حب جنوني

الحلقه6

اسيل_سلار بسرعه كمز وصاح اريد احجي وياكم اني بقيت اباع عليه حسبالي يريد يحجي بلخطبه كلهم باعو عليه نسوان وزلم وجهال كل لبيت بيبي ضحكت بس ماعرف ليش

سلار_شفت لوضع تمام افتح موضوع اسيل قبل فتره حاجيت جدتي وكالت ابشر بموضوعك شفتهم كلهم كاعدين وفرحانين يعني ماكو احسن من هيج كلهم باعو عليه ...والله مدام كلكم كاعدين اريد افتح وياكم موضوع واتمنه عمي ابو مصطفى ميردني ....ابشر واني عمك ....كفو منك عمي والله عمي اني رايد اسيل على سنت الله ورسوله كلها بقت تكامز ناس تعيط وناس تضحك وناس صفك منسمع اله صوت شك اذني اسيل

اسيل_من سمعته هيج حجه بعد ماشفت الخوف وتوتر وكل شعور طايح حظه اجاني بذيج ساعه عطت بيه ...شنو انته بكيفك تحجي واني مموافقه بيك ولا راح وافق خزرني وصاح بعلو صوته ....عمي اسيل اذا مصارت لي ماصير الغيري ...شنو انته شتحجي بابا احجي وياه مصطفى كلش ضاج واكرم محجه بس امي لزمتني بابا كام اجه يمي همس بذني دخلي جوه واني احلها كمت ابجي ورحت ركض للغرفه دخلت للبيت بقيت اعيط وابجي

سلار_اسيل مشفت دمي بقت تبجي وتعيط والله لو لازمها بزيج ساعه اموتها (بس حجي😂)
شفت ابوها راح همس بذنها وهيه ركضت للبيت سمعنه تعيط امها تخبلت بس ابوها ماقبل تروح مصطفى واكرم راحولها شكد تندمت لان حجيت بس بعد ماتحمل خاف واحد ياخذها مني عمي حجه وكال.... كدام الحاظرين اسيل الك مو اليوم من صارت هيه لك بس عندي شرط زواج هسه ماكو تخلص دراستها وبعد بكيفها بعد ماتخلص كليه من تخلص سادس وتزوجون بعد هاي بيدها...لا عمي حدها سادس الاعدادي وتكعد ماعدنه بت تبقه بلمدرسه وكل بنات عمي هيج وانت شوف بعينك ...اني مالي شغل بنات خوي عدهم ولد وابو وام اني لعلي كتلك بيه قابل بيه هلا بيك وانه شرف ماقابل بحجي الله وياك اني نطيتك بنتي كدتمكم حتى رائيها ماخذته وانته بكيفك ....ماعرف شحجي وشكول شكد فرحت بس ضجت على رد اسيل نطت امي وكالت بكلشي قابلين ماعولنه يزوج حاظرين وبيبي كالت اقرو الفاتحه وناس ضاجت بس صار صوت كلش عالي جوه لبيت كل عمامي راح وكض للبيت

اسيل_ستهترت مخليت كلاص ماعون اي شي يطلع كدامي اضربه (ملاحظه نسيت مكتلكم اسيل كلش عصبيه وتشرب حبوب بس بوقت الاحاجه لان تذي نفسها وهيه متحس) عدنه مفسله بلصاله معلكين عليها مرايه ضربت لمرايه بيدي دم فيضني واني ابد مموجوعه مخلت شي مكسرته ماكدر اسيطر على نفسي رحت لغرفتي وقفلت لباب يدي تنزف اليش هيج سويت ماعرف ممستاهله بس بعد ماسيطر على نفسي حيت عيوني غوشن بعد ابد محسيت بشي

مصطفى _من شفت اسيل ضاجت رحت وراها واجه اكرم وياي شفت لبيت عباره عن كزار نفجار دم تارس لبيت اكرم تخبل واحد يباع على الثاني صحت بعلو صوتي اسيللللللل ماكو جواب راح ندور لبيت ملكيناها بلطابق لاول كلت لاكرم صيح امي راح يركض فتحت غرفتها متنفتح صحت اسيل مردت .....بقيت ادفر بلباب اجو عمامي وابوي يرجف ويكول صار بيها خاف ماتت

اجه سلار دفر الباب وتكعه بلكاع ودم مفيض الغرفه امي تخربطت سلار شالها وركض اني وياه رحنه للمستشفه اكرم طلع من شافها عيونه غوركن اني ماعرف شلون سيطرت على نفسي سلار صار وحش ويسب ويغلط على نفسه عيونه حمر وهوه يرجف ويكلي خاف ميته اول مدخلنه للمستشفه الله ستر ومسوينه حادث دخلنه سلار شايلها ملتبسها كلهن دم جابو سديه وخلوها مقبلو ندخل اجه دكتور يركض ودخل عليه شويه وطلعت الاسستر كالت من دمه AB+سلار كال اني كتله تعال راح وياها واني بقيت شويه وطلع ولد شاب من يم دكتور يركض ركضت وراه كال بس ريد نوقف نزيف راح جاب مغذي طلع سلار سفكرك بيده

سلار_سمعت صوت عياط واجه اكرم يركض يحيح امه هيج بجت وراحت ركض كل عمامي وبنات عمي فزعن صعدت كبل لغرفتها مصطفى يدفر بلباب دفرته واكعه على الكاع شعرها كله دم ويدها وملابسها منعرف دم منين معولنه وصلت للمستشفه والخوف لبيه اخذ نص عمري عمي كعد بلكاع ومها تخربطت امي لزمتها اكرم طلع من لبيت رحنه واخذو دم مني سئلت سستر عليها كالت مابيها شي بس هواي دم فاقده طلعت ورحت يم مصطفى اجا عمي وامي ومرت عمي واكرم وابوي وجدتي ....سئلونه شلونها طمناهم طلع دكتور وكال خيطت يدها اصابعها حليل متذيات وهسه صير زينه عوضوها بلسوائل والفواكه وكال بس تصحه اخذوها مابيها شي امها تبجي وتباع عليه بعتب اني كرهت روحي اباع عل. ملابسي كلهن دم اديه بيهن دم اجه مصطفى واكال ورح غسل رحتت لمغاسل واني صافن شلون هاي شلون راح تخلص ...

اسيل_كعدت واني كلشي ماعرف بس كعدت عطت وينننن اني شجابني هناه دخلت ماما وبابا ومضطفى وعمو ومرت عمو كلهم دخلوو اباع بيهم شكو شصاير امي بجت واجت عليه بابا باس راسي وكال شلون يدج باعيت عليها ماكدر احرك اصابعي شبيهن ...مابيهن شي ماما بس خيطوهن لان داخل كزاز بيهن ماباعيت بعيون ابوي ولا بي واحد وكلهم ممعتبرتلهم وجدو صحت على مضطفى متجي على حايط وكتله رجعني للبيت بابا اكال اني ارجعج عطت بيه ....ماااارجع وياك وبعد لا دكول عندي بت انسه بعد محجه وياي اجه مصطفى سندني اول مافتح لباب صار بوجهي سلار شكد كرهته خزرته هوه سئل مصطفى وين رايحين كله للبيت طلعت و......