هلاو اني اسمي زهراء عمري ١٧طالبه خامس اعدادي بيضه طولي ١٥٥ عيوني كبار كلش لون عسلي وشعري طويل حيل يعني حلوه اني محجبه عندي اخوان اثنين اسامه عمره ٢٣يدرس كليه اداره واقتصاد هوه عصبي حيل بس بنفس الوقت گلبه طيب ويحبني اخوي الثاني اسمه حسام عمره ٣٠ متخرج هندسه ويكره سالفه الزواج وعصبي ميتحاجه ابد نرجع الحياتي العاديه....
الساعه ب7:00
تبارك*(ام زهراء) ...ولج كعدي يلمصخمه إتأخرتي ع الدوام استغفرالله والله شلعت كلبي هلبنيه
زهراء: شبيج يووم كاعده كاعده والله
تبارك: ديلا راح انزل اويلج اذا رجعتي نمتي يلا وراي كومي نزلي بسرعه
زهراء: انشالله اووف شوكت اخلص من الدوام والله تعبت
كمت بسرعه وبدلت لبست صدريه سوده وقميص ابيض ابيض ونزلت جوه
زهراء:صباح الخير🙊
قاسم*(ابو زهراء) صباح النوم بنيتي
اسامه: ليشوفج من لصبح يشوف الخير
زهراء:بابا شوف اسامه هسه اني شمسويتله ويحجي هيج😭
قاسم:لك اسامه عوف اختك تعاي بابا كعدي يمي تريگي علمود يوصلج اخوج للدوام
اسامه: اي اي بعد صف وياها خليها تطلع عينها واني اريد اروح للدوام خلي حسام يوصلها
قاسم: كتلك انته توصل اختك مره ثانيه ما اعود الحجي بطريقك توصل اختك وتروح حجي زايد ما اريد فهمت
اسامه: نشالله بويه😑
زهراء:😛😛😛
كملت اكل لبست جنطتي واخذت كتبي ورحت لكيت اسامه ينتظرني بلسياره
اسامه: بعد وكت ست زهراء وثانيا شنو هاي ملابسج ضيگه
زهراء: شبيك يعني اني اول مره اروح بيهن فدوه خليني اروح والله عندي امتحان راح اتاخر😭
اسامه: يابه صعدي صعدي شحاجيج من لصبح
وصلت للمدرسه دخلت اركض بسرعه للصف لكيت لمدرسه عدنه يبو شيخلصني..
زهراء: صباح الخير😐
المدرسه: بعد وكت لو ضاله شدعوه جايه من وكت
زهراء: ست اسفه والله بس اتأخرت 😭
المدرسه: فوتي فوتي اخر مره تتأخرين
كمل الدرس وامتحنت طلعت اخذت فلوسي ونزلت اشتري لان جوعانه ما اكلت عدل من وره اسامه😒
عندي صديقتي اسمها ورود احبها واحجيلها كلشي عن حياتي لان اعرفها من زمان ومرات نرجع اني وياها للبيت لان بيتهم قريب وتحب اسامه اخوي بس هوه طبعا ميدري...
ورود: شبيج زهراء ليوم متأخره
زهراء:طبعا اتأخر من وره حبيبج اسامه 😒
ورود: ياا انجبي شبي حبيبي 😌
زهراء: مابي شي بس يتناكر وياي من لصبح امداج وامده امشي نروح نشتري شي ميته جوع😭😭
ورود: اوف منج ام بطن شكد تاكلين
زهراء: كبر لفج عساس انتي كلش ماتاكلين دشوفي كرشج عاد اني اكل ما اسمن😒
كملت الدوام وطلعنه نمشي اني ورود نرجع للبيت لجو حار وجهي صار احمر من لتعب دخلت للبيت ميته تعب
تبارك: هلا يمه الله يساعدج
زهراء: يوووم فدوه جوعانه وتعبانه صبيلي غده
تبارك: صعدي لغرفتج بدلي ونزلي ساعديني انصب لغده ابوج واخوانج ع جيه بسرعه نزلي
زهراء: نشالله هسه بسرعه اجي
صعدت بدلت ونزلت كلعاده اني واسامه نتناكر😒كملت الغده غسلت الماعين وصعدت لغرفتي فتحت الجهاز مالتي لكيت ابن خالي دازلي رساله اسمه حيدر طبعا فد اكرهه معرف منين يجيب رقمي
حيدر: هلاو زهورتي
زهراء: خير يابه شرايد مني ترا والله كرهتني بحياتي منين تجيب رقمي انته؟
حيدر:يكلبي لا تعصبين مو زين عليج احبج شسوي يعني
زهراء:استغفرالله اللهم صبرج ياروح حيدر اتركني بحالي احسلك
حيدر: ما اتركج بلا شتسوين هه.
زهراء: دباي باي الحجي وياك ضايع خلي احضرك احسلي
..... خلي اعرفكم عن حيدر
اني حيدر عمري ٢٤ تارك الدراسه بسبب الضروف من توفى ابوي صرت اني المسؤول عن البيت اشتغل بسياره والحمدالله حالتنه زينه عندي اخت اسمها زينب وهيه مقربه كلش الزهراء وتحبها واني هم احب زهراء
بس هيه ابد متريدني ماعرف السبب بس يجوز لان تكره الحب ولازم احصل عليه لان كلش احبه نرجع الحياتي.....
حيدر: يمه فدوه وين صار الغده تعبان هسه اجيت وجوعان اريد اكل وانام واكعد اطلع ع باب الله
ام حيدر: شمالك يمه اتصير هسه اخيتك جاي تصب انطيها صبر يابعد گلب امك
حيدر: ولج زنيبوو وين صرتي
زينب: اجيت ولك شبيك تصيح انطيني صبر .
حيدر:ولك بعينج لاتخليني بلصينيه ع راسج
زينب: شبيك شنو كتلك اني💔😭
حيدر: يمه يمه طلعت دموع التماسيح صدك بعدين بليل عندي الج هديه😁
زينب: الله الله هديه ولو انته الهدايات تجيبلي اذا رايد مني شي😑
حيدر: ههههه خلي يصير الليل هسه
حيدر: يلا يمه اني صاعد انام فدوه كعديني ب٣ لعصر اريد اروح للولد صديقي يريدني اوصله
ام حيدر: نوم العافيه يروحي نشالله اكعدك
زينب: نوم العوافي يكلبي اخوي الغالي😋😂
حيدر: اي الغالي😑😑😑
صعدت انام واجت ابالي زهراء اوف احبها يربي دزيتلها رساله وره شوي ردت عليه حجيت وياها وحضرتني
حيدر:بسيطه يازهراء اذا ما اخذج واكسر خشمج فلا اطلع اني حيدر
...............................................
زهراء:نمت من التعب ومالي خلك هذا حيدر صدك مضوجني ما احبه يربي شسوي كعدت العصر نزلت جوه لكيت اخوي حسام واسامه وامي
حسام: ها عيني وين جنتي حضرتج
زهراء: يعني وين جنت اجيت تعبانه من الدوام ونمت
حسام: هيه بس هاي السنه بعد ماكو دوام
زهراء: حسام شبيك وياي شنو بس هاي السنه اريد اكمل وثانيا ابوي موجود هوه الي يمنعني
حسام:لسانج لا اكصه امنعج واكسر راسج افتهمي لولا
تبارك: ادري تخبلتو صوتكم وين واصل يمه عوف اختك شمالك مخلي عقلك وياها خلي تكمل هسه هاي السنه وبعدين الله كريم لا تشلعون كلبي
حسام: يا يمه ماتشوفين لسانها رايدلها تربيه بس نشالله اربيها ع ايدي اني اعلمها
اسامه: بلا ما تسكتون تخلوني اقره شوي
حسام: دنجب انته كوم اقره بغرفتك صاير شاطر ابو حلك
اسامه: ها شبيك گلبت عليه والله يالله خلي اكوم اذا اكعد يمك اتخبل😒
زهراء: نزلت ساعدت امي خبزنه وسوينه عشه اجه بابا ركضتله
زهراء : هلا بابا الله يساعدك اشتاقيتلك
قاسم: هلا يابعد گلب ابوج
صبينه عشه وكعدنه نسوالف شوي وصعد كلمن الغرفته ونمت.....
بدايه القصه نشالله تعجبكم😍😘
👇👇👇👇👇👇👇👇👇👇👇👇
