أنا وجنيتي

البارت3

مساء الخير غوالي
_____________£££££______________
ياربي ياالله خلصني
من هذا الهم...
كمت غسلت وغيرت ملابسي
وكعدت يم اهلي شوية
ضلينا نسولف ونضحك
واخوية اياد ذكرني بذكريات
الطفولة ...
واختي سمر تلعب بشعري
وتضحك..
هي ازغر مني عمرها 18
طولها160 وزنها55 عيونها خضر
شعرها بني فاتح
سمر حبيبت اخوها سامر
اني كلش احبها اشوف بعيونها
البرائة والطفولة
صوتها ناعم مثل الأطفال
وحركاتها مدللة وحلوة
صارت الساعةب3 بليل
رحت لغرفتي اريد ارتاح
مريت بيوم صعب
وهاي النوبات مال الجنون
هدت حيلي ما اكدر اسيطر
على نفسي
والمشكلة من تصير هاي النوبات
ما اشوف شي كدامي
وانسى اني وين
اضل اشوف بس هذا الخيال
كدام عيوني
وكفت باب غرفتي ردت ادخل
بس خايف اشوفها كبالي
ياربي شلون بيه عود هذا
واقع لو خيال اني متزوج
جنية...
ضليت اضرب على راسي
لك سامر كافي لا تتخبل
هذا كلة خيال
اجو اهلي باباتي سامر
شبيك احجي
ما ادري شكد مر وقت
بس من كعدت الساعة5
الصبح
اباوع لروحي شبيه اني
شنو صايرلي
ملابسي مزكه وبيها دم
واكو جروح براسي
ومثل اللون الازرك يم عيني
شنو هذا ياربي شنو صار
بابا ماما اياد سمر فهموني
شبيه اني
بابا كالي لازم ناخذك تتعالج
سامر رجعتلك النوبة
مثل قبل كم ساعة
ضليت تضرب براسك بلحايط
وتمزك بملابسك
باباتي انت صايرلك شي
احجي بلكي نساعدك
اني ادري بأهلي ما يصدكوني
بس اخوية إياد يفهمني
كلتلهم اطلعو برا
وعوفوني اني وإياد نحجي
طلعو للصالة اهلي وبقة
اخوية يمي
سولفتله كل الي صار وياي
من اسبوع..
اخوية انصدم
لك سامر انت تخبلت
ليش ما سولفت ما حجيت
شلون متحمل العذاب وحدك
اذا بقيت هيج بدون علاج
راح تتخبل وتخسر نفسك
ومستقبلك
ليش ما حجيت الي صار
من البداية جان ساعدناك
ولك هذا جن والعياذ بالله
ولك اتلبست بيك وانوب تزوجتك
تفهم شنو هذا لو متفهم
إياد اني خايف وراح اتخبل
لاتزيدها علية
إياد ساعدني فدوة بس
لاتكول لأهلي ما اريد احد يعرف
سامر ما يصير لازم يعرفون
بس من يصير الصبح ويهدئون
اسولفلهم لان هسة
تعبانين كلش بسببك
ضلينا ساعتين لازميك
لا تأذي نفسك
تمام إياد احجيلهم كل الصار
بس من اطلع الصبح
لان ما اريدهم يسألوني
اووك حبيبي سامر روح نام
وارتاح الليل كله سهران
تمام راح انام
طلع إياد من الغرفة
وطفة الضوة
اني حطيت راسي عالمخدة
ونمت خلصت ربع ساعة
ااااخ ربي ما شفتها
واخيراً عافتني
نمت غمضت عيوني
فجأة....
شميت ريحة عطر غريب
اووف ربي شنو هذا العطر
يا الله هذا عطرها
اكيد اجت اجت
فتحت عيوني شفتها
بس شكلها كلش حلو
همستلي ليش متريدني
ليش اكو خوف بعيونك
اذا تريد تخلص من هذا
الخوف وترتاح
تعال وياي اخذك لمكان
كلش حلو
اني ابد ما خفت منها
مو مثل كل مرة
حسيت بأحساس غريب
اول مرة احس هيج
حبيت اروح وياهه
لهذا المكان...
كمت طلعت من البيت
وهي تمشي وياي
ما ادري هاي حقيقة تمشي
وياي..
لو دا اتخيلها
صعدت بالسيارة وهي وياي
تحجي طول الوقت واني
اسولف واضحك وياها
بس من يجي احد يمي
اني اسكت ما احاجيها
وهي تدوخني تريدني احجي
لان اذا سمعني احد احجي
عبالهم احجي وي نفسي وتخبلت
اخذتني لمكان ما اندل وين
اني اسوق وهي تدليني
واني امشي ما منتبه
للطريق ولا لأي شخص
المهم ..
وصلنا لهذا المكان
هو مثل البيت المهجور
دخلنا للبيت ولا كأنما مهجور
مثل الجنة كلش حلو
اني ادري محد راح يصدك
كلامي..
بس اني فعلاً تزوجت جن
مثل اي رجال ومره يتزوجون
ضليت منعزل عن الناس
وانطوائي على نفسي
ما اريد التقي بأحد
اريد بس ابقى يمها
تحول خوفي وكرهي الها
الى حب صادق..
حبيتها كلش
بس هي تكره الناس
اذا اجه شخص لهذا المكان
الي عايشين بي
تدزني اله
اضل اضرب بهذا الشخص
لحد الموت..
كل الناس صارت تخاف
تقترب من هذا البيت
حتى صاحب البيت خاف
وشرد بعد ما يجي للبيت
هذا البيت احلى من الجنة
حتى الأكل يختلف غير شكل
ناكل سوة نكعد سوة نسولف
ونضحك ونلعب ...
ما ادري شكد ضليت بهذا
المكان..
بس يوم من الايام اني مريض
افلاونزة وسعال قوي
جنت كلش
عطشان اريد مي
ضليت ادور مي مي
اختنكت وضليت اگح
اجت هي كالت ليش تدور مي
كص ايدك واشرب
اذا انت كلش عطشان
كلتلها شلون ميصير
هذا دم حرام اشرب دم
كالت شنو حرام تشرب
هو سائل بجسمك اذا
حرام ليش مبقي يتحرك
بجسمك..
اني سمعت كلمتها قنعتني
اكو بالبيت شباك فوك زغير
شفت بالكاع مثل التنك والحديد
اخذت حديدة وضربت
بيها الشباك
انترست الكاع گزاز
اخذت قطعة زغيرة
وبديت اكص بأيدي
اني ابد ما احس بالآلم
ضل الدم ينزف فيضان
ضلت هاي الجنية تصيح
شكو ما ادري
بس تصيح من قوة صوتها
بعد ما اسمع شي بس ضوضاء
فقدت الوعي..
كعدت شفت رجال كدامي
لابس ملابس غريبة
لونهن اسود وبيهن اخضر
بس يقرأ قرآن والأيات
مافهمت شي
درت راسي لجهة الثانية
شفت ابوية واخوية إياد
ابوية نزلن دموع من عيونة
شكو شكو ...
اني وين؟؟؟؟
واكو ثنين زلم لازميني
اني اغلب جسمي عاري
ملابسي مهترأة وقديمة كلش
اباوع لنفسي لحية وشوارب
طوال كلش وبيهن تراب
جسمي ضعيف كلش
وين راح ذاك الجسم الضخم
وين راح ذاك سامر
شنو دا يصيرلي فهموني
اجه هذا الرجال الغريب
كالي شلونك بوية سامر
بعدك تشوفها
كتلة منو منو ؟؟؟؟
كال انت متلبس بيك جن
هاي جنية يهودية
اسمها نبهيرة
انت صارلك عايش بهذا
المكان8 اشهر
باوعت للمكان بيت مهجور
مليان سكراب واثاث قديمة
ونفايات وحشرات وجرذان
اني عايش 8 اشهر بهذا
المكان ..
اكل حشرات وعظام حيوانات
اهلي يدورون علية
كل هاي المدة ما ضلت شرطة
ما دورة بيها
ولا مستشفيات
وما خلو علية
مكان ما دورو بي
الشرطة عرفت مكاني
قصة طويلة
_______£££_______
تسريع احداث
اخذوني للبيت
دخلت من الباب
شفت امي تلطم على وجها
واختي سمر تبجي
اني تعبان وراسي يوجعني
ودايخ كلش
ما الي نفس احجي شي
اجت اختي وامي شبكوني
وضلن يبچن
سبحوني وضمدو جرحي
اخوية خفف لحيتي وشعري
حتى ياخذني للحلاق
لان وجهي مرعب ما اكدر اروح
بهذا الشكل للحلاق..
امي صبتلي اكل اني جوعان
بس ما اكدر اكل شي
معدتي توجعني كلش
جبرت نفسي اكل
اكلت شوية ورحت
نمت بغرفتي
اوووف مشتاق لبيتنا
ولأهلي
نمت حسيت براحة غريبة
غفيت من تعبي
يومين كوة يكعدوني اكل
شي خفيف وارجع انام
كعدت ورا يومين ب4 العصر
شفت امي تضحك واهلي
ملتمين وفرحانين
اخذني اخوية للحلاق
زينت شعري
مثل قبل عالموديل
ولبست ملابس جديدة
ومرتبة
رحت زرت الأمام علي(ع)
وكعدت بحظرتة
قريت قرآن صليت ودعيت
حسيت نفسي ارتاحت
بس اني ما اكدر احجي
وي الناس احب ابقة معزول
عن الناس ما ادري ليش!!!
رجعت اني وأخوية إياد للبيت
شفت اعمامي واخوالي
خالاتي عماتي
شباب وبنات
لمة حلوة كلهم سلمو علية
طاحولي حب وحاء
احس خدودي صارن يوجعني
من البوسات والسلام
بس تونسنه وحفلة حلوة
اني مشتاقلهم كلش
بس نص الحفلة ورحت نمت
ما احب الضوضاء
والاصوات
راسي يوجعني كلش..
واخيراً....
رجعت سامر القديم
بس انتبهت لنفسي
راح مني عمر 8 اشهر
الدراسة راحت علية
وشغلي انقطع
وسيارتي 8 اشهر بذاك
المكان المهجور اتكسرت
وعطلانة..
بس اهم شي تحررت
وخلصت من هاي الجنية
ورجعت لأهلي وبيتي ودراستي
___________££££__________
مع خالص تحياتي
وحبي...
اكتمل الجزء الأول
من الرواية
بعون الله
انتظروني بالجزء الثاني
عن قريب..
بعض احداث الجزء الثاني
-دراسة سامر الجامعية
-قصة حب سامر بالجامعة
-حب غزل رومانسية
عناد الأهل وعصبية
-احداث الجزء الثاني
مليانة حب وسعادة
اتمنى الجزء الأول نال اعجابكم
انتظروني بالجزء الثاني
ودمتم في عون الله ورعايته
مع تحياتي
الكاتبة..
                            Shaimaa_Aljabrey