووو من امتى روحت
معين : حتى العشا ماتعشت روحت وتبكي أخرى
سارة : صاح كنها
معين : مشعارف ماصارش موقف قدامك
سارة : تبي الحق صارت حاجه
معين : شن صار
وحكت سارة الموقف لمعين ورقيتله
معين : صار هكي تم ولاهي نوريهن معقولة ينزلن دمعتها هذينا ولاهي نشعفهن
سارة : رد بالك تدير مشكلة
معين : يبنها من زمان المشكلة هذينا من قبل قلتلهن خطني لكن هن مايسمعنش تمن يحطن في غيضهن على ملاك وبالنسبة لمهيبة حسابها عندي
سارة : رد بالك تدير مشكلة مع منير
معين : تي لا لا انا تو نكلمها مش منير ونوريها المعيلة شن شكلها، وتوا اوكي
سارة : اوكي
معين : منااار، فاطمة
منار:تامي نوضي يبينا معين
تامي : صاح هيا تعالي
منار:نعم شن في
معين : اسمعي انتي وياها كلا معيلة مش معيلة انا حكيت من قبل وقلت سيبني صاح وفكني من التلصق لكن انت ماتريحنش في ارواحكن
تامي : في شنو تقول انت
معين : اسمعي اسمعي فكيني من الاستعباط اعترفي بغلطك خير ما نمشي لباتك ونوصله كلامك كله
تامي : شنووو
معين : اسمعي انتي وياها نلقى وحده منكن حاكية مع ملاك ولا قايلتلها حاجه ولاهي نوريكن لا دخلني بخوتكن ولا هلكن وقسم بدين الله نجردكن من حواشينكن تي ولاهي عشان ملاك نعلق في رقبتي دم 100 راجل تسمعن ولا لا وبالنسبة للسنكوحه هذكي حسابها عندي انا وريحن ارواحكن
تامي : هذا كله عشانها
معين : اها وندير أكثر من هكي أخرى
سهام : خلاص صار خير
مهيبة : الوووو
معين :.....
يتبع........