مالك مش باين ليه؟
قلبك تايه من مدة كبيرة
خايف تتكلم ليه … في عيونك حيرة وحكاوي كتيرة
متغير ياما عن زمان … قافل علي قلبك البيبان
حبيت وفارقت كم مكان …عايش جواك
احساسك كل يوم يقل … وتخطي وخطوتك تذل
من كتر ما أحبطوك تمل … فين تلقى دواك
بتودع حلم كل يوم … تستفرد بيك الهموم
وكله كوم والغربة كوم … والجرح كبير
مابتديش حاجة اهتمام
أهلاً أهلاً … سلام سلام
بقى طبعك قِلة الكلام … ومافيش تفسير
داري داري … يا قلبي مهما تداري
قصاد الناس … حزننا مكشوف
وأهو عادي عادي
ماحدش في الدنيا دي بيتعلق بشيء
إلا و فُراقه يشوف
كل اللي معاك في الصورة غاب … وطنك والأهل والصحاب
كم واحد ودع وساب … من غير أسباب
شايف في عينيك نظرة حنين … بتحن لمين ولا مين
طول عمرها ماشية السنين … والناس ركاب
مع دقة عقرب الساعات … بتموت جوانا ذكريات
عشمنا قلوبنا باللي فات … ونسينا نعيش
كان مكتوب نمشي الطريق … و نفارق كل مدى شيء
اتسرق العمر بالبطيء … ورسي على مافيش
وداري داري … يا قلبي مهما تداري
قصاد الناس … حزننا مكشوف
وأهو عادي عادي
ماحدش في الدنيا دي بيتعلق بشيء
إلا و فُراقه يشوف
تصويت+تعليق=اغاني جديدة
أنت تقرأ
Anghami lll مغلق مؤقتا🔒
Random#اغاني اجنبية+ترجمة الكلمات #اغاني عراقية #اغاني تركية +النطق #اغاني دايلر #اغاني مصرية #اغاني BTS #اغاني EXO #اغاني راب #مهرجانات والمزيد ينتظركم... 🎧كل ماتريدونه من اغاني على هاذا الكتاب🎧 ملاحظة مهمة جداً: •الرجاء طلب أغنيتك في الفصل الأول وهو...
