رمادٌ_ الامَسِ
بقلمي_ داليا_ المسلم
الحلقة _ الـثالث عشر 💔
. ﮼
. ﮼بيني و﮼بين احدهم
منحدر صمـت
وفجوه عضيمة
.من العتب
. وجبل من الاشتياق 😞
~~~~~~~~~~~~~~~~
يقول {مارتن لوثر كينغ}
لا يستطيع احـد ركوب ضهرك
الا اذا كــنت منحـنـي }}}}}}}....!!
بقهر لميت الغراض وخليتهن. بعلاكة وطلعت انطيتهن
لاامـي. اخذتهن مني ونظرتلي نظره. حزن نظراتها تكلمني. اااه ياحظج يانجمة
تركتها ورحت سبحت طولت جوى الدوش لعل. قهري وناري على حظي تبرد كملت ولبست وطلعت
شفت نوال يم الغسالة تغسل ملابس
... بسؤال نوال بسام راح لو بعده ..؟؟
... راح وعمي. هم هو وعلي. طلعو للمكتب. جايهم
ناس يردون بيت
... زين لعد اجتني فطومة جايبة نقال امـي
... عمة عمة هاي. باجي مريم تريد تحجي وياج
... جيبي. الووو هلاو مريم
... هلو ولج اشلونج ليش مختفية
.... شكو شرايدة مني
... عابت اني صوجي. افتقد هيج اشكول
... خير احجي فضيها
.... والله لو يمي جان ضربتج على براطمج جنهن براطم .البعير اليوم عيد ميلاد خليفة اريد اسويله مفاجئة تعالو الله عليج انتي والجهال
.... زين. وعلاوي اجيبه لو لا طن——-
شوف الحقيرة سدته بوجهي ضحكت عليها على اساس مستحية ذبيت النقال. على الميز
ورحت للاستقبال. نشفت شعري وشمرت الخاولي وعفته مفتوح وشغلت البلازمة وطلعت قناة. بس اغاني وعليته. وظليت اركص واتمايل فاتت نوال. والجهال. اجوي يركضون. كامو يركصون مكيفين ويصيحون عرس نجمة ويصفكون
نوال .... وج نجيمة شبيج شطحن هههه
.... اريد اشتغل رئاصة بضحك. بعد بطلت من الدين والديانة. كرهت كلشي بأسـم الديننن
يالله تعاي هزي وياية. سحبتها من ايدها. وضلينا نركص ونضحك. حسيت روحي مثل المجنون
واطلقو سراحة. من فرحته. كام يغني ويتراقص
فاتت امي وشافتني. الظاهر جانت تبجي
كعدت على القنفة وكـامت اصفك. وتضحك لضحكتي
ام نجمة ... اي هسه يجي علاء وخوش يركصجن
.... اكول يمة احجي واركص وكامشة ايد رقية واركصها ويايه . خابري الله عليج. خلي يجي يطلعنا
مو اليوم عيد ميلاد اخوج خليفة. خلي ناخذ كيكة
ونروح الهم
.... ولج كولي خالـي شنو هو زعطوط اسويلة
عيد ميلاد لا عيب من ولده
... يم جنتج عزمتنا. عيني اني شـلي دخل كالت تعالو معزومين مسويه مفاجئه لخليفة
.... شوف هاي مصدكة مريم. هو انتن. اثنينج
نفس العقل . خلي اكوم اصلي العصر احٰسن
لليل رحنا لبيت خالي لكيت مريم مسوية كيكة ونفاخ
وخالي كاعد يضحك علينا رسل خجلانة مني
أنت تقرأ
رماد الامس
Poetryابو نجمة ... الف وسفة عليك علي. خلي اصير جوى التراب وعود. اضربوها لختكم. ورب العرش اكص ايدة الي يلزم شعره من راسها. نجمة... كعد بابا مهدود حيله وكعدني بصفة. ونضرلي نضرة احسها طعنت گلبي دار وجها لعلي اكعد احجيلي شنو. مصيبة ابراهيم الجديدة...
