اهلي كسروني

9

الله هاي شنو شوف البنات لو جايين اني وساره ورنا ولينا مو احسن😂😂نتونس مو ءني وياك
مصطفى:يا عوبه ليش ولج😂فوك مامطلعج يعني هاي

مريم:ننننن رحنا كعدنا هو طلب نركيله وعصير واني نزلي عصير وقطعه كيك ضلينه كاعدين ساعه عادي سوالف بعد ماكو ميانه بيناتنه كلش رجعنا للبيت طب يغسل هو ضلبت الملمم بالغراض تمددت اجه هو تمدد يمي وحظني اني تجمدت بعد معرف شنو اسوي خاله راسه بركبتي ويشم بيها مدري ليش نزلت دمعتي نتبهلي هو ابتعد عني واخذ فونه بأيده بس مبتسم بوجهي نقهرت كلش طلعت رحت لغرفه زهراء صافنه عليه تسولف ع رجلها وجهالها طبعا زهراء كل سبوعين تجي مو مثل سمر يوميه ترخصت وكمت طبيت للغرفه نايم هو سديت الضوه ودفنت راسي بظهره تفاجأت من رده فعله عود هو نايم الافندي سحبني اله ونمنه كعدت الصبح 10هو طالع نزلت  جوه غسلت وطلعت للمطبخ صبحت عليهم اليوم جمعه يعني هوسه بين قوسين كلها تلتم خالتي مخبوصه وتشتغل وطبخ ونفخ والبنات يمها يساعدنها
يسرى:ماما ريوم التبوله سويها انتي زهراء ومنار سون البيتنجانيه يلا لضلن واكفات فوك راسي هيج كل وحده تاخذلها شغله

نضحك ع خالتي لان مخبوصه ونسولف ونضحك طبواا ب 12 بيت عمهم وبدوا يجون احنه بس نسلم ونطلع

منار:زهراء مريم رايحه اسبح فدوه حمم تدرن منو يجي اليوم يوو فهمتن عليه يعني بايي😂💔

زهراء:دمشي امشي مريم روحي انتي هم غسلي وكملي هسه رجلج ع جيه

لج لاااا هسه ثواني بس اسوي اللبن

وك ستعجليي لعد

مريم المطبخ انترس البنات وولد خالهم كاعدين كلهم يسولفون اني ماحجي استحي منهم مو ذاك العلاقه طب مصطفى وهو عصبي تعالي صعدي ورايه باوعت لزهراء غمزتلي وصعدت طبيت للغرفه هو سلم عليهم واجه واكفه داحظر ملابسي ابدل طب ركع الباب

شنووو هذا لبسج هاااا شباب كلها كاعده بالمطبخ مالبستي شي سترتي نفسج جسمج كله بارز هاااا رجليج ايديج كلها طالعه وذوله كلهم***** لتباوعيني وتبجبجين مامكرن اني اخلي مرتي الرايح والجاي يباوع عليها حجاب لحد الان حرف محاجي عليه والا اكدر اني زوجج ومن حقي بس اريد كلشي بأرادتج ككافيي بسس بلا بجيي امشي كدامي غيري لبسج هذا

مريم:دموعي تنزل وحدهم كل ماريد افك حلكي واحجي يخزني وميقبل احجي طبيت للحمام اشهك جوه المي غسلت وطلعت لبست دشداشه ميدي نيلي وبيها نقش ناعم كلش رفعت شعري ليفوك وسويت بف ونزلت خصل منا ومنا خليت مكياج خفيف وعطرت ونزلت فتحت الباب انزل اسمعه يكول ربي ادري وين اضمها من عيونهم بعد نوب قصير تلبس خخربب بالحظظ

نزلت باوعتني زهراء شبيها عيونج كتلها مابيه شي صبينه غده وكلها لتمت نزل هو مباوعت بوجهه ابد تغدينا وخلصنا وكفنه بالمطبخ كلنا نعزل بي خلصنا رحنا يم خالتي كعدنه ووسوالف شوي وطب كعد يمنه هو اجه كعد بصفي خليت وكمت صعدت فوك نمت سمعته اجه سويت روحي نايمه هو يدردم ......