انا بحبها ا ووي ونفسي اخفف عنها حزنها وانا معرفش عنها حاجه غير اسمها والاك بتاعها لما بلاقيها منزله بوست حزن بدايق بقعد ادعي واقول يااارب خد كل سعادتي واعطيهالها وهات كل حزنها انا هستحمله ياااارب نفسي يكون باستطاعتي اشيل عنها كل حزن وهم وتعب وببقي نفسي اكون جنبها ومعاها لما تحتاجني حاسس ان هي حياه بالنسبالي وعارف ان هي جوهري ثمينه مش اي حد يحصل عليها
عارف لما تكون قدامك حاجه بس مش قادر تقرب منها ولا قادر تحاول وحاببها في بعدها ونفسك تقربلها وبتسعي انك نفضل تشوفها دايما وتفضل قدام عينك، هي باضبط شبه كده ومش قادر اقربلها بس بجد عايزها ومش بتسلي بس حاسس ايدي مربوطه وحتي مش بحاول لان كل مااحاول اقربلها (اني لتكلم معاها من غير رابط شرعي) في حاجه بتمنعني وبتمسك اووي انها تبقي معايا في الحلال
مره روادنتني نفسي وقلت يمكن انا اللي يوهم نفسي بالاحساس دا واني مش متمسك بيها كده، وكلمت بنت وقولت اتسلي بس لقيتها مش بتروح عن بالي مش عارف مفكرش فيها او انساها دايما ببالي وحبي ليها بيزيد ومقدرتش اكمل مع البنت دي بعدت عن كل حاجه طبعا مبطلتش ماادخلش الاك بتاعها وفي مره من المرات لما دخلت شفت بوست خلاني اسيب البنت دي (في مامعني البوست ان الذنوب هضيع منك حجات كتيير بتحبها)
او ماشوفت البوست جت في بالي لقيت نفسي ادايقت واتخنقت اللي هو انا مش عايز اخسرها انا مصدقت لقيتها
حبها خلاني ابعدي عن كل حاجه من دون تفكير، واولهم اني مكلمش بنات، واني انتظم في الصلاه، ووردي القرآني، وصلاه الفجر كل دا من البوستس بتاعها
طبعا مستغرب بتقول ان انا مش بشوفها ولا لا طبعا بشوفها في الواقع بس وهي رايحه كليتها بس بشوفها صدفه (بتبقي احلي صدفه في حياتي قلبي بيرفرف كده) لان احنا ساكنين في المنطقه بس هي كبيره شويه ف نادراً لما بشوفها يعني، انت متخيل سعات افضل ادعي واقول يااارب اقابلها لما بتوحشني قبل ماانزل انت متخيل اني لو مشفتهاش مزاجي بيتعكر وببقي مدايق اوووي بس اغلب الاوقات بشوفها طبعا
لما بشوفها بحس اني طاير من الفرحه بحس بسعاده ببقي عايزها دايما موجوده قدام عنيا بقول ياارب متمشيش بس انا بشوفها لمجرد دقايق بتمر كده من جنبي بيبقوا اسعد دقايق في حياتي
عارف يعني ايه انزل في الشارع ممكن ساعتين علي ماتصدف واشوفها وممكن اكتر وممكن اقل بس بفضل لحد مااشوفها
وتحب حد متعرفش عنه اي حاجه اصغر التفاصيل اللي في ناس ملهاش الحق تعرفها وبتعرفها وانا ليا الحق اعرفها ومعرفتهاش بحاول اعرف اي حاجه ببقي مبسوط جدا لكا بعرف عنها حاجه ولو بسيطه
انا عارف ان هي عمرها متبقل بحد غير في الحلال بس ياتري هتقبل بيا حتي ف الحلال بتمني تكون ليا..
وانا مش زيها ولا في ايمانها، انا عندي استعداد اتغير وابقي بجد شخصيه متدينه، بجد من قلبي حبييت التدين والالتزام نفسي ابقي شخص صالح والتغير مش علشان افوز بيها وبعد كده خلااص لا مش كده علشان نبني بيت في الدنيا اذا رأه الرسول تبسم، ونبني بيت في الجنه وفعلا التغير هيبقي نابع من قلبي بجد........
وبعد مرور شهرين نتيجتي ظهرت والحمدلله طلعت بتقدير وحانت اللحظه اللي بفكر اتقدملها وطبعا وطبعا واظبت علي الطاعه من بدايه الترم التاني واتقدمت فيها خطوات كتيير الحمدلله بس ياتري خايف من رده الفعل شويه....
واتقدمت بس وانا رايح اتقدم كنت قلقان خايف تكون هي عايزه مواصفات مش موجوده فيا او مش عارف بس دعيت من قلبي قبل مااروح ان هي تكون من نصيبي
وحاليا مستني رأيها......
بقلمي خديجه
