السلام عليكم....
البطل
احب اعرفكم عن نفسي اني علي عمري 20 سنه طالب كليه اهلي توفو قبل سنين واني عايش وحدي طبعا عيوني صفر وشعري كفشه تمري وحنطاوي طولي 185 ووزني 78 العب حديد ومهتم بجسمي واحب كلشي
البطله
اعرفكم عني اني رسل عمري 19 طالبه كليه وحيده اهلي عندي بابي عمره 54 سنه وامي 44 سنه احبهم اكثر شي بدنيتي وهمه ممقصرين مدلليني دلال بس الله يدري بي طبعا عيوني عسلي ممحجبه طولي 153 ادري قزومه😂وزني 55 وشعري طويلي يوصل النهايه ضهري وبيضه
علي:الساعه صارت بلسبعه الصبح كعدت سبحت وبدلت وطلعت للكليه رحت للنادي شفت جماعتي وكعدت يمهم
امجد:اكلك علي متشوف هاي البنيه شلون حلوه اخخ اله تشك شك
علي:باوعت شفت بنيه تكطع من الجمال بحيث ردت اكلها بعيوني تمشي هيه وصديقاتها وامجد صافن عليها انصدمنا من جمالها صارت المحاضره رحنا واني بس افكر بيها بحيث المدرس صايحني اكثر من مره واني مادري الحد مكلي امجد لعنت الشيطان وكلت خل انتبه خلصنا المحاضرات وبلطلعه هم شفتها وتلاقت عيوني بعيونها ضليت صافن عليها وهيه صافنه عليه بس شنو عبالكم ملاك نازل السمه طلعت رجعت للبيت ضليت افكر بيهاا ولا راحت من بالي تالي كلت علي عوف هلسوالف اكعد راحه وراها رحت للكوفي يم الولد ورجعت نمت منتضر يجي باجر
رسل:اليوم كعدت من وكت سبحت وبدلت خليت مكياج بست بابا من راسه وامي هم دعولي وطلعت وصلت للكليه شفت صديقاتي رحت وياهن طبينه للنادي من طبيت انتبهت اكو ولد يباوع عليه باوعت عليه صفنت حلو ومرتب رحنا كعدنه ضليت كلساع اباوعله صارت المحاضره همه راحو واحنا هم رحنا خلصت المحاضرات رجعت للبيت طبيت بست امي وابويه ورحت سبحت ونمت وراها شويه قريت وحاجيت صديقاتي وراها ساعدت امي بل عشه ورجعت نمت وهذا الولد مراح من بالي ابد.
طبعا هنا وخلص البارت لان ايدي تشنجت اكتب بل لابتوب وتعب اذا شفت عليها دعم اكمل وانطوني افكاركم هم واذا بيها شي محلو كولولي وكي احبكم.
304 كلمه.
