أنا وجنيتي

البارت1

مساء الخير غوالي
♡______________£_______________♡
اني سامر عمري25سنة ما متزوج من النجف ادرس أعلام بجامعة الكوفة طويل طولي180
بشرتي حنطاوية عيوني سود شعري طويل جسمي ضخم لأن ألعب حديد...
بيوم من الأيام اهلي طلعو من البيت ب4 العصر اني جنت تعبان ونايم كعدت ب8باليل مالكيت احد بالبيت....
طلعت من غرفتي صرت بنص الصالة طفت الكهرباء انداريت وراي اريد اشغل الضوة عالشحن...
حسيت شي مر من يمي خطف عالسريع وهوا خفيف...
حسيت برعب بداخلي بس ضليت صامد وقوي..
اتضاهر بالقوة حتى اقنع نفسي ماكو شي
من انداريت صارن عيوني عالغرفة الثانية الي بصف غرفتي شفت خيال يفتر بالغرفة
جمد الدم بجسمي اول مرة هيج اشوف البيت فارغ ماكو احد غيري منو هذا الي يمشي بلغرفة والدنيا ضلمة شلون الخيال مبين وشفته ....
اتشجعت وتقدمت خطوتين لكدام اريد احول الكهرباء
حسيت شي يمشي وراي انداريت وراي بكل خوف والعرگ يصب من جسمي باوعت بكل قوة رغم بداخلي خوف ورعب ماكو شي ما شفت شي...
كملت مشي للمطبخ عالسريع رفعت ايدي اريد احول الكهرباء...
شفت شخص واكف بصفي من جهت الباب الصاير بين المطبخ والطرمة...
شكلة خيال لونة اسود ملامح ما مبينه لحظات اجزاء مجزئة من الثانية اختفى بلمح البصر ..
حولت الكهرباء عالسريع نور البيت ...
غمضت عيوني وبلكوة اخذ نفس وانتبهت النفسي سابح بالعرگ..
كلبي يدك عالسريع خفقان قوي احسه يريد يطلع من مكانة..
من الرعب الي بداخلي كعدت على حيلي بلكاع وغمضت عيوني وخليت ايدي على وجهي..
من غمضت عيوني انعاد كل هذا الي صار كدامي مثل الشريط السريع..
حسيت روحي بحلم غريب وكعدت منه هسه..
ما أهتميت نسيت الموضوع
ورحت فتحت الثلاجة شفت شكو ماكو جوعان جنت حيل ...
اخذت تفاحة ورحت للغرفة ضليت اكل بطريقي وصلت لغرفتي
بدلت ملابسي وطلعت جنت مواعد اصدقائي نروح للكافيه ونلعب بليارد ونشرب اركيلة ومن هاي سوالف الشباب ..
التقيت بأصدقائي جنت مشتاقلهم صار فترة مشايفهم ملتهي بلشغل ودوام ..
سلمت عليهم وكعدنةمن8:30 ندردش
مر الوقت بدون ماننتبه لحد12:15
ودعتهم ورجعت للبيت بلسيارة دخلت السيارة للكراج مال البيت...
واني دا امشي اريد افتح الباب مال البيت الشارع ضلام وهدوء والناس نايمة حركة ماكو بلشارع بس اسواق مفتح بنهاية الشارع مبينه اضويته
سمعت صوت ضحك قوي انداريت يسره يمنه ماكو احد لعد منو ضحك حيل..
فتحت الباب ودخلت للبيت بلحديقة مال البيت اكو مرجوحه رحت كعدت عالمرجوحه الجو هاديء ماكو اصوات وضوضاء وهوا عالي بالجو وبس ضوة القمر مضوي الطرمة والحديقة
ضليت اشرب جكاير والهوا العالي يدفعني بلمرجوحه
نفسيتي ارتاحت شوية لان جنت تعبان وضغوط وألتزامات عليه هواي
واني دا اتمرجح حسيت شخص دفعني من وراي بقوة بحيث احس طارت المرجوحه بالهوا..
طحت من المرجوحه وجنت مذهول ومرعوب سميت بسم الله ولعنت الشيطان وكمت عدلت ملابسي ونظفتهن عن التراب..
ودخلت للمطبخ واني اقنع بنفسي هذا خيال وأوهام لازم ما اصدكها..
وصلت للصالة جانت ضلمة مشيت عالسريع وبداخلي رعب صارت عيني على باب المكشوفه بلصالة لمحت نفس الخيال بس هم ما واضح..
فتت لغرفتي عالسريع شغلت ضوة النوم الأحمر وهديت روحي عالجرباية..
مرعوب وتعبان من التفكير خاف اني تخبلت ليش اتخيل هيج اشياء
نمت وغمضت عيوني مرت دقايق واني نايم وافكر..
سمعت صوت حركة بلغرفة كدامي فتحت عيوني عالسريع واني براسي افكر ما لازم اخاف لازم اواجه الواقع واشوف شنو هذا الشي وانهي.....
ردت انزل من الجرباية واشوف شكو حسيت شي لزمني من وراي..
درت وجهي شفت شعر طويل اسود نزل على وجهي وعطر ترس الغرفه ترس
طلعت هاي مره
شبكتني من وراي حسيت بدفو وحنان للحظات..
بس فزيت وانتبهت لنفسي منو هاي..
انداريت وباوعت عليها مره كل مفاتن الجمال بيها وجها ما مبين
جانت لابسة ملابس لونهن ابيض وبيهن احمر واسود واكو مثل الريش بيها
بدون وعي غمضت عيوني ونمت نامت هي بصفي شبكتني وهمست بصوت ناصي ورفيع كلش اني راح اخلصك من الوحدة عيش الراحة الأبدية وياي..
اني بدون ما انتبه على نفسي غفيت بحظنها من كعدت الصبح ما شفتها موجودة عبالي حلم وكعدت منه
نسيت الي صار بليل ..
كمت عدلت روحي ضليت افرك بعيوني
وطلعت للصالة..

للقصه بقية
الكاتبةshaimaa_Aljabrey
ودمتم في رعاية الله وعنايته..