فالطة ومصيبة 😂💔

سبب زيارة عبقرينو^^

مصيبة . عبقرينو انت نورتنا بس مش من عوايدك اتجينا

بعكس فالطة ديما معكس جنبنا

فالطة .اصلا انا من عيلة يا @#$/#

عبقرينو .باهي خلاص وانتم بتتعاركوا زي درات عارف روحي وسيم بس ماتتعاركوش ع خاطري ^^
كل وحدة منكم بحوشها ونعدل بينكم

فالطة ومصيبة .شبحوا فيه شن تخرط انت .. واصلا علاش جاينا شن تبي فينا

عبقرينو .تي جاي انرد ماضي لما كنا صغار و خنبنا باكو عصير
بس اليوم بنكبروا مشروعنا وبنخنبوا ....... عارفين شن بنخنبوا ولا وعارفين علاش لابس جاكة وطارح بجنيه كله

فالطة ومصيبة . لا لا مش عارفين و من وين جبتها لبسه

عبقرينو من مغسلة الي جنبنا قعد راقد ومعكس جنب مغسلة أسبوع كامل عرفت أمته يطلع وأمته يجي و عنده عادي في صلاة مغرب يمشي يصلي .ويخلي باب مفتوح بس معلق لافتة متع مغلق

مهم خشيت وخنبت لبسه وطلعت وتوا قاعد نتجكتر بيها عليكم ^-*

فالطة ومصيبة .خوي  يا خانب والله ياويلك من ربي تخنب بدلة يا فقرى  مالقيت شن تخنب غير بدلة مستعملة و الله طحت من عيني ياعبقرينو

رد عبقرينو . بس حسبتكم معاي وجبت لي كل واحد فيكم بدلة

فالطة ومصيبة .انصدموا  والله انت جدع وراجل ولد ستين راجل والله منور يا برو  والله مافي كيفك في دنيا هذي

عبقرينو .سبحان مغير أحوال مش كنتم تسبوا فيا خانب وما خانب

ردوا عليه ...والله انبصروا خيرك زعلت

عبقرينو مهم ....  حنا بنديروا خطة بنخنبوا مزينات تي فلوس للنم مزينات تي يزوقوا وجوه بنات با 1500 دينار
    يعين 10 بنات با 15000دينار

وانا حاط عيني ع مزينة الي مشهورة في فيس عرفتوها

فالطة .معرفتها من هذي

مصيبة .تي الي انقلب عليها فيس ما تزوق بنات الي بصور فرحهم

فالطة اها عرفتها عرفتها

باهي وهذي كيف بنخنبوها

عبقرينو .خليها عليا و توا تعرف كيف بنخنبوها ^^ نيهاهاهاها

.........    يتبع