#قصة_فاتن_
#الفصل_الاول
#الجزءالاول
#بقلم_ام_نور_Um_NoOr
#الناشربارق_العراقي
اني فاتن احجيلكم قصتي واني عمري 23 سنه
اني وحيدة امي وابوي والدي مهندس والدتي معلمه عشت بدلال محد عايشه مايوم حسيت بنقص كنت اتمنئ يصير عدي اخ او اخت بس الله ماراد بابا صار عنده ضعف بعد ولادتي ورضو بقسمتهم وعشنه اجمل اسره بس مع ذالك والدي عصامي ومحافظ الئ درجه كلشي بنظام لبست العبايه والحجاب من عمري تسع سنوات وحبيت لبسي خلصت السادس
ونقبلت كلية تربية قسم رياضيات احب هاي الماده تخرجت من كليتي. وتعينت وره سنه بثانويه مختلطه كان بيها فقط خمس اساتذه والباقي مدرسات قسم مزوجات وقسم لا داومت و رتاحيت بدوامي ماكو مشاكل والطلاب والطالبات حبيتهم هواي وخلصت السنه الاولئ.
بقلم ام نورUm NoOr
بدينه بالسنه الثانيه وتقريبا بشهر12 كنت اصحح اوراق الامتحانات بغرفة المدرسين ودزت عليه المديره ست سهيله وهي انسانه بغاية الطيبه والاخلاق واني احبها و احترمها
رحت الها مرحبا ست
هله ست فاتن شنو هذا الجمال جمالج ياخذ العقل هنياله الي تصيرين من نصيبه انا بس اباوع مستغربه ع كلامها
ست سهيله .. فتونه حبيبتي شنو رائيج ب استاذ محمد
فاتن يا استاذ
ست سهيله ..استاذ محمد مدرس الفيزياء
فاتن.. اي ست اشبيه
ست سهيله.. انسان محترم وحاب يتقدملج شنو رايج فاتن ..انا اسغربت من كلامها بس ست هو مو مزوج
ست سهيله// وهي تضحك فاتن ماما استاذ محمد مامزوج بس هو اكبر منج بثمن سنوات بس بعده شاب
فاتن // بس انا اشوف يجون وياه طلاب للمدرسه ست سهيله// هذول اخوانه التؤم حسين وزينب
فاتن //هاااا زين ست انا عندي درس افكر وارجعلج خبر وابلغ اهلي
ست سهيله //عادي فتونه اخذي راحتج بس كون خبر حلو***
فاتن// الله كريم ست رجعت لغرفة المدرسين رجليه مايشيلني من الخجل ياربي بس لا الكه استاذ محمد بلغرفه دخلت واستاذ محمد اجت عينه بعيني شلون ياربي والكه ست فيروز هاي مو طبيعيه ثرثاره بدرجه تكعد يم المدرسين وتبدي تمزق بزوجها واهل زوجها من دخلت للغرفه اتلكتني سبحان الله عبالك توقيت تكلي هله بغصن البان هله بجمال العالم
بقلم ام نورUm NoOr
انا من كد الخجل ومن حجيها ماعرفت ارد عليها جان تكلي شبيج اليوم خرسه رديت عليها ست اشبيج اليوم ردت ولج شبيه مشلوع كلبي من البيت ورجلي وعيالي تكلي باعي غصن البان مو تزوجين اني ساكته وصافنه عليها ومن يمي المدرسين واستاذ محمد والمدرسات جان تكلي مو تخربين جمالج وروحج شو انتي مدلله ووحيده امج وابوج ابقي عدهم وعيشي مدلله شلج بلعيال ودوختهم والقال والقيل والجهال ضلي هيجي احسلج بقيت مدنكه وابتسم
رد عليها استاذ سامي رجل چبير كللها هسه انتي بيش طالبه البنيه وكال الي بابا فاتن معليج بست فيروز اذا جتج قسمه زينة وافقي
بس اشوف استاذ محمد كلش ضاج من ست فيروز انا اخذت اوراقي وطلعت من الغرفه بس اني الخجل كاتلني اجوني طلاب وسئلوني ع الامتحان وشفت استاذ محمد واول مره ادقق بتفاصيله طويل وسيم تقريبااا اني وياه نفس الطول تعابير وجه رائعه محترم وعده ذوق بلبسه يعجبني الذواق وازيد شي فارض احترامه ع الصغير والكببر مشينه انا وياه بنفس الممر بس ياربي اشبيه انا ليش هيجي ارجف ومامسيطره من الخجل كان درسه بلصف المقابل صفي ومشه اليوم وخلص الدوام
والعصر حجيت وي امي امي عرفتهم وعرفت ابوه لان معلم وياهااااا وبابا هم عرفهم هم مو بعيدين عنه بنفس المنطقه اهلي ماكان عدهم مانع اول شخص يوافقون عليه رغم نخطبت هواي بس ماوافق بابا عليهم و بس ع محمد وافق
