#قصة_فاتن_
#الجزءالاول
#الفصل_الخامس
#بقلم_ام_نور_Um_NoOr
#الناشربارق_العراقي
ابو فاتن انا ماعدي مانع بس منو يقنعها
علي //انا اقنعها اجه علي وامي ودخلو لغرفتي سلم عليه شلونج ام سيف رديت هله خويه
علي.// ترئ الجاي تسوينه بنفسج غلط وانتي لا اول وحده ولا اخر وحده لازم تعيشين حياتج وانتي بعدج شابه وماقصرتي صار اربع سنوات شوفي ام سيف انت اختي وعزيزه عليه اريدج تساعديني ونفذ وصية المرحوم ليليه يعاتبني بحلامي انا من سمعت محمد كتله شبيه محمد وشنو وصيته الله يخليك
علي// وصية محمد بركبتي ولازم انفذها وانتي راح اساعديني
فاتن //اي خويه اساعدك
علي. //ام سيف تذكرين ليلة وفاة المرحوم هزيت راسي اي والدموع وحدهن صبن من دخلنه علئ المرحوم انا وفراس شلون نخبصنه
فاتن// اي اي اذكر شلون مااذكر
علي // المرحوم وصه فراس يزوجج وطلب مني انا بيدي ازفكم وطلب مني وعد ووعدناه انا وفراس انطبق وصيته وتركلج مقطع صوتي اسمعينه وانتي حكمي
فاتن// انهاريت وبقيت بس ابجي شنو ارد علئ علي ماجاوبت علي بس ابجي سمعني علي المقطع سمعت صوته عبالك كاعد يمي ويسولف ويوصي بفراس عليه صوته مو هلكد واضح يكول لفراس فاتن طيبه وبت ناس واريدك تزوجها وتحميها من بعدي انت اخوي وما اامن عليها بس وياك انقطع الصوت وضجينه بالبجي الكل حتئ بابا يبجي وحضني يطبط عليه
علي// سمعي ام سيف هذا المقطع الج بس مو نفس ليلة وفاته لا قبلها بكم شهر سمعت صوتة يكول حبيبتي وحياتي فاتن سمعيني اريدج تنفذين وصيتي بعد وفاتي فتونه ياعمري انا صعبه عليه بس لازم اكول اريدج تزوجين اخوي فراس ترئ فراس طيب وماراح ياذيج وانت لازم تعيشين حياتج ادري من تسمعين كلامي راح تبجين بس اريدج تنفذين الوصيه وتاخذين كلام اخوي علي انقطع الصوت. وزاد البجي بالبيت وكله تبجي ع بجي شكد صعبة عليه
علي //هاي وصية المرحوم ترئ موبس صوت كاتبه كتابه اعرف انتي ماراح تكدرين ولا فراس بس بمرور الوقت راح تتفقون هذا كلامي وبعد ماكدر اعيد تعبت انتم تبجون وترتاحون وانا ضاله علتي بكلبي دنك علي وبقئ يبجي اتاخر الوكت وراحو
فاتن انا بقيت بغرفتي هي وطني وهي حزني رحت لمذكرات محمد حضنتها ونمت اجاني محمد وكعد يمي ومد ايده ع راسي كعدت مسح ادموعي يكلي ليش فاتن تعذبيني كومني وباسني من راسي واختفه بقيت ادور عليه بس مالكيته فزيت مشتاقتلك محمد محمد وين رحت وعفتني اتعوذت من الشيطان ونمت فزيت الصبح ع صوت بابا ويحجي وي امي شوفي فاتن تقبل فراس خير على خير لو علئ صديقي المهندس بعد ماعدي غير هذا الحجي رعبت اكثر من ابوي
.فاتن . حياتي صارت جحيم هاي الفتره ضغوطات الوالد وقسوته زادت عليه وبدت المشاكل بين بابا وماما صارت حياتي جحيم لايطاق وكلت امري لرب العالمين وبعده فتره هم فتحو موضوع الزواج بعد ما أجو اهل محمد وهل المره وياهم فراس ولازم نواجه مصيرنه ونفذ الوصيه كعدنه انا فراس وحدنه بس محد حجه اي كلمه بقينه فتره دخل علي علينه احنه كل واحد كاعد بمكان كال لفراس فروسي حبيبي شتفقنه وطلع علي اجه فراس كعد يمي وحجه
فراس// شوفي ام سيف هذا الموضوع لا انا ولا انتي نكدر نمنعه هذا وصية المرحوم ولازم ننفذها وانا وياج مجبورين بهذا الشي واريدج تقبلين
فاتن رديت عليه وحبك فراس وحبيبتك انته تحبها وهي تحبك جاوبني سكت فراس وماجاوبني بس اتنهد وعيونه دمعن
وكال عوفيني من هاي السالفه اريد ردج
فاتن// فراس انا عدي فكره تقبل بيه
فراس// شنو كولي ام سيف
فاتن //زواجنه يكون شكلي ونعيش انا وياك اخوان انته تبقى وي حبيبتك وانا ابقى وي ابني وذكرياتي واريح بابا وانا مستعده اخطبلك حبيبتك واجهزك انا
فراس// تعجبت من كلامها هذا كله وفاء لمحمد ارتاحيت لفكرتها ونقذتني من بحر انا احب شهد وبعد مااكدر المس زوجة اخويه اتفقنه محد يدري طلعت ورحت لغرفتي وانا مرتاحه واتفقنه باجر يجيبون الشيخ ونمهر بس لا عرس ولا زفه ثاني يوم العصر اجت عمتي وزوجة علي جايبات ملابس وحلقه وجبرني احف وفعلا حفت وجهي ورتبت حواجي لان انا من زمن المرحوم ماحافه بليل اجه الشيخ وعلي وزوج اخته سويت وكاله لبابا وتم العقد ورحت وياهم انا وفراس كعدنه وره وعلي وزوج اخته كدام وصل لبيتهم لكيت الكل ينتظرنه مسوين عشه والبنات كلهن موجودات ذابات الاسود ومتمكيجات اتفاجئن من دخلت لابسه اسود ظلن يلومن عليه ليش ماذابه الاسود مارديت عليهن تعشينه وخلصنا وكلمن راح لبيته
عمي اخذني كال بويه ليش باقيه بملابسج السود كتله بويه تعودت ع الاسود ومالي خلك
اخذتني عمتي وصعدتني لغرفتي لكيت البنات مرتباتها لان صار هواي مهجوره شوي وندك الباب علي جايب فراس ودخله للغرفه اسمع علي يكول خويه محمد هاي وصيتك نفذتها وعذرني بعد
فاتن ..دخل فراس لغرفه وسد الباب انا كنت ارتب ملابسي بلكنتور سلم
فراس// شلونج ام سيف رديت الحمدلله بخير
كعد فراس ع الجربايه وظل صافن اتمدد فراس ويكلب بتليفونه انا فرشت بلكاع وهو نام ع الجربايه دك تلفونه وطلع كعد بصاله انا نمت وي الفجر حسيت بفراس دخل ونام انا اكعد ع وكت صليت ونزلت لكيت عمتي كاعده بوستني شفتها عدها حجي انا نسحبت ورحت نظفت ورتبت البيت وسويت غده بلعشره نزل فراس وسلم علئ امه عمتي صاحت عليه يمه فتونه جيبي لفراس ريوك جهزت الريوك وخليته يمه كالت عمتي تريكي وي فراس انتي ماتريكتي حتئ فراس كلي تعاي تريكي كتلهم ماشتهي كملت شغلي وكعدت سيف وسبحته وريكته وبقئ يلعب وي فراس وانا صعدت لغرفتي هم نظفتها ورتبتها شفت تلفون فراس يدك قريت الكبد يتصل عفت تلفون ونزلت كعدنه لكيت زينب وحسين حمويني جاين من الدوره داخلين دوره مال صف سادس بقينه نسولف انا احبهم اثنينهم لان محمد يحبهم يكول هذول اولادي حسين بيه شبه هواي من محمد احبهم مثل اخواني واصرف عليهم وحتئ اشاقه وياهم صبينه غده وكلمن راح لشغله فراس اجه علي وكعد وياه وانا صعدت لغرفتي غرفتي بيها حمام كبير وبيها غساله غسلت الملابس مالتنه.و مالات فراس وبديت اكوي بيهن دخل عليه فراس سلم وفات شغل التلفزيون وبقى يباوع صاح ام سيف انطيني تليفوني انطيته التلفون وبده يراسل شفت محرج يريد يخابر انه طلعت من الغرفه ونزلت يم البنات بغرفتهن وبقينه كاعدين وسيوفي يلعب راح الوقت دون مانحس نزل فراس يصيح ع سيف طلع سيف لفراس هابابا سيف يسمي عمه بابا كله يله حبيبي بدل خل نطلع نتونس بدلت لسيوفي وطلع وي فراس سمعته كال لعمتي لا تسون عشه راح اجيب من المطعم انا بعد ماعدي شي صعدت لغرفتي طلعت ملابس محمد ونكثتهن يالله محمد شكت شتاقيتلك بجيت ورجعت علكتهن مره ثانيه وفرغت خانه خليت بيها ملابس فراس توضيت وقريت قران وصليت ونزلت لكيت فراس جاي ومشتري لسيوفي ماطور وجايب عشه من المطعم فرحة سيف عدي بالدنيه جان حبيبي كلش فرحان ربي يحفظك الي بقينه سهرانين لوقت متاخر فراس جان يخابر بالحديقه كلنه نعرف فراس يخابر حبيبته عمي وعمتي ماقابلين عليه وبدو يلوموني انا مالي حق احجي وليش احجي هاي حبيبته وانا اعرف شنو حبيب نيمت سيف وصعدت نمت فتحت تلفون محمد ورحت بلذكريات محمد وين الكاك واخابرك مليانه تليفونه صور اله تعودت انا علئ صورته عيوني غوركن بدمع بجيت وطب فراس شافني ابجي باوع عليه
فراس// ام سيف ليش تبجين بيج شي كتله لا ماببه شي
فراس ///هذا تليفون محمد كتله اي سحبه مني وبده يكلب بيه ويبجي
فاتن// كافي فراس لاتبجي ارجوك باوعي فراس و كال فاتن انا حاسد المرحوم عليج وهو بكبره وبعدج تبجين عليه
فراس // فاتن اريد اسئلج وللحكايه بقيه
بقلم ام نور Um NoOr
