#ZOYA
لجموني بوجع كلبي
هلي ما حسو بتعبي ..
علي:اليوم البنيه راح يجيبوها الي واني ابد ما مفكر جنت بلزواج واصلا هذا الزواج كله مااريده بس اريد اعذبها واعذب اهلها الي همه سبب موت اخوي ب7:00
فتت سبحت ولبست دشداشه سوده وساعتي وخليت عطر ونزلت سمعت خواتي يحجن ..
ياسمين: يعني ترضيها اخوي راح من عدنه وهسه علي راح يزوج اخت الي كتل اورس اذا متجي واموتها ع ايدي ماطلع اسمي ياسمين
تقى: اسو ترا هلحجي ماله معنى البنيه مدخلها بشي شنو ذنبها مو وين تحملت ذنب اخوها يجوز تطلع حبابه عوفي هذا الحجي لا يسمعج واحد
علي:ضليت اصيح ياسمييين وتققى حجي زايد ماريد وانتي ياسمين حلكج ما تفكينه بشي وماتدخلين بشي احسن ما ارتگب بيج جريمه هسه البنيه تجي هنا ماتدخلن بيها ولا تعتبروها موجوده اني الي ادخل بيها واتصرف مفهوم هلحجي مااعود بعد؟
ياسمين تقى: ع امرك خويه
علي:وين الحجيه.
تقى:موجوده بغرفتها
علي،
رحت الغرفه امي لكيتها كاعده وشابگه صور اورس وتبجي
علي: يمه كافي راح تعذبين اورس هيج
ام علي: شسوي يمه والله اشتاقيتله
علي:يمه اليوم تجي البنيه الفصليه
ام علي:شنو ذنبها بس نشالله خير وليدي لا تأذيها مالها ذنب بالصار
علي:هه الله كريم يلا اترخص منج اروح للديوان
ام علي:الله وياك وليدي
...................ZOYA
حيدر: البنيه الي حبيتها طول حياتي بعد ما راح اشوفه الساعه ب7:00 واني منايم والجكاير وابجي عليها لان صدك حبيتها كلت لازم اروح اشوفها اخر مره بدلت بسرعه واخذت السويچ وطلعت واهلي ما كتلهم طالع رحت لبيت عمتي دخلت لكيت حسام مقهور وابو زهراء حالته ماتنوصف وعمتي تبجي بيتهم صاير عبالك فاتحه لان ميكدرون ع فراك زهراء بس مبيدهم شي
حيدر: صباح الخير
الكل:هلا صباح النور
حيدر: جا وين زهراء
تبارك: ها يمه فوك بغرفتها تجهز روحها
حيدر:اني اروح وياكم
قاسم:وليدي راح نروح اني وحسام وعمها نوصلها
حيدر: اني كتلكم اريد اروح؟
قاسم:نشالله وليدي امشي ويانه
حيدر،
نزلت زهراء من غرفتها ولكيتها طالعه گمر بس احسها مكسوره وعيونها مورمه وتبجي اتمنيت اروح احضنها واكلها اني يمج
....................ZOYA
زهراء:نزلت واني كلشي ما احس بنفسي احس رايحه لگبري ودموعي تنزل ع خدي لكيت حيدر موجود صدك شكد جنت اكرهه هسه لا قهرني بلزايد ودعت امي وهيه تبجي وتصرخ خليت وصعدت بلسياره وحسام صعد الجنط مالتي بلسياره وحيدر راح ويانه وهوه بلكوه يباوعلي ولازم ادموعه عمري وحياتي ما شفته بهيج حاله صعدنه للسياره ورحنه شوي ودخلنه منطقه تجنن كله بساتين وصلنه يم بيوت عاليه عبالك قصر شوي وكالو هنا ننزل نزلت وشفت ٣ زلم واحد جبير بلعمر واثنين شباب
قاسم: السلام عليك ابو احمد
ابو احمد: وعليكم السلام
قاسم: ديربالكم عليها انطيتكم عمري ترا وانطيتكم شمعه بيتي وهيه مالها ذنب بالي صار ديربالكم عليها
ابو احمد: روح ابو حسام واطمن البنيه صارت يمي
حسام:ديربالكم عليه هاي اخيتي وردة البيت
حيدر:منو الي راح يعقد عليها
ابو احمد: الشيخ علي
زهراء،
سمعت اسمه علي واني كلبي ضل يأذيني معرف ليش خفت هلكد الله يستر شراح يصير اباوع لابوي مكسور وحسام اخوي الي جنت اكول عصبي حالته متتوصف شوي وتنزل ادموعه وحيدر بلكوه لازم نفسه اووف يالله انطيهم الصبر خليهم ينسوني ولا يتعذبون
حيدر:ما محتاج بس يآ ريت
هي تكون محتاجة
آمر ابالها .. وتحتار
مثل الضيعت حاجة ،
ركزي بصورتي اترجاج
أحجي اوياچ ، حيل اهواچ
اذا للصوت مامش باب
بالنظرات نتحاچه !♡
زهراء:حيدر ضل يباوع بعيوني احس بيهن عتب بس والله مجبوره شسوي صح هوه يحبني بس مبيدي شي
ابو احمد:يلا بنيتي امشي
زهراء:واني ابجي
بابا ديربالك ع نفسك ولاتخاف عليه ديربالك ع امي ومن تشوفلي اسامه گله زهراء تگول مشتاقتلك
حضنتك ابوي وحسام
زهراء:حيدر ديربالك ع نفسك
حيدر:روحي زهراء روحي الله يوفقج
زهراء:رحت وياه ابو احمد دخلنه البيت اتوقع بيت الشيخ علي شوي وابو احمد صاح ع بنات
ابو احمد : وينجن ياسمين تقى بويه تعالن اخذن لبنيه صعدنها فوك
زهراء:اجن بنات امبينات بعمري سلمت عليهن
السلام عليكم
تقى:هلا حبي
ياسمين:فوتي😒
ام علي: هلا يمه اللهم صلي ع محمد وال محمد فوتي يمه فوتي ولج تقى صعديها لغرفه علي
تقى:نشالله يمه امشي حبيبتي وياي
زهراء:صعدت دخلت للغرفه كلش حلوه ومرتبه وجبيره هم
تقى: حبيبتي راح افرغلج كنتور ورتبي ملابس بي راح تعشين هنا يم علي هوه صح عصبي بس حباب
زهراء: ايي امبين حباب بس سمعت اسمه خفت
تقى:شنو حجيتي؟
زهراء: هاا لا هيج يلا راح ارتب الملابس
تقى:اوكي العصر يجي السيد يعقد عليج
زهراء:اوف اوف
كعدت ارتب بلملابس كملت كلشي وكعدت ابجي ع حضي صار العصر الي راح يعقد عليه المكروه علي الي حت ماشايفته ولاشي
ام علي: يمه ياسمين صعدي كوليلها تجهز نفسها راح يجي السيد يعقد عليه وع علي وكليلها تلبس عبايه.
ياسمين:انشالله يمه
زهراء:كاعده ابجي واندك لباب كمت
ياسمين:ست زهراء جهزي نفسج عود راح يجي السيد يعقد ولا تفرحين عبالج صرتي عروسه هه هاا ولبسي عبايه عود
زهراء:منو كلج اني فرحانه لتخافين نشالله
زهراء:بدلت واني ابجي لبست عبايه ونزلت
عقد السيد الي واني منزله راسي حت ما شفت علي ابد وكال موافقه كتله نعم سئل علي كله موافق كال نعم سمعت صوته رجولي حيل يخوف هذا صوته هيج شكله شلون اوف يربي ساعدني فدوه
.............................ZOYA
علي:راح ابو احمد استلم البنيه وكال دزيتها البيتك
كتله هذوه
ابو احمد:ترا اهلها انطوها امانه عندي ديربالك عليها خطيه خايفين عليها
علي:لو اموتها محد يدخل مفهوم البنيه صارت مسوؤليتي يعني مرتي لحد يدخل.
ابو احمد:هذوه كيفك يلا اترخص
علي:الله وياك
علي:صار العصر اجه السيد يعقد عليه اني وزهراء ما شفتها ولا انتبهت لان جانت لابسه عبايه سئلها السيد موافقه بلكوه حجت وهيه تبجي وسئلني كال موافق كتله نعم واخيرا صارت هسه مرتي بسيطه يا زهراء عذابج ودمارج راح يصير ع ايدي
..................................ZOYA
حيدر:راحت زهراء بدت حياتها الجديده اني حسيت كلشي انتهى كرهت الحب وكرهت كلشي رحت راستن ع صديقي وكتله اليوم اريد اشرب طبعا عمري وحياتي ما مجرب اشرب بس من صارت سالفه زهراء بديت اشرب
وكمت كل ليله ارد سكران لهلاي
وانه الجانو هلي يحلفون بيه......
....................ZOYA
زهراء:صرت مرت علي واني جنت اكره سالفه الزواج عمري ما فكرت بيها ضليت ابجي شوي وسمعت اصياح يمكن علي صوته هز البيت هز اني لزمت گـلـبـي اجيت اموت شوي وصعد للغرفه
علي:عيوني اني مو جبتج هنا عروسه علمود ترتاحين كومي نزلي هسه وشكو شي بلبيت هسه يتنظف يلا كدامي
زهراء:😳😳😳هذا انته
علي: شفتها وطلعت نفس البنيه الي ردت ادعمها بلسياره
هاي انتي الثوله لا انوب ثوله دكومي نزلي كومي شهلحض مالتي اجتلي وحده ثوله
زهراء: اني مو ثوله خوش
علي:رحت جريتها من شعرها لزمي لسانج ومن احجي لاتردين عليه احسن ما اكص السانج هسه
زهراء:عوفني عووفني نازله
نزلت ونظفت كلشي بلبيت حسيت نفسي متت من التعب بعد ما اكدر اتحرك صعدت للغرفه الساعه ب1:00 لكيت الغرفه ضلمه فتحت الضوء جان اشوووف علي😳😳😳😳😳😳😳😳😳😳
نشالله يعجبكم هذا البارت💞
