الحلقة 5
حور بتمشى بسرعة على مكتب المدير
وخالد بيحط ايدو على رقبة كريمة
كريمة / خالد احناا فى المستشفى
خالد / كلها يومين وبس وتكونى ملكى اناا
كريمة / ها هااها لما نشوف مين الى هيكون ملك ميين ياخالد خلاص هتدخل القفص برجلك
خالد / لو القفص حلو كدة معنديش مانع
كريمة / يلاا خلينا نشوف شغلناا يلاا رووح
***********************.
ادم بيروح على اوضة سعاد
سعاد / اهلا بحبيبى ونور عيونى صبحية مبااركة ياروحى انت
ادم / الله يبارك فيكى انتى عاملة اية النهاردة
سعاد / هاا قولى انت مبسوط
و ادم بيبص لسعاد وبيبتسملهاا وسعاد بتضحك اوى
سلمى بتدخل ومعاها عصير لسعاد
سلمى / ادم انت هناا تحب اجهزلك الفطار فى الاوضة ولا فى الجنينة علشان اخليهم يجهزوة
ادم / خلية فى الجنينة
سلمى / نور فى اوضتها
ادم / بترتب شنطتهاا
سعاد / هتروحو شهر عسل
ادم / لاا هترجع لاهلهاا
و سلمى بتقع منها العصير على الارض
سعاد / لية يا ابنى
ادم / كفاية عليهاا كدة
سلمى / بس يوم واحد
وادم بيبص لسلمى وسلمى بتسكت بسرعة بخجل
سعاد / لية يا حبيبى البنت باين عليهاا كويسة
ادم /ملهاش نصيب معاياا وخلاص انا فى المكتب
و بيخرج من الاوضة
سلمى / لااا ابنك كسر الرقم القياسى فى الجواز والطلاق
سعاد. /ربنا يهدية يا بنتى
سلمى / هروح اجبلك عصير تانى
و بتنزل وبتشوف محمود داخل البيت
محمود / صباح الياسمين
سلمى / صباح النور
محمود / العرسان صحيو ولا لسة
سلمى / هيبعتهاا لاهلهاا
محمود / طلقهاا
و سلمى بتهز رسها بنعم
سلمى / والله احنا اتعودناا على كدة فاكر نادية الى كتب كتابو عليها وبعدهاا بساعة طلقهاا دة حتى ملمسهااش
