عنوان القصة ميار و راكان

جزء سابع عشر

ميار وراكان
الجزء 17

راكان انداريت لكيتها نايمة.. احتركوو على عالدگة النوب نامت بس عفتها..
والجسم يخبل كدامي يعني شلون ابقى هيج
اني بس اتحسررر
حضنتها ونمت بقيت ابوس بيها بهدووء
بدون متحس..
ميار حسيتة يبووس بية بقيت جامدة ماتحركت
سويت نفسي نايمة .. ومستمتعة بهذا الشي
لحد ما اثنينة نمنا كعدت الصبح لكيت نفسي
بعدني بحضن راكان سحبت مبايله باوعت
الساعة ١٠.. شكد عيب اتأخرت بالنوم
سحبتة نفسي من يمة بهدوء
راكان.. سحبتها وين رايحة.
ميار اكعد الساعه ١٠..
راكان تعالي يمي شوي ونكعد..
ميار.. بس اني شبعانه نوم راح اطلع
راكان بصوت ناصي كلت بس اني ماشبعت منج
ميار شنوو ؟ شكلت
راكان ماكو شي دك المبايل..
ميار واكفت ورة الكنتور غيرت ملابسي شفته
ديخابر.. للبست عالسريع وطلعت
راكان اي هيانه لحظه .. تعالي ميار
ميار ها منووو؟؟
راكان هاي ادكول اني بنت خالتها
ميار اي استبرق انطينياهه
راكان راح اطلع اغسل كملي حتى ننزل
ميار هزيت راسي اي
الوو . هلا خبولتي شلونج مشتاقتلج كومه
استبرق وجع ولج ضل بالنه شنو سالفتج
انتي وين امي تسال عليج..
ميار ليضل بالكم اني يم راكان ..
استبرق هاي ماما وياج انتي فهميها
ام استبرق الوو ميار
ميار هلا خاله.. شلونج
ام استبرق انتي وين شيسموها هاي يم
هذا الرجال الغريب..
ميار يمة خاله عصبيه كلش. لا خاله اني يم
راكان..
ام استبرق،، هذا ياراكان الي متزوجج ليله
وحده مخبلة انتي شنو هاي تره محد سوة
سالفتكم اليوم تجين لو انطيني العنوان
ادزلج عزيز ياخذج..
ميار خاله شبيج راكان زوجي.. لتضوجين
ام استبرق غبية انتي زوجج شنو الولد
مستغلج يومين ويشمرج علينا بدون نقاش
ترجعين اليوم..
ميار صار خالة اليوم اخلي يجيبني
ام استبرق يله مع السلامة
راكان دخلت انشف وجهي.، شفت
ميار مو على بعضها..
راكان شبيج ميار صاير شي..
ميار راكان هاي خالتي وخابرت تريدني
راكان ليش شنو الصار
ميار حجي خالتي صحيح كالت شنو تبقين
يم رجال غريب!!
راكان غريب لج بابا اني زوجج شنو هالحجي
ميار.. زوجي كلنا نعرف هذا الزواج شنو مصيرة حجي خالتي كله صحيح وديني
راكان واذا عندك شغل اني اروح
راكان.. ماكو روحة..
ميار ليش بالله ماروح
راكان بكيفي ماقبل تروحين!!
ميار ماالك حق تتحكم بية اني حرة
راكان الي حق ونص ولاتحجين بكيفج
ميار والله راح تخبلني انت شعليك بية
راكان لان انتي !
ميار شنو اني احجي
راكان ماتروحين سدي السالفه
ميار لا شو اروح
راكان نزلي هسه العالم ينتضرونه
ميار لبست حجابي ونزلنا..
ام حمودي تلكتنه عالدرج صبااح الخير
على احلى عرسان تعالوو الريوك حاضر
ميار نزلنا تريكنا انتبهت راكان مااكل بقى
صافن ويدخن من الصبح
حسن شبيك راكان شو بس چاي وجكاير
من الصباحيات دكل يمعود
راكان مالي نفس.. اكلو انتو الف عافية
ميار.. كملت وكمت اغسل..
ام حمودي شنو هاي انتي بلابل مااكلتو. كلشي
ميار والله مااشتهي اكل ماحب الريوك
اني رايحة اللبس راكان..
راكان باوعتلها بغضب ماحجيت شي
ام حمودي شنو وين رايحة
ميار بيت خالتي خابروني
راكان قاطعتها وهي تحجي بيت خالتها عازميها
ام حمودي عليج الله ارجعي لا تطولين تعالي
للحفلة مالت
حمودي
ميار ان شاء الله اجي فدوة العمرة
راكان صعدت للبست ونزلت ملابسها
ميار نزلت لكيته كاعد ويبين حيل ضايج
عجبب امرة مرة اكول يحبني ويريدني ومرة اكول لا تصرفاتة غريبة شنو الي يريده مادري
ميار راكان اني كملت ..
ميار صعدي يله اني هسه اجي..
هناء ولج فهيمة اخوج كلشي باع لا ذهب
لا شي بقى عليه والديانة بالباب صارو
يجوون وج عيني حاجي الكيله حل
مسطور براسة بس يفكر بهاي ميار شمسويتله هاي خبلني الكيله حل
فهيمة حيل بي اني خسرت يامة خساير
من وراه شريد اصير اني اسوي جمعيات
واذب عليه شمستفادة منة..
هناء تالية اسود هذا هسة تشوفين
ميار.. صعدت اجة صعد وماحجة شي
بقى طوول الطريق ساكت وعيونة تجدح
غضب،، اريد احجي وخايفة يصيح بيه
شغل اغنية بالمسجل وعلاهه متقصد يسمعني
(ويلي يله ياگلبي اذا يحبك يجيك ويلي بعد
شتسوي انت سويت العليك ترك الروح بألم
خلاها .. )ماعرف شيقصد بيها
يعني ليش هيج ديتصرف
ميار اني انطيتك قبل هالمرة العنوان
تذكرة موو؟
راكان اي شكالولج فاقد الذاكرة
ميار وانت شبيك ضايج شنو الكلته
راكان سدددي ماريد اسمع
ميار هااا هيج..
راكان هيج ونص كافي .
ميار ضوجني بكلامة بسيطة راكان
وصلت بيت خالتي ونزلت ودانزل الملابس
راكان ماكو طبة وطلعة افتهمتي تبقين
بالبيت..
ميار لا والله! شعليك بيه
راكان علية ونص لازم نسيتي انتي على ذمتي
ميار انت شخصبتني مدطلك وتخلصني
استبرق يااااااي هاي ميار فتحت الباب
وطلعت هلوو تفضلو .. باوعت الراكان
صدقة غير صاك هذا بقيت اباوعله واحجي
بكلبي.. ميار الزمي العلاكة
استبرق تفضل عيني ليش متنزل
راكان لا شكرا عندي شغل..
ميار باوعتله بطارف عيني ..
راكان طبي جوه عاد..
ميار اووووه شكد معقد ..
راكان هاا صرت معقد شغلت السيارة ومشيت
استبرق هاي شبي شو ضايج عبالك
عزة هاي. شبي هيج يمشي سريع
ميار ماكو شي فوتي خاله هنا..
استبرق اي هنا
ميار طبيت سلمت وكعدت اترزلت من خالتي
ومر يومين راكان لا اتصل ولا اجة احس
شي ناقص مني ماعرف اني تعودت عليه
لو هذا حب ماعرف ليش اتعلقت بي
راكان من راحت اخذت روحي وياهه
حيل تأذيت بغيابها ليتين يمي عبالك
سنتين عشتهم بالعسل لا اركز بالشغل
لا يعجبني اطلع اريد اخابرها ماكدر
كبريائي يمنعني ليش هيج اني متعلق
بيها شلون لعد راح اطلگها واكمل حياتي
بدونها واني هاليومين راحت ماشفت
النوم بعيوني اخ ميارتي وينج هسة
ميار ولج استبرق مدايخابر ولا اجة
استبرق خابري انتي حقه يضوج
اذا انتي حاجيتي هيج..
ميار بس كلامي صحيح
استبرق اي بس احتمال الولد يحبج
وخافي عليج هالشي..
انتي بادري وحاجي تسألي
ميار تتوقعين هالشي صحيح لا عيب
راح يكول ماكصدكة
استبرق غير عقليه عندج ضلي هيج
لحد ميطلش الرجال منج..
ميار انطيني المبايل وراج عالشحن
وطلعي بررة خلي احاجي..
استبرق اووي عيني متريد تحجي كدامة
راكان جنت داتصفح بالمبايل وبالي يمها
دك المبايل..
الووو..
ميار.. خليت ايدي عاالسماعه ولج روحي
استبرق بس شوي اسمع
راكان متحجين ليش ساكتة
ميار.. شلونك
راكان الحمدلله عايش
ميار شعجب كاعد..
راكان باجر جمعه ماعندي دوام
ميار،، بعدك ضايج مني
راكان ليش يهمج هالشي
ميار طبعا يهمني
راكان ماتصور لان كلامي وياج ولا اهتميتي
اله حجيت وحجيت رحتي كلتي لا غلط
خالتي كلامها صحيح ..
ميار راكان اني مداعرفك انت الي تريده مني
شنو انت ساعدتني ووكفت ويايه واني
هالمعروف ماانسى طول عمري
بس هم اني حقي الناس باجر عكبه تحجي
عليه تراضهه لعد؟
راكان اكص اللسانه الي يجيب طاريج
بحرف واحد..
ميار لعد ليش تزعل...
راكان لا هاي هي كلامج صحيح وحقج
مازعلان بس ضجت عفتيني وحدي
اختي ماكو وانتي ماكو تبهذلت
ميار سودة عليه ومنو يسويلك اكل
راكان مرات من السوك ومرات يم حسن اروح
ميار فدوة شلونة حمودي..
راكان خبصتني يمعوده عليج ام حمودي تريد
رقمج ..
ميار انطيهياه اني هم نسيت اخذه
راكان مرتاحة ؟؟
ميار جريت حسرة وكلت اي اهم شي
بعيدة عن علي..
راكان وبعيده عن راكان .؟
ميار هههه لا والله بالعكس
راكان شنو الي بالعكس احجيها
ميار اقصد لا موهيج ..
راكان ممم زين شلون مو عزموج عالحفلة
اذا مارحتي يزعلون شكلهم خالتها ماقبل
ميار لا احاول اقنعها واجي..
راكان اي زين تسوين تعالي غيري جو
راكان زين وانتي ليش كاعده
ميار مممم مداكدر انام
راكان مشتاگتلي لازم
ميار ممم الصدك تعودت عليك
راكان اني هم والله بس انتي مخبلة
مدري شبيج
ميار هاا هاي اني مخبله ..
راكان اي متسمعين كلامي
ميار نرجع النفس السالفه مو اتفاهمنه
راكان ااوك زين احجيلي طلعتي.؟
ميار ليش؟
راكان اني داسألج طلعتي جاوبي
ميار اي طلعت
راكان صدك،؟
ميار لا هههه اشاقه
راكان جان صدك موتج
ميار ليش متريد اطلع.
راكان ماحب احد يشوفج..؟
ميار شيسموه هذا.؟
راكان مادري شتريدين تسمي سمي
ميار ههههه عالعموم حروح اني هاي المخبله
طلعتها بره واني احاجيك وقفلت الباب
وهسه هي عالباب تريد تفوت
راكان منو استبرق..
ميار اي .. خبولتي
راكان ههههه خطيه لعد افتحي اخذي راحتج
بس بالطهور منو راح يجيبج
ميار ماعرف لوكتها
راكان ماشي لعد
ميار تصبح على خير
راكان تلاكين كل الخير ياوجه الخير
ميار شكرا
علي اخذت الشلة وطلعت للبار اريد انسى همومي ماكدر حيل ضايج
شلون هيج سويت بنفسي وخليت ميار
تروح مني شلون هيج انلعبت وهذا الساقط
اخذها مني والله الا ارجعها الي لواعرف اخسرها للأبد ولا اخلي يتهنى بيها
بقيت اشرب بدون وعي
فلاح .. هم زين من شفناك قباع مهزوم مني موو. اليوم تجيب فلوسي كلهن
علي امشي ولي لا خلي ضيمي بيك
فلاح شفته كاعد والسويج عالميز
شلت السويج خليته بجيبي اذا ماتجيب
الفلوس تحلم تشوف السياره
علي جيب السويج لا كوم اكسرك خلي احسن
فلاح مشيت وعفتة شتريد تسوي سوي يلا
علي شلت البطل وركضت وراه
الشله لا يمعود علي لااا ديربالك
علي اني الهموم على راسي اجه هذا
كملها شلت البطل وضربته براسه
التمت علينا الناس اخذوني للمركز
ميارسديت الخط ورحت فتحت الباب الاستبرق
استبرق كتلني الحر بالممر عوبه اريد اسمع
كلمة ماكو شدعوه هيج صوتج ناصي
ميار وليش تسمعين..
استبرق هااا تضمين عليه
ميار ماكو شي والله حجي عادي
استبرق انيالي عبالي صدك
راكان نمت مرتاح لان سمعت صوتها
من خلال كلامها فهمت انو هي مثل حالي
هم متعلقه بيه..
هناء صارت الساعه ٣ وعلي ماكو وجهازة
مغلق ياربي وين انطي وجهي بهالليل
ميار تمن نومه حيل مرتاحة كعدت واول شي اجة على بالي
راكان صورتة صارت كدام عيني وهو مبتسم
اووف شكد ينحب كلت خلي ادزله رساله
سحبت الجهاز
دزيت الرساله وضميت الجهاز
جوه المخدة وسويته صامت
كلت اذا ردلي راح اقراها
راكان كعدت الصبح فتحت الجهاز
اريد اشوف الوقت لكيت رساله فتحتها
من ميار قريتها
يسعد صباحك ياهوى البال بالخير
ويسعد جميع اللي بعد يـعرفونـك
نسـمة عبيـر الـصبح في طلتك غير
واول صباحي يبتدي في عـيـونـك
رديت الها
راكان صباحي أنت يا أجمل صباحاتي:
صباحي يبتدي بدعوه، أن تبقى معي..وتبقى لي..وتبقى من أجلي ...♡ صباح الحب ♡
حيل فرحت بالمسج من الصبح ..
اليوم جمعه وغدايه يم حسن
سبحت وكملت انتضرت اتصال من
ميار بس مااتصلت.. ماردت اتصل
واخليها بموقف محرج كدام بيت خالتها
فهيمة شكو من الصباحيات الباب
اي جايه جايه

هاي شنو هناء شجابج من الصبح علي بي شي
كوولي خير
هناء علي سكران وضارب واحد بالليل براسه
والي ضاربه بالمستشفى الضربه براسه
وماخذي الشرطه جماله عليه ديووون
الله يخليج فهيمة شلون لحكيني.
فهيمة اووووف منه والله راح يجلطني
رايحة اللبس عبايتي
راكان ..لبست ورحت البيت حسن
ام حمودي غير تجيب ميار وياك
راكان باوعت على حسن شريد
اجاوبها..
حسن روحي صبي الغده البنيه يم
اهلها..
ام حمودي حرامات مشتاكتلها يله حروح
حسن مدكلي شنو سالفتكم لا طلاك ولا زواج
على وجه تره من يمي تعقدت..
راكان والله مادري شكلك بس حيل ضايج
بدونها..
حسن يمعود انت الحالك والله تريدك وتحبك
بس صعبة البنيه تعرتف بهالشي انت حاجيها
كافي تره قتلتني..
ام حمودي يله صبينه الغدة.. تفضلوو
ميار ماكدر اسوي شي
احوص بالبيت بس اريد اشوف راكان يمة
والله گلبي يددور عليه موبس اني
ام حمودي الف عافية راح اسوي الجاي
حسن تعالي كعدي حليلنه المعضلة
ام حمودي شنو شكووو.،!
راكان ههههه ولا يكدر يسكت
حسن خلي الغي يمعود بس اسكت
ام حمودي شبيكم فهموني
حسن حجيت الها السالفه..
ام حمودي لا تشاقون..!
حسن لا والله هي هاي السالفه
ام حمودي ياا واني مثل الاطرش بالزفه
كلشي ماعرف..
حسن هسه احنه وين وانتي وين
ام حمودي تريدون تحلوها موو خلوها عليه
حسن شلون دنطقي
ام حمودي باجر حفلة حمودي من تجي
ميار هنا نسويلهم حفله ونخلي راكان
يحجيلها كلشي يكلها اني رايدج ورايد
استمر وياج..
حسن خوش فكرة
راكان والعالم والناس.. عيب يمعود
حسن لما تفض يمعود بس خليها على
ام حمودي..
راكان والله انتو مشكلة ههه
ام حمودي راح اروح اليوم اتسوك للحفلة
راكار عندي اقتراح..
حسن وهو.. ؟
راكان الغو طهور حمودي هسه خلوها غير
يوم خلي نسوي حفلة بيناتنه وميار انكلها تعالي لطهور حمودي
ومن تجي راح تشوف الحفلة
ام حمودي ماعندي مشكله اهم شي نفرح
بيكم تستاهلون والله
راكان الله يسلمج ام حمودي. اشكرج
باقي الترتيبات خلوها عليه انتو بس
انتضرونا ..
ام حمودي خوش لعد وشتحتاج اني حاضرة
راكان والله كفو منج ادري بيج متقصرين
هسه راح اكوم اطلع امرلكم غير وقت
حسن وين،؟
راكان عندي شغل والله ..
حسن ماشي ننتضرك
راكان طلعت ودزيت رسالة الاستبرق كتبت
بيها ( اريد احجي وياج بس بدون متدري ميار)
استبرق جنت مشغلة اغاني وانضف بالمطبخ
ميار وماما بالهول كاعدين.. وصلت رساله
من راكان استغربت شيريد.. اخذت
الجهاز وصعدت فوك خابرته
راكان رفضت المكالمة واني اتصلت..
استبرق الوو
يتبع .....