أَغمض عينيك .. ودَع قلبـك يـرآني 💜

الحلقة ((5))

💜 أَغمض عينيك .. ودَع قلبـك يـرآني 💜

🌸 كتابة : ميرا ياسر 🌸

~~~~~~~~~~~~~~~

الجزء الخامس ~~| 🍃🍓

قيس...رياان ، رياان استني

وريان نازلة تجري من غير ماترد عليه وتبكي وهوا يلحق فيها ويضبح ....

وريان طلعت لبرا وفتحت السيارة ومشت بسرعة....
وقيس مقدرش يلحق عليها 💔

قيس...ريااان ،، الشششيت الزفت واااك..... وطلع تليفونه واتصل بيها ...

وريان كانت تسوق وتبكي بلعبرة ولما شرين خدت التليفون وسكراته ولوحاته التالي

وكملت طريقها ومشت علي حوش ياسمين.....

ولما وصلت خدت تليفونها وبعتتلها مسج....

ريان.. ياسمين اني تحت حوشك.. افتحييلي توا توا

وياسمين قرت المسج ولبست وشاحها ونزلت باش تفتحلها..

ياسمين.. ان شاء الله خير هادي شن جابها توا...

وأول مافتحتلها الباب لقت ريان واقفة وعيونها مش باينات من الدموع وانصدمت....

ياسمين.. رياااان !!!  خييييرك ؟؟؟؟؟؟؟؟

وريان من غير ولا حرف طاحت ف حضنها وقعدت تبكي بالعبرة وياسمين مش فاهمة خيرها وتهدي فيها💔

ياسمين.. ريوونه حبيييبتي غير اهدي بس باش نفهم مننك.. خيرك يارووحي شن صاارلك احكيليي
ريان... اانتي..  كان .. عنددكك.. حقق ومعاش قدرت تكمل كلامها وقعدت تبكي
ياسمين.. يااربي لاحول الله ...باهي خششي توا تعالي معاي داري وادوييلي براحتك خيرك اوك ؟
<وريان هزت براسها> ...

وخشو الاتنين مع بعض لدار ياسمين وسكرو عليهم ...

ياسمين.. ياعمرري احكيلي متقعديش هككي.. خيرك شن صار معاك ادوييلي.. علاش مدايرة ف روحك هكي !..
وريان ساكته وتبكي.....
ياسمين.. استغفر الله .. باهي خشي اغسلي وجهك واهدي شويا وتعاليلي ... تعالي هي

ورفعتها الحمام غسلت وجها وعطتها تشرب مية هدت شويا بعدين رجعو عالدار وقعمزت ريان ع السرير...

ياسمين.. احسن توا ؟
ريان.. اي
ياسمين.. به احكيلي خيرك.. منتحملش نشوفك هكي انا💔
ريان..< مسحت دموعها > هانحكيلك .. بس اوعديني الكلام يقعد بينا ارجوك مش ناقصة فضايح💔
ياسمين..واني لمن بنقول خززي عليك .. ادوي
ريان ..انتي كان عندك حق.. قيس مستحيل يحبني
ياسمين... وشن الي صار خلاك تقولي هكي ؟
ريان.........
ياسمين.. لااا ريونة بالله عليك ماتبكي <وناضت قعمزت جنبها وقعدت تمسح ع راسها وتسكت فيها>.... ياروحي ميستاهلش دموعك ابدا شن الي صار وخلاك  بالحالة هادي
ريان.. انا كنت نكلم ف قيس .. من ايميل وهمي
ياسمين... كيييف !!