فصليتي_العنوديه😘

بارت 2

هلو حبايبي شلونكم بلا ما اطول عليكم
خلونا نكمل باقي القصه 😘
جود ... جنت اخطط لمستقبلي وابد ماحسبت حساب يلي حيصير وياي بالمستقبل جنت أقره قصه مالت فصليه اكول هم يجي يوم واصير مثلهه لالا
جود شنو شبيج تخبلتي شنو شتحجين انتي

جود ... ماما ولله ضوجه گلي لوسام يطلعنه

ام جود ... ولج يمه شيطلعج ماتكعدين وين يوديج

جود ... اوف ماما ولله ضايجه راح اطك من الضوجه ... بهاي الأثناء ودأحجي وياماما طب وسام

وسام ... السلام عليكم

جود سمر (سبق وگلتلكم سمر هي ام جود ) ... وعليكم السلام

جود .... هلا خويه حبيبي شلونك

وسام .... اممم شنو هاي اشو صايره مؤدبه بالحجي اكيد وراج شي مو ولج

جود ... اهوو هوه انتم مومالت واحد يحجي وياكم بأدب الا بصياح يلا
ام جود ... ولج يمه نصي حسج (صوتج) لا ابوج يگعد

جود .... حطيت ايدي ع حلگي وشهكت بصوت ناصي ولله ابوي لو يسمعني هيج احجي ويا وسام اخوي الجبير يموتني

وسام ... جود ممكن احجي ويا امي شوي وحدنه

جود ... هممم شعدكم اااي احجو كايمه .. طبعا بعد ما طلعت من الغرفه حطيت اذني يم الباب حتى اسمع شنو ديحجون بس ياليتني مسمعت

وسام ... يمه تعرفين ترى هواي زلم وشيوخ بعد اجوي ليخطبون جود وماوافقتي ولا هي ام راس اليابس

ام جود ... ولك شدتحجي ماما يمه صح همه زلم وشيوخ بس اصغر واحد يزودهه 25 سنه يمه شبيك انا واوافق على هيج زلمه لبنتي وحبيبتي

وسام ... ماشي يمه البارحه طلب ايدهه زلمه وشيخ معروف وكلهه تحلف بأسمه من عشيرة ....... اسمه الشيخ جهاد

ام جود .... شهكت صدك يمه ول يمه يشرفنه نطيهم بنتنه بس خلي اخذ رايهه لهاي ام راس اليابس

جود .... هنا انصدمت معقوله لا ماما يعني حيزوجوني بعدني ممكمله دراستي لالا وسام ميسويهه يعرفني احب الدراسه واريد اصير دكتورة

وسام... حاجيت امي وطلعت ولكه جود كبالي .. ولج اني شكلت ولمن طلعتج من الغرفه ترحين تتسمعين علينه .. يحجي بصيااح ومن كد ماصوته عاليي كعد ابوي وطلع من غرفته هو وماما وهدو وسام وإني الدمعه نزلت من عيني

ام جود .... ولج جود شلون هيج تتسمعين يمه إنه هيج علمتج يلي ميريدج تسمعين كلام مو من عمرج ليش ترحين تتسمعين

جود وهي تبجي ... ااي وترحون تخططون بكيفكم تردون تزوجوني مو لا ولله ثم ولله ما اتزوج

ابو جود .... وسام شنو بويه شبيكم ماتحجون

وسام .... بعد ماحجيت لأبوي كلشي حجه

ابو جود ... لا ولله بويه ميصير هيج ولكم البنيه تريد تكمل دراستها وانتي ام جود شلون تقبلين تدرين ببنتج تحب الدراسة وتريد تكملهه

جود ... رحت حضنت بابا وضليت ابجي
........................... .................. .....................

جهاد ... خلي احجيلكم شصار بتفصيل هذاك اليوم يلي جان عندنه كعده ديوان بيه ورى ماخلصت وراحو الناس وردينه لبيتنه ابوي حجه

ابو جهاد ... بويه جهاد صرت جبير ولازم تتزوج وترى العمر يكبر وما يصغر حبيبي

ام جهاد... اي ولله يمه جهودي وإني لاكيتلك وحدة معدله وتخبل وبنت شيوخ
جهاد .... بويه ولله نطوني مجال شوي ترى مايصير طول هالخمسه ايام وانتم تفتحون هالموضوع وياي بس انشالله يمه انشالله

ابو جهاد ... اي ام جهاد ماكلتيلنه منو هاي يلي لكيتيهه لجهاد

ام جهاد...ولله يابو جهاد هيه بنت شيخ عشيرة آل...... شيخ حيدر

ابو جهاد... بنت شيخ حيدر صديقي هاذه انشالله هاذ الأسبوع نحجي وياهم شتكول جهاد

جهاد .. اني ضليت صافن صح اعرفه شيخ حيدر بس مو كلش وعرف عنده ولد بس بعمري وحياتي مسامع انو عنده بنات

يتبع .............

هلو انشالله البارت هاذه يعجبكم وساعدوني حتى اكمل القصة فدوة
525 كلمه وانشالله البارت الجاي يتعدى الألف كلمه
وو نسيت طولت البارت شوي لعيون ROKAEA500
امواااح احبكم يلا كود باي