علي
وره ماشمرت التلفون وطلعت بسياره واني امشي موبوعي بقيت افتر بالسياره بالبصره
واشوف سيارتين يمشن وراي ابد ماكف مغيبهن من عيني
حسيت اكو شيء بقيت امشي امشي بسرعه هائله فالحد مصارن كدامي وحصروني نزلو مسلحين اخذو السويج السياره وصعدوني وياهم
ماحسيت بشيء بعد
الا ثاني يوم واني مكتف الارجل والايادي والعيون
ماكو اكل ولا احد دخلي
بقيت ع هالحال حسبالي ساعات من مخطوف مادري اني صارلي يوم كامل
وره فتره قصيره سمعت صوت يمي انفتح الباب وانطوني اكل
علي:- افتحو عيوني ايدي
الجماعه:- واحد صاح افتحو خل نحجي وياه
انت منين
علي:- اني الشيخ علي اخو الشيخ احمد شيخ عشيره ..... انتم شنو التردوه منين تعرفوني
الجماعه:- حلوووو طلع ابن شيوخ واني اكول هاي السياره الحلوه المهيوبه المن طلعت مالت شيوخ حلو حلووووو
يلا ناخذلنه كم دفتر من اخوك بس منين بيتكم
علي:- صدمني من طلع ميعرفني
معناهة شغلتهم يخطفون ويحققون وراهة يساومون ومو بعيده ايكتلوني
ماحجيت هم بقووو يحققون بس اني ابدددد كلت هو ميت ميت اني المن اخلي احمد يخسر والخطا مني اني لان طلعت
طلعو وعافوني اكلت بعدني جاي اكل وكعت وره يوم كامل ياله هم كعدت يمكن منوم يخلولي
ورجعوو يحققون ويضربون واني ابددد كأنو اخرس
وجان مجتفيني بقيت عدهم خمس ايام واني ع هالحال ينطوني منوم ويعذبوني
احمد:- مرت خمس ايام واحنه ع نفس الحال امي فاقده ووتين حالتهة كلش تعبانه وتوكع حسين اعصاااب نار واني ماضلت عشيره ما دورت وياي
ماكو لا اثر العلي ولا السيارته
بلغنه الطب العدلي والمستشفيات والمخافر
واكيد الدوام عفته
وعمامي مكلوبه الدنيا عليه
صعبه شاب وشيخ وابن شيوخ وعليه العمل فجئهة ما اله اثر
زهراء وره ما اجه ابوي وضربني وعرف بيه ماريده كلت يلا بعد احسن
لليل وخابر احمد كال علي ماجاكم
ابوي كعد واختبص
زهراء ع شنو خايفين وين يروح مثلاً زغير وتاه
نمت واني فرحانه لان راح نفسخ الخطوبه بس ضايجة لان بعد بيت عمي علاقتي انتهت بيهم اكيد الولد حايكرهوني واني ماعتدي اخوان لعد باجر منو يوكفلي خررررب نمت واني ضايجة
ثاني يوم ابوي طلع سلاحة وماكو علي وع نفس الحال الدنيا انكلبت بعد شيخ واختفه
وثالث يوم ورابع يوم وخامس يوم وعلي ماكووو
بهاي الفتره عرفت معزت علي واتذكرت معاملته وياي وشلون جان يحاول يخليني افتهم الامر بس تهوري وطيشي وحسيت اني السبب الاختفائه وصرت اتخايله بعد ماكو لو مات لو صار عليه شيء جنت حيل خايفه ودموعي مانشفت
فبليل واني كاعده واتذكر سوالفه وضحكة وشقاء وشلون حنين وشلون اهله يحبوه لان اهدء واحسن واحد واحمد يموت بيه حتى يخلفه بالمشيخة شوي ودخلت زينه
زينه:- دخلت وزهراء تبجي
اتقربت منهة
زهراء ع شنو تبجين مو انتي السبب وين كلامج وين كرهج العلاوي هسة من راح صرتي اتحبيه
أنت تقرأ
عشگ الشيخ
Romanceدمار الحب رجل مخيف مغصب متشدد ملتزم يتزوج ببنت عمه اليتيمه الابوين وتعاني منه كثيراً لكن سائت الاقدار ويطعم بحبها القصه باللهجة العراقيه😚
