سلام
واش راكم cv؟
بارت اليوم نحكيو فيه على كان 2019 و اخبار الجزائر فيه
كيما عارفين الجزائرين غزاو مصر و هذه الجمعة صحاب السياسة راهم فرحانين وعلاش في رايكم ؟
علجال الناس كلهم رايحين اشجعو المنتخب الوطني ابا مكاش شكون ادير الحراك و كسرلهم ريسانهم
وزيد بالنسبة للمباراة نيجيريا شفتو اخر هدف كيفاش كان تحفة مي الحاجة لي شوكاتني هذاك المخلوق لي تكسل في الارض يستنا الكرة تجيه
قالولو نني نني يا بشه و محرز جابها في شبكة 😂
و اش شفنا في لي ماتش لي فاتو كل غريب والله
كسرو عطال وقلنا ماعليهش
عطاو بطاقة صفراء لماندي و قلنا ما عليهش
بكاو بو نجاح وقلنا ما عليهش
قلقو بن ناصر و قلنا ما عليهش
مي باش يوصلو يهبطو سروال قديورة هذه كبيرة و الله 🤣
اخر شعارات الجزائرين : ايا حلو و المصاروة يكحلو
هذه ما قنعتنيش علواش اكحلو يرحم بابكم رحتولهم خلعتوهم في بلادهم 😂
مش محال نروحو الاهرمات نلقاو كل الانصار بالمطرقة والفاس اكسرو نقولولهم علاش اقولو باش نديو حجرة souvenir 😁
في ماتش كوت ديفوار غاضني بونجاح علابالكوم وعلاش بكا و ندم كي ضيع ضربة الجزاء علجال يعرف بلي الجزائرين ارجعوه مع الخونة و من سلالة سلال و اويحي خخخ
و زيد في ماتش نيجيريا غاضني بونجاح ثاني همه الوحيد يطلع اماركي مي الله غالب خاصو نوسعولو في المرمى شوي
قالو لبلماضي اذا تفهم السياسة ارواح نظملنا دولة قالهم انا مرانيش سياسي و هدفنا هو اللعب والفوز يا جدك خاف اروح في الجرة مع المنجل
اخر الاخبار تقول انه كل الانصار لي راحو المصر درك يتزوجو بمصريه و جو مبدلين العقلية ههههه
و هذوك الانصار لي في فرنسا دارو انجاز عظيم كي رفدو العلم بعد التاهل و فرنسا كانت تخلع فيهم ما علبالهاش بلي الجزائرين في راسهم دودة و يحبو الزكارة ههههه
نرجعو للنيجيريا قبل ما نلعبو المليارديرات تاوعهم قالولهم لي ماركي على مبولحي نمدولو مبلغ مالي كبير و بدراهمنا قريب مليار ونص مي سؤال محيرني و هذاك لي مركالنا حنا شحال يعطولو 😂
اذا فتحت الموضوع مش راح نكمل مبروك علينا التأهل ولعقوبة نديو الكحلوشة و تفرج على البلاد في كل نوا حي
وربي يرحم الشباب لي توفاو في جيجل و يجعلهم من اهل الجنة واصبر ذويهم
هذا واش لازم نوعو فيه الكاس اجوبوها و لا لا مراهيش قد حياتكم
دمتم في رعاية الله
#مزال السنغال والكاس لينا انشاء الله
أنت تقرأ
هبال DZ
Humorتحب تتمهبل راك مالل باغي تضحك تحب التمنشير انت دزيري اذا كنت طفل ولا طفلة ادخل ????????????????????
