عشقتُ كُــل مافيها(مكتمله)

8

زكريا : ممكن اقول اهو اللي طلبتي ...وحيحققو في الموضوع ويترخم عليكي بجد...
فؤاد : هوة فيه ايه لية بتتكلمو في الالغاز كدة في ايه يا بسنت ؟؟؟!!
بسنت بكسوف: اصل طلبت منو يرسم حد صورت معاة من زمان والبيه بيسيحلي اهوة حيفضحني
فؤاد بابتسامه ليرد يقاطعه زكريا:
زكريا: ليه قولتي لفؤاد ع طول ومقلتيش ل منى زيو ..طب مدام انتي صريحه ننادي ع احمد وحسن وأسر وماما وتوته يجو كُلهم ويشوفو حضرتك عاوزة ترسمي واد مصورة معاه من زمان ليه..
فؤاد بعصبيه: متتكلمش كدة معاها ومتتغضش   عليها انته مالك فيها
زكريا: دي اختي يا افندي اولا ..ثانيا هوة انا بمسك ذله عليها كُل يوم دي فرصه مبتتكررش ليستفز بكلامه بسنت
بسنت بنرفزة: متعصبنيش وخليني ساكته عيب كدة متشوفو يا فؤاد
زكريا بيتمسخر ع كلامها: متشوفني يا فؤاااد!!
فؤاد بضحكه خفيفه: يابني انا اللي في الصورة معاها واجيبهالك ع بلاطه انا حبيبها زي مهي حبيبتي ..واللي عاوزة اعملو ..
بسنت بفرحه: زكورتي أعلى ما فخيلك اركبوووو
زكريا : ايه ..بتحبو بعض ...حس كدة دي عاوزلها تكتيك ومخ نظيف يستفزكو انتو الاتنين ...بسبوسه هدي نفسك بلاش نجيب سيرة الحُصان وانتي عارفه مبحبش اركب احصنه ....اسيبكو عشان متقوليش عليه عذول .....
بسنت: مكان من الاول من غير فضايح ...انته لجايبو لنفسك
ليأتي الجميع بعد ان قام زكريا ويجلسو مع بسنت وفؤاد وتارا كان وشها تعبان وباين عليها المرض بس قعدت تضحك وتهزر...الى ان دخل آسر وهو متصنع البسمه ولكن الحزن كاد ان يمزق قلبه ويمشي بكسل وهو ينظر الى تارا ..
احمد الى آسر: مالك يابني عامل كدة متنح ليه ....
آسر : مليش ..أصل كنت بجيب نتيجه التحاليل بتاعه توته ووو...
نرمين : وايه يابني طمنا ربنا يطمنك
تارا: قول وسيبها ع الله
آسر: ايه التشاؤم دة كلووو.مسبتونيش اكمل ليه ...الحمدلله ..نتيجه تحاليل بتقول مفهاش حاجه والست هانم بتتدلع علينه وخضتنه عليها بس كدة
زكريا : ياشيخ وقعت قلبنا ..تعرفو انا كنت عارف ان البت دي بتعمل شويتين دول عشان آسر يشيل عنها البحث بتاعها ..بس لأ فعينك حتذكري انتي ...دة آسوري حبيبي انا وبس
منى: وطبعا حضرتك زي تارا عاوز يعملك البحث بتاعك المجنون زيك ..في حد يختتر بحث زي اللي هببتو بردو
حسن: توته مال شكلك تعبان ...قومي استريحي شكلك منمتيش كويس
آسر : ايوة لازم ترتاحي وهو جالس بجنبها وواضعا يديه حول رقبتها ليحاول اقناعها بان ترتاح
احمد : طب يا آسر مش تبص حوليك كويس ؟؟!
آسر وهو ينظر : الله في عندنه ضيوف مشتقولو بردو سايبيني اتكلم .وخذت دور بسنت ...معلش يا بسبوسه رغيت بدالك كتير !!!
احمد : اعرفك ياسيدي دة فؤاد جارنا وصاحبي من زمان ...ودة بقى آسر اخويا الوغير وبيدرس اخر سنوي مع تارا برغم انو اكبر منها لكن قعد سنه ودلوقتي مشروعهم تجاري ف يشتغلو فبحثهم في الشركه مع ماما
فؤاد ل آسر : اهلا وسهلا يا آسورة ازيك
آسر : اهلا بيك يافؤش ليكون رغي بتاعي صدعك ولا حاجه
زكريا : لا مصدعوش صدعو رغي الست بسنت وهو يغمز ليها مش كدة بردو
لتقف تارا وهي بتستأذن من الجميع لترتاح وتقول لفؤاد مش حسيبك تروح كدة انا مشتاقه للمنصورة لازم تحكيلي عنها بس دلوقتي عاوزة استريح عن اذنكو ...
ليطلب آسر من منى مرافقتها للوظه بتاعتها وبعد ان ذهبا ...
آسر انا بعتذر يا فؤاد بس لازم اتكلم وانت مش غريب طالما انك صاحب احمد من زمان
حسن : متقول فيه ايه ..قلقتنا بجد
آسر بحزن : بصراحه انا كذبت عليكو بس عاوزكو تتماسكو مش عاوز حد ينهار قدام تارا ارجوكو
بسنت : هيه توته فيها حاجه ..صح شكلك بيقول كدة
نرمين : فيه ايه يابني خضتنا قول بسرعه ؟؟
آسر بحزن عميق : توته بجد عيانه مش هزار وووو
احمد : كمل بسرعه حتوقف قلبي
آسر : ووو وعندها كانسر cancer  ومرضتيش اتكلم قُدامها عشان تخف ومتبقاش مش قادرة
انصدم الجميع من الخبر الصاعق دة لتختفي معالم الابتسامهوتطبع ع وجوههم الحزن والدموع التي نزلت من نرمين وبسنت وانهارهما
آسر : عارف ان دة صدمه ليكو زي متصدمت ..بس يماما تماسكي ارجوكي ومتعيطيش وانتي عارفه انها بتحس من النظرة اللي حنبصلها فيها حتعرف عندها حاجه  ....كدة بنكون معملناش غير زودنه حزنها بس
انتي شلتينه لما ماما سلمى توفت وكان صعب ولما ابو احمد وكان صعب عليكي وتجاوزتيها ...دي محنه وكلنه نوقف جنب بعض ومنحسسهاش فيها حاجه ونفضل نلاسنها ونهزر ونرخم عليها عشان متحسش بحاجه
احمد : ازاي بس ...اومال ازاي حتخف او تتعالج
آسر : انا سألت وقالو ان دي بدايتو ونقدر نعالجها ب...بالكيماوي بس لازم عندها ارادة ..
بسنت : مش ممكن في حاجه غلط اكيد غي الفُحوصات ..لا توته كويسه ..
حسن: متعمليش كدة دانتي القويه والجامدة تعملي كدة اومال توته تعمل ايه ..
فؤاد وهو يضع يدة فوق رقبه احمد : متخافش يااحمد كل حاجه حتبقى تمام ..
احمد : ازاي بس ...وتوته عيانه
فؤاد  : انته مش بتقول يا آسر ان علاجها كيماوي خلص عندي فكرة ..بس مش عارف حتعجبكو ولا ايه؟!!
آسر : قول فكرتك بس
فؤاد: بعد الشر عليكو طبعا وكلكو الف بعد الشر ...حد فيكو يعمل انو مصاب بالمرض دة وتقنعوها ان كل اللي فالبيت حيتخضعو للعلاج الكيماوي خوفا ع صحتكو ...وكدة مفيهاش هزار حتصدق بس تعملو ردة فعل زي لما سمعتو ان توته العيانه عشان تصدقكو طبعا
زكريا: ومين اللي حيعمل الدور دة ...
نرمين : انا حعمل كدة بس تخف وترجع تاني ...و..
آسر مقاطعا كلامها: انا اسف يماما ...محدش حيعمل دور دة غيري ...واللي عندي قولتو ..وفكرة كويسه يا فؤاد دانته هديه من السما ع دماغ دي ..انا حعمل نفسي عيان وانتو تعملولي الفحوصاتاللازمه طبعاتمثيل دة كلو وحينفذو معايه دكتور حسن بصفتو دكتور طبعا وتقول ليهم قدام توته فاهم ...
نرمين : يابني بعيد الشر عنك انا حعمل كدة لو لاقدر الله انك فعلا حصل فيك زي توته اخسر اتنين بس ليه ياربي ...اموت بحسرتي عليكو
آسر وهو جالس جنب رجليها : متقلقيش عليه واللي كاتبو ربنا حيكون ف بلاش عياط ....وبعيد شر عن قلبك يحصلك حاجه....بس انا اعرف اقنعها ازاي لما اكون انا العيان ....
حسن : هوة عندها سرطان فين
آسر : معرفش والله من الصدمه يابني مسألتش
بسنت : ليه ياحسن لو كان فحته غير تانيه يختلف اضرارو
حسن : ايوة طبعا ...وفي ملوش علاج ..وفي لي علاج حسب الحاله وتأخر او تقدم المرض عند العيان!!!!!
ليزاد قلق نرمين وآسر ع بسنت : يارب كل اللي من عندك خير ..يارب ارحم بحالها وشافيها من عندك يارب
احمد لحسن: لو كان في مكان وحش قول ونسفرها برة لو مفيش امكانيات كويسه ...
منى اتت وهي مصدومه من  الحزن الذي ملأ وشوشهم
منى : مالكو ياجماعه فيه ايه ..ايه اللي حصل ..فاتني كتير ..
حسن : محصلش حاجه
لتنظر منى الى بسنت ونرمين وهم بيعيطو والحزن اكل وشهم : فيه ايه اية اللي حصل يا بسبوسه ...لحظه ماما فيها حاجه ...
بسنت : لأ طنط مفهاش حاجه ....
آسر : منى توته عيانه وكل اللي هي محتاجه تدعيلها
عن اذنكو حروح انام ..وابص ع توته عامله ايه ..
قامت نرمين وهي مستندة ع احمد وزكريا ليدخلوها اوظتها ليبقى حسن وفؤاد ومنى وبسنت
منى بحيرة: لأ بجد ايه اللي حصل ...واللي حصل حاجه جامدة تخليكو كدة
حسن: توته عندها ...كانسر ولازم محدش يقولها دلوقتي ولا تتعاطفي وتبصي عليها بنظرة الشفقه او العاطفه وحنعمل خطه عشات تتعالج وتخف اوام ..فهمتي بقى ..اوعي تقوليلها حاجه
منى: ياحبيتي ياتوته ..متعيطش يابسنت هي حتبقى كويسه ..سدقيني حتخف وترجع احسن من زمان متعيطش وتشاؤمي ع البت حرام عليكو اللي بتعملي
حسن : كلام منى صح يابسنت متعيطيش ...العياط مش حيشفيها .....بعد اذنكو حروح تاني اشوف الفحوصاتبتاعتها واعرف فين عندها
لتزاد بكاء بسنت ليقترب فؤاد ويضمها الى حضنه ويمسح رأسها كفايه كدة عياط دي عنيكي نشفت من كتر معيطتي هوة الموضوع صعب وعاوز تحمل وتفاهم
انتي الجامدة انا حبيبتي جامدةمتتأثرش فكدة عشان دة اختبار من عند ربنا اهدي ارجوكي
بسنت وهي في حضن فؤاد: يارب لي مش انا ..انا حاستحمل بس توته لأ
فؤاد: ايه اللي بتقولي ..استغفري ربنا ومتعترضيش ع حكمتو ..ومحدش يعرف مين عند ربنا مخبيلو ايه ..وربنا عارف انها حتتحمل ولا لأ ...بطلي كُفر بقى ...واهدي ...انهرتي بسرعه
بسنت : مينفعش يفضحل حد بحبو جنبي ..زمان وانا صوغيرة بابا فينفس المرض وماوعتش ع حنيتو ودلوقتي توته بعد مكبرت وبقت عروسه قدامنه ..يارب كنت انا وسبتهه هي ..دي لسه صوغيرة
منى : وحدي الله ياحبيبتي ومتقوليش كدة ...دانتي بتعترضي ع حكمه ربنا ...اهدي حجيبلك مبايه ميه تهديكي
ليطبطب عليها فؤاد لتتنهد بنهدات خفيه لتغوص في النوم وهي في حضن حبيبها

******************
عاوزاكم تصوتولي vote  تعملولي تصويت  ودي اول مرة بكتب وقصه طويله  وايه رأيكو في القصه لغايه دلوقتي 🥺🙄