Magdidiet na ako
Sawa na ako sa kakababoy niyo
Lumba-lumba, dabyana, at hugis aparador
Nag-exaggerate pa, di daw kasya sa door.
Unang araw, sa may karinderia
Ang sabi ko, "isang cup ng kanin lang"
Di ko napansin, busog na ako.
Sampung beses ko na palang nasabi: "Isang cup ng kanin po"
Naku, mukhang napasubo ako ngayon
Pangalawang araw ng pagdidiet, handaan ang punta ko
Nakita ko ang litson, tumulo laway ko.
Noong araw na iyon, nakalimutan ko ang ang plano't ang pangalan ko
Sa pangatlong araw, bumili ako ng gulay.
"Pananghalian natin 'to" sabi ng nanay.
Natuwa ako nang bahagya, dahil tuloy na ang pagdidiet ko.
Ngunit, ang mukha ko'y nakabagsak habang nginunguya ito.
Makalipas ang ilang oras, kumalam ang tiyan ko
Di ko iyon pinansin, at pinatuloy ang paglalaro
Isang minuto ang nakalipas, kumaripas ng takbo
Ang tindahan ng mga tinapay, tinuring kong hero!
Pagkarating doon, may nakita akong lalaki
Tall, dark, and handsome. Ay hindi pala, dahil siya'y maputi
Tumingin siya sa akin at biglang ngumiti
Ako nama'y napatulala at ang pagkagutom ay hindi na napansin
Pagkatapos noo'y, madalas na kami nagkikita
Siya rin ang naging inspirasyon ko upang mawala ang taba
Natutuwa ako dahil sa bawat linggo'y nababasawan ang aking timbang
Pati ang leeg ko'y natatanaw na ng aking matang malamlam.
Minsa'y nagdate kami nung lalaki sa isang restawran
Gulay lang inorder ko, upang makatulong sa pagpapayat
Ang lalaki'y nagtaka sabi, "Ba't ka nagkakaganyan?"
Ako naman ang nagtaka, at tinitigan lamang siya.
Itinuloy niya ang pagsasalita, habang ako'y napanganga
"Minahal kita kung sino ka pa
Mahal kita kahit pa mataba ka
Mamahalin kita kahit pa hindi ka na makalakad."
Dagdag pa niya, habang ako di makapaniwala:
"Mas gusto ko yung hindi mag-abot ang kamay ko kapag ika'y kayakap
Dahil mas lalo kong nararamdaman na ang laki-laki ng aking pagmamahal
Sa taong kailangang mahalin muna ang sarili bago ang ibang tao diyan."
===
"Don't let anyone underestimate you. Don't let them make you feel down. Love yourself. Appreciate yourself. Teach them how to look beyond."
--Sinulat ko habang nagdidiscuss yung teacher namin. Hehe. Nakakatamad makinig e. (^_^)
Don't forget to comment, vote and become a fan po! ♥ ♥
