LFD 1: Cruel Husband (COMPLETED)

CHAPTER 29

Sariwa pa rin sa isip ni Sharalyn ang insidenteng nangyari ilang araw na ang nakakalipas.

Simula nang mangyari iyon ay naging mahigpit na ang security sa subdivision, pero sa kabila ng takot ay unti-unti siyang nalulungkot. Halos ginagabi na ng uwi si Venom.

Nagsusubok siyang unti-unting ungkatin ang pagkakaroon ng anak at kahit na nagagalit na ito ay sinusubukan niya pa rin. Gusto na niyang aminin rito ang totoo, pero paano niya masasabi kung umuwi na iyo ay sobrang gabi na, minsan pa ay madaling araw na ito nakakauwi.

Napahaplos siya sa t'yan niya habang nakaupo sa sopa. "Alam kong nararamdaman mo ang lungkot na nararamdaman ko, pero pipilitin kong magpatatag para sa 'yo" aniya habang pilit na nakangiti.

Kinakabahan na siya dahil medyo nakaumbok na ang t'yan niya kaya puro loose shirt ang sinusuot niya maging sa pagtulog. Hindi niya alam kung nakakahalata na ba ito o hindi dahil hindi naman siya gano'n manamit.

Nagtataka na rin siya sa ikinikilos ni Venom, tingin niya ay meron siyang hindi alam. Matapos ng insidenteng iyon ay hindi na siya nito kinausap pa hanggang ngayon. Siguro ay galit pa rin ito sa kanya.

Kung kakausapin man siya nito ay puro tanong lang kung kumain na ba siya o hindi Minsan ay lasing din ito kung umuwi, minsan naman nakakatulog na siya kakaantay rito. Sinabihan na nga siya ni Divine na 'wag magpuyat pero hindi niya maiwasan ang hindi mag-antay kay Venom.

"Talaga bang wala nang pag-asa na maging buo at masaya ang pamilya namin?' Tanong na biglang lumabas sa bibig niya.

Pansin niya kasi ay lalo lang itong lumayo sa kanya. Para bang naging iwas ito sa kanya. Pakiramdam niya tuloy ay may itinatago ito na hindi niya dapat malaman.

"Gabi na naman" turan niya habang nakatingin sa bintana na nakasiwang ang kurtina.

Pagkagising niya kanina ay wala na si Venom sa tabi niya. Alam niyang mali ang pagdudahan ito pero hindi niya maiwasang hindi ito pagdudahan gayong alam niyang nanjaan si Lean, nakisabay pa ang kapatid niyang si Bree.

Isang alaala na naman ang pumasok sa isip niya. Alaalang nakita niya si Venom at si Lean sa isang restaurant habang masaya at magkahawak kamay pa.

Hindi niya alam kung aware ba ito sa ginagawa nito lalo na't nu'ng isang araw ay kumalat na may kasamang babae si Venom. Kumalat iyon sa lahat, sa dyaryo, sa balita, sa radyo kahit saan laging 'yon ang laman ng balita.

Tuwing tinatanong siya ni Divine tungkol doon ay hindi niya alam ang isasagot niya. Wala din naman siyang natatanggap na tawag mula sa ina ni Venom, siguro dahil wala ito sa bansa kasama ang asawa nito at si Sophie.

Hindi niya na rin magawang lumabas ng bahay dahil tuwing nakikita siya ng mga tao ay panay ang tanong ng mga ito sa kanya, pati ang mga reporters sinusundan siya kung saan-saan, buti nalang at hindi sila nakakapasok sa subdivision.

Napatingin siya sa cellphone niya ng umilaw iyon. Napakunot-noo pa siya ng unregister number ang nakalagay

"Hello?" Alanganing sagot niya sa tumawag.

"Sharalyn, right?"

Malamig na boses ang narinig niya sa kabilang linya kaya medyo kinakabahan siya. It sounds like a deep voice of a man.