عشگ الشيخ

1

قصتنة تبدي بتعريف عن الابطال القصه

البطل
اني:- اسمي احمد عمري32 سنه مامتزوج والسبب اني شيخ مات ابويه واتكفلت المشيخة واني عمري20 سنه مخلص كليه هندسه ومتعين بالبصره

طويل وصخم وعصبي حيل بحيث ايدي والضرب
بركان غضب اغلب وقتي

ماعندي اخوات بس اخوان 2 علي وحسين والسبب اليخليني ماعرف اتعامل ويه البنيه لان ماعندي بنات بعائلتي

امي لله يطول بعمرهة عايشه اني بجرهة

ومسؤل عن عائلتي عندي 3 عمام وابوي الرابع
كل عمامي مرادو المشيخة لان تعب ومسؤليه
واحد من عمامي متزوج بغداد حكم عمله هناك اما البقيه هنا

كدرت اكافئ بين المشيخة والعمل المهنة
والحمدلله

———————-
انروح للبطله !

اني :- اسمي وتين
عمري17 سنه عندي بس اخت وحده اصغر مني اسمه زمرد

بابا يداوم بمستشفى الكرخ وماما ربت بيت
جنه طالعين دانريد انروح البيت جدو للبصره
مرضيت وكتلهم ماروح اهناك احمد مزعج يضوج واتقيد منه مأنو جدو

امي كالت يمه اريد اشوف خالاتج عماتج
جنت حيل مهتمه بروحي شابه ودلال اهلي فابطريق ضربنه لوري وجانت ماما وبابا بالصدر فااتأذو وفقدو الحياة اما اني واختي جنه وره اتأذينه بس ممتنة

احمد:- دك التلفون عمي ابو وتين كلت يمكن وصلو رفعت وزلمه غريب

المتصل:- الو صاحب الجهاز تعرض الحادث سير بطريق البصره
اني تخبلت رحت اركض واخواني وراي رحنه للمستشفى وللاسف حان خبر عمو وعمتي ميتين بنفس اللحضه

كتلهم والبنات كالو بالانعاش حالتهم حرجة رحت دخلت واشوف واتين عباره عن اجهزهة وزمرد فاقده الوعي وحالتهة اتعس
حولناهم ع مستشفى الخاص وعمي وعمتي اجرتز مراسيم الدفن والفاتحة وجنه حيل متكأبين واغلب وقتي بالمسشفى اخاف ع عرضي وشرفي ما امن بالممرضين وهن صغار وحلوات وشابات
بقن حوالي اسبوعين فاقدات الوعي الا ان زمرد فارقت الحياة ايضاً
وجانت خساره النه اكبر شابه بعمر الورد اتموت

بقينه خايفين ع وتين وحالتهة حرجة حيل وشلون حاتكعد وتتقبل الصدمه الكبرى امهة واختهة وابوهة شلووون وجرت مراسيم الفاتحة ايضاً

احمد:- رحت الاحسن دكتور وكتله ادفع ماي عيوني بس اتعيشون هاي الطفله جانت بعيني طفله اشكد ماناعمة وترفه وضلت بس هي من ريحت المرحوم

والحمدلله صارت زينة وفتحت عيونهة

ووتين:- كعدت اني بغرفه بيضه وكلهة اجهزه ويمي مره ورجال الرجال مشفته زين جانت عيوني مغوشه كثر منايمه
والمره عبالي ماما طلعت عمه زهرة

عمه وين امي ابوي زمرد زينين وينهم اريد اشوفهم عمتي بجت
اتقرب هذا احمد باسني من راسي وكال الحمدلله ع سلامتج خويه
الله يسلمك وين اهلي فدوة اريدهم احس نفسي مكسره وليش لابسين اسود

عمتي بجت اني بقيت ابجي واكول لا لا لا لتكولون ماتو وصرت ابجي وصيح احمد يهدي بيه  بس اني بيا حال راح صاح الممرضه وانطتني منوم

صحيت وره ساعات بس دموع وصار احمد وعمامي وعماتي يمي ويفهمني هذا قضاء وقدر رب العالمين اني بس دموع

وطلعت ع اساس بيت عمو كاضم اروح بس مرضت عمه زهرة كالت بيت الشيخ واني الشيخة اني الاهتم بيهة واحمد منع احد يتدخل بيه كال اني اتكفلت بعلاجهة وصارلي شهر اناطر بيهة تجون انتم تاخذوهة لا ممنوع

وطلعوني عندي كسور برجلي وضربه براسي هي الخلتني افقد الوعي
بس الحمدلله صرت زينه والفضل ما انساه العمامي والاخص العمه زهرة والاحمد

ومرت الايام وفات شهرين وصرت زينه اكدر امشي

بس الم مرات براسي بس بعدني اراجع الدكتور
واني كلش مستحيه احس نفسي عاله عليهم

واحمد ميشوفني ابد منزل راسه ويطلع يتنحنح ويدخل يتنحنح واني ارجف منه كثر ماعصبي ويصير حتى اخوانه يخافون منه
وحسين وعلي حبابين حيل وما حسسوني اني بت عمهم ابد

ومرت الايام واني بصدمه صرت قليلت الكلام اغلب وقتي حزن ودموع وبالغرفه الفوك خصصوهة الي

وتين:- يعني اني حاعيش عد بيت عمو والله عيب ناس فضلهم على راسي بس شبيدي لا اخ ولا اخت ولا ام ولا اب وبقيت ابجي صارت غرفتي عباره عن ضوة خافت وملابس سود ودموع والعلاج منوم وخطيه همه تصعدلي الاكل فوك والولد مرات يدكون الباب عليه خاف احتاج شيء

ومرت ايام واسابيع واشهور واني ع هل حاله كأبه واتذكر اهلي وابقه ابجي