فصيلتي قاصر

الجزء الثاني

فصيلتي- قاصر
للكاتبه بنت الحجي

صديقتكم ننو
قراءه ممتعه 😊✌

ﻣﺤﻤﺪ : ﻋﻔﺘﻪ ﻭﻃﻠﻌﺖ ﺗﺨﺒﻠﺖ ﻣﺴﺘﺤﻴﻞ ﺍﺯﻭﺝ ﻏﻴﺮ ﻧﻮﺭ

ﺷﻨﻮ ﻫﻞ ﺣﺠﻲ ﺑﻠﻪ ﻣﻨﻮ ﻳﻘﺒﻠﻬﻪ

ﺍﻡ ﺍﺣﻤﺪ : ﻳﻤﻪ ﻣﺤﻤﺪ ﻧﺼﻲ ﺻﻮﺗﻚ ﻳﻤﻪ ﻓﺪﻭﻩ ﺳﻮﻱ ﻟﻲ ﻛﺎﻝ ﻋﻠﻴﻪ ﺍﺑﻮﻙ ﻭﺍﻧﻄﻪ ﻛﻠﻤﻪ ﻟﻠﻌﺎﻟﻢ ﻭﺷﻮﺥ ﺍﺧﺬﻫﺎ ﻭﺯﻭﺝ ﻭﺍﻟﻠﻪ ﻳﻤﻪ ﺍﻧﻲ ﺍﺯﻭﺟﻚ ﺑﺲ ﻻﺗﻜﺴﺮ ﻛﻠﻤﺔ ﺍﺑﻮﻙ ﺑﻌﺪ ﻫﻞ ﻋﻤﺮ

ﻣﺤﻤﺪ : ﻳﻤﻪ ﺷﺒﻴﺞ ﺍﻧﺘﻲ ﺻﺪﻙ ﺗﺤﺠﻴﻦ ﺍﺧﺬ ﻭﺣﺪﻩ ﻓﺼﻠﻴﻪ

ﺳﻠﻮﻯ : ﻳﻤﻪ ﻟﻴﺶ ﻫﻴﺞ ﺗﺮﻯ ﺣﺮﺍﻡ ﻋﻠﻴﻜﻢ ﺷﺎﺏ ﻃﻮﻝ ﺑﻌﺮﺽ
ﻫﻴﺒﺘﻪ ﺗﺎﺭﺳﻪ ﺍﻟﺒﻴﺖ ﻳﺎﺧﺬ ﻓﺼﻠﻴﻪ ﺗﻌﺮﻓﻲ ﻳﺤﺐ ﻭﺍﺣﻨﻪ ﺑﻴﺎ ﻗﺮﻥ ﻋﺎﻳﺸﻴﻦ ﻣﺎﻝ ﺍﻟﻔﺼﻠﻴﻪ ﻗﺪﻳﻤﻪ ﺻﺎﺭﺕ

ﺍﻡ ﺍﺣﻤﺪ : ﻳﻤﻪ ﺷﺒﻴﺪﻱ ﻛﻮﻟﻴﻠﻲ ﺍﻧﻲ ﻣﺎﻣﻘﻬﻮﺭﻩ ﻳﻌﻨﻲ ﺍﻋﺮﻑ ﺑﻴﻬﺎ ﺻﻌﺒﻪ ﻭﺭﺍﺣﺖ ﺍﻳﺎﻡ ﺍﻟﻔﺼﻠﻴﻪ ﺑﺲ ﻳﻤﻪ ﺩﻡ ﻳﺼﻴﺮ ﻭﺷﻴﺨﻠﺼﻨﻪ

ﻣﺤﻤﺪ : ﻛﺎﻓﻲ ﺳﺪﻭ ﺍﻟﻤﻮﺿﻮﻉ

ﻋﻔﺘﻬﻢ ﻭﻃﻠﻌﺖ ﻳﻢ ﺻﺪﻳﻘﻲ ﻣﺎﺟﺪ ﻭﻋﻤﺮ ﻃﺎﻓﺮﻩ ﺩﻧﻴﻪ ﻣﻦ ﻋﻴﻨﻲ

ﻣﺎﺟﺪ : ﺗﺮﻯ ﻣﺤﻤﺪ ﻣﺎﺑﻴﻬﺎ ﺷﻲ ﺧﻮﻳﻪ ﺍﺧﺬﻫﺎ ﻭﺗﻜﺴﺐ ﺃﺟﺮ ﺑﻴﻬﺎ ﻭﺃﻣﻚ ﻭﺃﺑﻮﻙ ﻛﺎﻟﻮﻟﻚ ﺍﺯﻭﺝ ﻣﺎﻧﻜﻠﻚ ﻻ ﺍﺑﻮﻙ ﻣﻮ ﺟﺎﻥ ﺭﺍﻓﺾ ﻋﻠﻰ ﺯﻭﺍﺝ ﻣﻦ ﻫﻞ ﺑﻨﻴﻪ ﻫﺴﻪ ﻭﺍﻓﻖ ﺑﻌﺪ ﺷﺘﺮﻳﺪ ﻭﺑﺲ ﻋﻘﺪ ﺳﻴﺪ ﺗﺮﻯ

ﻣﺤﻤﺪ : ﻭﺍﻟﻠﻪ ﻣﺎﺍﻋﺮﻑ ﻣﺎﺟﺪ ﺩﺍﻳﺦ

ﻋﻤﺮ : ﺣﻤﻮﺩ ﺗﺮﻯ ﺍﻧﺖ ﻛﻌﺪﻫﺎ ﻳﺎﺧﻮﻳﻪ ﻣﺎﺍﻋﺮﻓﻚ ﻫﻴﺞ
ﺷﺘﺮﻳﺪ ﺍﺛﻨﻴﻦ ﺑﺤﻀﻨﻚ ﺧﺎﻳﺐ ﺩﻃﻮﻧﻴﺎﻫﺎ ☻

ﻣﺎﺟﺪ ﻭﻣﺤﻤﺪ : ﻫﻬﻬﻬﻬﻬﻬﻪ ﺍﺳﻜﺖ ﻭﺍﻟﻚ ﻣﺎﺍﺻﺪﻙ ﺍﻧﺖ

ﻋﻤﺮ : ﻭﺍﻟﻠﻪ ﻣﺮﻩ ﻭﺑﻼﺵ ﻭﻳﻦ ﻻﻛﻴﻬﺎ ﻟﻮ ﺍﺧﻮﻫﺎ ﺳﺎﺣﻚ ﺍﺑﻦ ﻋﻤﻲ ﺍﻟﺠﻠﺢ ﺻﻔﻮﺍﻥ ﺟﻨﻪ ﺻﺨﺮﺕ ﺍﻟﺤﻤﺎﻡ ﺣﺮﺍﻡ 😂😂

ﻣﺤﻤﺪ : ﻫﻬﻬﻬﻬﻬﻬﻬﻬﻬﻬﻪ ﺧﺮﺏ ﻳﻮﻣﻚ ﺑﻴﺶ ﻣﻔﺎﻭﻟﻪ

ﻣﺎﺟﺪ : ﻛﻮﻝ ﻳﺎﻟﻠﻪ ﻭﺗﻮﻛﻞ ﻻ ﺗﺘﻘﺮﺏ ﻣﻨﻬﺎ ﻋﻮﻓﻬﺎ ﺑﺲ ﺗﺨﺪﻣﻚ

ﻣﺤﻤﺪ : ﺍﻟﻠﻪ ﻛﺮﻳﻢ ﺳﻬﻠﻪ ﻳﻼ ﺗﺎﺍﺧﺮﺕ ﺍﻧﻲ ﺍﺗﺮﺧﺺ
ﻋﻨﺪﻱ ﺷﻐﻞ ﺻﺒﺢ

ﺭﺟﻌﺖ ﻟﻠﺒﻴﺖ ﻟﻜﻴﺖ ﺍﺧﻮﻱ ﺍﺣﻤﺪ ﺟﺎﻱ ﻭﻛﺎﻋﺪ ﻫﻮﻩ ﻭﺍﺑﻮﻳﻪ

ﺳﻠﻤﺖ ﻭﻛﻌﺪﺕ

ﺍﺑﻮ ﺍﺣﻤﺪ : ﺍﺷﻘﺮﺭﺕ ﻣﺤﻤﺪ ﺑﺎﺟﺮ ﺍﻟﻔﺼﻞ ﻳﺎﺑﻪ ﻻﺗﻔﺸﻠﻨﻲ

ﺍﺣﻤﺪ : ﺧﻮﻳﻪ ﺣﻤﻮﺩﻱ ﺗﻮﻛﻞ ﻋﻠﻰ ﺍﻟﻠﻪ ﺍﺫﺍ ﻣﺘﺮﻳﺪﻫﺎ ﺧﻠﻴﻬﻪ ﻻﺗﺘﻘﺮﺑﻠﻬﻪ ﺑﺲ ﻻﺗﻜﻮﻝ ﻣﺎ ﺍﺧﺬﻫﺎ ﺍﻧﻲ ﺍﺯﻭﺟﻚ ﺑﻴﺪﻱ ﻟﻲ ﺗﺮﻳﺪﻫﺎ ﺷﺘﺮﻳﺪ ﺑﻌﺪ