ماذا افعل؟!

ما هي الحياة ؟

بعد كم شهر ...
انا الحين خايفة من السنة الجاية من المدرسة ، كنت راح انتقل بس صديقتي الوحيدة و الي ما عندي غيرها وولا عندها غيري مو حابة الفكرة ، انا كثير خايفة ، اهلي تغيروا انا حاسة ان في شي غلط ، احس اني مسوية شي غلط بس ما اعرف شنو سويت ! ، صار الاهتمام كله لغيري ما يعطوني اهتمام ، احس اني دشيت بالاكتئاب مرة ثانية ، كل يوم ابكي مو معقوله ؟ ، امي متغيرة ! ، اختي الي اكبر مني صايرة تزعجني حيل ، ما تخيليني انام و كله تسبب مشاكل ، بس اهلي يقولون ما عليك انا شنو اسوي ، اختي كله تقول ان امي تحبني اكثر منك و ابوي يعطيني فلوس ، و اختي الكبيرة دايم تطلعها مع ان اختي الكبيرة كانت كثير معاي و كانت ما تطلع الا معاي ، و دايم لما اقعد مع امي تسال عن اختي الي اكبر مني تقول : سارة وينها ؟ نامت؟ اكلت؟متى نامت؟ شنو تسوي ؟ ، طيب انا ليش ما تسألوني عن حالي ؟ ، انا كل مرة اساعد امي و خواتي و ما ارد طلبهم كله اسويه لهم ، بس كل ما أقولهم ان اختي الي اكبر مني مو قادرة أتحمل الي قاعد تسويه يتجاهلوني او يقولون اسكتي ، و كأن انا عدوتهم ! ، و كل ما انفجر ابكي يقولون انتي كله جذي !، طيب راضوني عالاقل قولوا كلمه حلوة ، انا بديت اكره نفسي !!