ابن عمي

14

الجمعه

ديانا كعدت الصبح اليوم جمعة كعدت اذكر امس عبالك حلم بس حلم حلو

مشاعر مخربطة خجلانة حيل هسه احنا صرنا مرتبطين شلون رح احجي ويا كدامهم احسن شي ابقه بلغرفه

و فعليا بقيت عندي بجنطة نستلة و هيج اشيا اكلت شوية بس داريد اشوفه بس استحيي

يمكن ساعه هدعش ندك باب الغرفه خفت لا يكون هو لبست حجابي و فتحت الباب جانت تبارك

تبارك هذا كله نوم ترا احمد اجه اجيت اطمنج

ديانا اباوع الها اكلها لو لا داخجل احجي

تبارك شبيج صافنه

ديانا ادري

تبارك شتدرين

ديانا احمد هنا و من امس

تبارك هلللو

ديانا دخلي داحجيلج

.
.
.
.
.

تبارك عزاااااا ولله اخوي كارثة يومية انصدم بي

ديانا انا شلون حبيته

تبارك مدري وينها المجانت طيقه لمهم متنزلين شبيج

ديانا اخجلل

تبارك صفنت

ديانا شبيج

تبارك ذكرتيني باول ايامي وي مصطفى نفس الخجل

ديانا يعمرري اسفه

تبارك جبيي مشي يلا روحيله لا يجي مشالله احمد صاير منحط

ديانا نتظريني ننزل سوا

تبارك يلا خوش

.
.
.
.

نزلنا و كلبي يدك عبالك معرف شنو مشاعر غريبه مو نفس كل يوم

جان كاعد بلهول و عمه يمة

نزلنا كلنا صباح الخير

ردت عمه و احمد باوعلي و ابتسم

طبعا المفروض اسلم ع احمد بما انو ع اساس اليوم شفته مو امس و من الثول ما سلمت

عمه دندون شو لا شلونك وين جنت ما جنج الي امس كلشي ما كلتي

ديانا بقيت صافنه ع ما ستوعبت رحتله كتله شلونك و احس الصوت بلكوة يطلع و هو بلكون كاتم ضحكته

احمد صرت زين بعد امس

ديانا وجي صار احمر و المغص الي بطني و بقيت ساكته مصدومة رجع هو كمل كلامة

احمد برا ما رجعت من كربلة

يا ربي دومة مخربط احوالي جا انسحب شوي شوي

صاحت عمه

عمه سون لاحمد وياجن بعدا ما تريك

تبارك كالت صار