البارت 48
صحيح احنه ساكنين بالعرب وعقليتهم وتفكيرهم يختلف عن المدينه عدهم كل شي عيب.. وحرام وما يصير وبس يدورون حجه على البنيه ويكسروها.. ويكسرون حياته.. والمطلكه عدنه مثل العار ماتخلص من لسان العالم..
*اوف ياربي شوكت اخلص من هل القهر ومن هاي العالم إلي عايشه بنصهم يارب ارحم بحالي وخلصني.. يا ألله خلصني العالم ماترحم وكامت تاكل بيه اكل استغفر الله ربي وأتوب إليك لا اعتراض على حكمك يا إلهي..
*جاسم مرتين اجه هو وعمامي ورادو يرجعوني بس ابويه قافل على الطلاك.. و كلما يجون اخوتي يتضاربون ويا ..وما ياخذون نتيجه من ابويه واستمرت على هاي الحال.. جاسم حالف مايطلك ومعند ومايقبل وابويه مصر على طلاك ..شكد دخلوو عالم علمود الصلح وارجع لجاسم ابويه بكل مره يرفض..
حازم ـ يابه شلون تريد طلكه انت مو تعرف نظره الناس للمطلكه وشنو سمعته...
ابو زهرة ـ 😠إني ما يهمني كلام الناس إلي تهمني وبس بنتي وراحته ما ادير بال
حازم ـ والله يابويه تعال وشوف شنو يحجون ويالفون بكيفهم والله اتشعوط من اسمع الحجي...
ابو زهرة ـ حتى لو الي يصل زهرة وياذيه يعتبر آلله غاضب عليه وانتو تفهمون شنو قصدي..
زهرة ـ سكتو من سمعو كلامه وإني اوف يا إني ولله كمت أخجل اطلع كدامهم من ورئ الحجي إلي اسمعه اغلب وقتي بالغرفة والعب ويا جهال اخوتي واتونس وياهم صارو هم سلوتي بهاي المده..
*بس صارلي فتره تعبانه وعندي نحول بجسمي ومااشتهي هالكد وادور انام هوايه ومن اشتم ريحه زفر تلعب نفسي.. مادرت بال شي عادي
همام ـ يلا حظرو روحكم وخلي نروح سفره بالبستان ونتغده بي وهم ابويه يطلع ونغير جو...
زهرة ـ حظرنه اكل هوايه إني خبزت وشويت سمج ودجاج.. والبنات سوو دولمه وبرياني وباميه على لحم وخظروات وسلطه ولبن وفواكه وو خير من آلله ابويه وامي طلعوو قبلنه والولد شالو نص الغراض وراحو واحنه لحكناهم بالباقي وكليتنه رحنه
*احنه متعودين بين فتره وفتره ناخذ اكل وناكل بالبستان على الخظار المنظر يصير حلو ويسويلك واهس ويفتح شهيتك على الأكل.. بعدها وصلنه وفرشنه جوه شجره عدنه.. بنص البستان جبيره وظله واسع ومكانه حلو وكعدنه ورتبنه الاكل وكلنه التمينه...
حسبت براحه بين اهلي وناسي تونسنه وضحكنه وشقه ونلعب على مناوي وجاد حبايبي.. ولد اخوتي
اباوع كله فرحانه وتضحك حمدت ربي وشكرته الف مره وطلبت من ربي يديمهم هيجي دائمآ وعلى طول...
زينه ـ امشآ بنات خلي نروح نكطع برتقال ونوزعه الهم
زهرة ـ يلا طلعنه واني حسيت بتعب شويه ولعبت نفسي مع انو إني ما اكلت زفر ما ادري ليش يمكن كثرت بالاكل...
*بقيت امشي وياهن وهنه يكطعن وإني ألم وراهن لعبت نفسي فد مره وما تحملت ذبيت إلبرتقال من حظني وركضت استفرغت كل الاكل الي اكلته.. طلعت روحي وكمت ابجي ما اتحمل استفرغ احس روحي تكوم تطلع..
مها ـ سلامتج حبيبتي ليش هيجي ..وعليش هل الدموع
وع
زهرة ـ ماادري يجوز ماخذها برد ..ما تحملت استفرغ وكمت ابجي ...
مها ـ هههه ولله ما يلامون بيج اخوتج من يكولولج طفله..
يلا غسلي منا...
زهرة ـ غسلت وكمت وياهم بطريق الرجعه دخت واحسيت دافقد توازني وكفت شويه
مها ـ هاا شبيج اشو وكفتي
زهرة ـ ماكو شي بس شويه تعبت...
وصلت واني جسمي منحول شايله بحظني البرتقال صحت على مؤمن ياخذه مني ..
بعدني مامكمله كلامي وفترت الدنيه بيه وودخت ووكع البرتقال من حظني
اخوتي اجوي يركضون عليه ومؤمن شالني..وابويه تخبل خطيه عباله شوف شصار بيه بقوو يحركون بيه ويذبون عليه مي والحمد لله بديت اصحى بس بعدني لعبانه نفسي.. وتعبانه فتحت عيوني وشفتهم كلهم فوك راسي...
مؤمن ـ زهرة عيني تسمعي شلون صرتي...
زهرة ـ الحمد اللة مابيه شي لا تخافون
ابو زهرة ـ موتينه من الخوف عليج يابويه
زهرة ـ لا تخاف بابا مابيه شي ولله.. بس دخت شويه وماسيطرت ووكعت لا تخافون زينه إني
ابو زهرة ـ الحمد لله والشكر
مؤمن ـ اكعدي هسه ولا تكومين.. ارتاحي اخاف صار عندج هبوط
زهرة ـ مادري والله يمكن..
*بقينه كاعدين لما ارتاحيت وراها رجعنه للبيت..دحكت ع أمي تباوعلي بقلق وتتهامس هي ومها ..ومبين مزعوجه وتباوع عليه ما افتهمت شنو الفلم .. توها جانت تضحك شكلبه عليه استغفر الله ربي
.يلا من نوصل اسحب مها على صفحه وافتهم منه رجعنه وكلمن راح لغرفته واحنه رتبنه المطبخ وكملنه..
مها رايدتج بشغله إذا ماعدج شي...?
مها ـ لا ماعندي شيء بس اروح اشوف مؤمن وجاد.. أخاف يريدون شي وارجعلج روحي كدامي وهسه اجيج
زهرة ـ طلعت كدامه للغرفه واني دايخه وقلقه وكلبي مقبوض.. ماادري ليش استغفر الله ربي ما ادري ليش عندي احساس يكول راح تجيني مصيبه واني حساسي ما يطلع غلط.. أعوذ بالله من الشيطان لا زهرة لا تفكرين بالسلبيات..اي ماكو شي وماراح يصير شي وراح اتتحرر من جاسم 😍أي زهرة لا تخافين صيري قويه وفكري بالإيجابيات...
مها ـ أجيت اني يلا احجي اسمعج ...
زهرة ـ مها شكو بينج وبين امي شفتكم تتهامسون وامي مزعوجه مني ما ادري ليش مع انوو إني ماسويت شي غلط اليوم ..ها احجي لا تظمين عليه آلله عليج احجي +
مها ـ اوف زهرة اريد اسالج كم سؤال
زهرة ـ ااي تفضلي
مها ـ اليوم من دختي هاي أول مره ...
زهرة ـ لا صارت ويايه هوايه
مها ـ زين عدا هذا ..اكو فد شي تكرهينه وماتحبين تاكلينه
زهرة ـ شتقصدين أنتي وعلى شنو داتلمحين مجاي افتهم وضحيلي اكثر...
مها ـ جاوبيني هسه
هيلاوووو حبيباتي اشكركم على تعليقاتكم الحلوه
