غزالة الشيخ حيدر❤️😍

البارت 14

غزل:مرت ايام وحيدر يومية يتصل ويدز رسائل بس ابد مااجاوبة ومرة دزلي مسج
حيدر:وحق علي ياغزل هذا عنادج اذا متبطليه لانهيج فهمتي وراسج اليابس اكسر وخشمج العاالي انزلة الا ماخليتج تبطلين عناد مااطلع الشيخ حيدر وجايتج الايام وشوفي
غزل:قريتها وعادي شفتها ومارديت واجة يوم الجمعه احس مو يوم فرحتي وخطوبتي احس يوم اعدامي البليل ضليت ابجي للصبح ونمت
مسرة:وججج غزل كوومي ياالله ليش ليهسة نايمة ولكم شلون تخلوها نايمة ليهسة غزل كومي وج اليوم خطوبتج كمي
غزل:اممم ولي ماريد انخطب
بنين:احمم جتي اخت العريس
مسرة:تعااي هاي مجاي تكعد
بنين:غزززززززززززززل
مسرة:وسم وزقنبوت طرشتي اذني كبور
غزل:نعم شكوو
بنين ومسرة:كومي مااضلج وكت داترحين للصالون
غزل:بطلت ازوج كولي لاخوج
بنين:وعلي اخابرة اذا ماتكمين بت الاوادم ماضل وكت
مسرة:وجج كومي نعل ساعتج كومي اريد اركص خرا بيج
غزل:اهووووووووو ماريد ازوج ولو عن خلقتي
مسرة:وجج خابري على حيدر هاي قفلت
بنين:دقيقه والله لخابر ياغزل خابرت على حيدر وكتلة وكال انطينياها هااج حيدر يريدج
غزل:بس اني ماريدة
بنين:هاا حيدر يي يي فتحت سبيكر
حيدر:غززززل تكمين لو اجي اني اكومج بطريقتي شوفي كدامج 10دقايق اذا ماكمتي وتريكتي تعرفين شسوي موو
غزل:هاااا لا مستحيل اخليك
مسرة:يي يلة روح حيدر كعدت الباقي علينة
حيدر:اذا ماتسمع كلام وتعاند بس خابروني اني اعرف شلون اعدلها
مسرة:متجين غير بلعين الحمرة
غزل:ديلة نجبي وطلعوا برا دااسبح
بنين:اني مااطلع حيدر وصاني اضل يمج
غزل:شلون حتخليني اغلط على اخوها وجج بابا دسبح
بنين:مسمعت تردين انعلس من حيدر
غزل:استغفر الله ربي من الصبحح شلعان كلب من ورا اخوج
مسرة:شلون حضربج جلاق اوصلج للحمام
غزل:شلون راح اجيبج بنعال اخليج تلغين عدل
بنين:شلون راح اخابر على حيدر اخليه يجيكم
غزل ومسرة:شلون راح تنكفخين
بنين:يييي كاافي عاد كبور ان شاء الله كل وحدة لسانها اطول منها كبور عسريع فضونه ورانه صالون
غزل:يي راح افوت شلون تخبصوه للواحد فتت للحمام سبحت وطلعت لبست بنطرون وبدي ولفيت الشال وطبعا الكلادة نزلت امي ونسوان اخوتي يهلهلون واني اصلا بالي مو يمهم وطالعه روحي نداريت صار عيوني على رفل انتبهت عليها تبجي وتشتغل نقهرت عليها هواي كمت عليها وحضنتها
رفل:والله اسفه غزالة والله توبة بعد مااعيدها واسمع كلام حيدر والله
غزل:يلة كافي سامحتج لاتبجين فدوة هو مو صوجج صوج اخوتي وحيدر يلة كافي شوفي زين يباوع علينة ويبجي نداريت عليهم كلهم متفاجأين ويبجون بس ميدرون شنو سبب
ام غزل:شكو يمة اشو تبجون
غزل:يمة دموع الفرح
ام غزل:ان شاء الله دومكم فرحانين
غزل:يلة رفل غسلي وتعاي اكلي ويايه دروح للصالون سوية
رفل:ماشي
غزل:حضرنه ريوك وتريكنة واجتي مرة عمو مصطفى وهلاهل وركص كلهم فرحانين بس اني الفرحة ماكو بكلبي وجنت حيل ضايجة ومقهورة
مرة عمو مصطفى:شبيج غزولة شكو كالبة خلقتج المفروض تفرحين اليوم خطبتج
غزل:مابية شي عمة بس ضايجة لان راح اترك اهلي
مرة عمو مصطفى:وج حبيبتي هي كلها فرعين 10دقايق توصلين لاهلج مو بعاد همة
غزل:ادري عمة بس صعبة عليه اعوف اهلي
مرة عمو مصطفى:كافي حبيبتي وكومي ترا تأخرنة هواي
غزل:يلة مخلصة اني بس تكمل رفل
مرة عمو مصطفى:وجج رفل يلة بسرعه
رفل:نزلت تركض يي عمة يلة خلصت
ام غزل:منو ياخذكم اخابر واحد من الولد
رفل:لا عمة حيدر بلباب
غزل:حجيت بكلبي عوذة يعني راح اشوفة
ام غزل:يلة يمة روحو الله وياكم
غزل:ودعت امي وطلعنة اني ورفل ومرة عمي مصطفى وبنين مرة عمي مصطفى عاندت الا اكعد يم حيدر واني مطايقتة اصلا
حيدر:اكعدوا عاد وفضوني عندي شغل
غزل:اننن
حيدر:لسانج ضمية
غزل:انننننننننننننننننننننننن
حيدر:حكوم اعضة
غزل:سخيف وادبسزز
حيدر:المن هذا الحجي؟؟
غزل:الك المن يعني
حيدر:حكوملج والله
رفل:شبييكم كافي عيب شنو جهال انتو
مرة عمي:عود هاي اليوم خطبتكم وبس تتناكرون
حيدر:هي لسانها طويل
غزل:وانته غثيث
رفل:هييييي كافي عاد امشي انته
حيدر:مشيت والطريق كلة بس نتناكر
غزل:تدري شنو الغلط السويتة بعمري ومتندمة علييه
حيدر:شنو؟؟
غزل:وافقت عل زواج منك 😏
حيدر:هااااا عود كولوا انته تتحارش وتضوجها
غزل:حبيبي انته ميحتاج تتحارش حتى ضوجني مجرد مااشوفك اضوج
حيدر:شكلتي؟؟
رفل:كالت حبيبي
غزل:كرميني سكوتج
حيدر:حبيبج؟؟
غزل:لاصدك نفسك
مرة عمي:والله بزعتوني كافي مناكرة كافي لخاطر الله والله طلعتوا روحي توبة بعد اطلع وياكم
غزل:ههههه ديلة عمة شبيج علساس ماتتعاركين ويه عموو
مرة عمي:لا عيني عمج مايتعارك مثل هذا
غزل:وج هلا بعمتي فديتج والله مال ابوسج بوسة من هاي الزينة
حيدر:ياريت اتحول سمااح
غزل:سمعتك لتصير سخيف
بنين:عوووذة ترا والله لعبتو نفسي كد ماتناكرتوا حتى بطلت اتزوج
حيدر:ولج انتي لاتفكين حلكج لااشمرج من الشباج
بنين:انننن حقها غزل تضوج منك اذا انته واحد غثيث وكروه
غزل:هههههاي طكي ايدج بنين 👏
رفل:همزين وصلنة جان نشمرتو ثنينكم
حيدر:يلة غزل امشي عدل ولاضحكين فهمتي
غزل:اننننن وطبكت الباب بكل قوتي
حيدر:اشتعلووو
غزل:عفتة ورحنة للصالون اول مافتت كعدتني سوتلي مكياج ولبست عدسة وكمت بدلت لبست فستااان طويل مثل البدلة بنفسجي وناطي على سواد وسوتلي مكياج اسود وفضي وجوة عيني بنفسجي وحمرة بنفسجي طوخ المكيااج صار كلش حلو كلش عجبني وشعري فتحتة وبرمت الذيال ومن فوك رفعتة ولبستني تااج شكلي كلش حلوو صار تغيرت جذريا من شافوني النسوان كامن يصلن عل نبي اجة على بالي حيدر حيعجبة شكلي او شراح يكول من يشوفني اووو اني شعلية بيه كعدت على صحفة ورفل اخذتلي صور واخذنة صور كلنة خلصنة وخابرنة على احد يجينة اجة ليث علينة كعدت يمة بلصدر بس مااحجي وياه ولاباوعت علية بس هو ضل يحاول ويايه وابد محجيت وصلنة للبيت بل3ونص ميتة جوع فتت للبيت صاير بيه ملحمة كد الناس الجايين ناس اعرفهم وناس مااعرفهم رحت على امي خطية داتشتغل ويه ازل وسرى شافتني كامت تهلهل وتبجي
ام غزل:هاا يغزالة كبرتي وحتزوجين
غزل:بجيت وحضنتها
ازل:لاتبجين يخرب مكياجج
غزل:حضنتهم وابجي ونوب اجوي بابا واخوتي بس شفتهم زدت بلبجي وعبالك واحد دايكلي انو بعد مااشوفهم رحت على بابا حضنته وابجي
ابو غزل:كافي حبيبتي لاتبجين كلنة يمج
غزل:بابا ماريد اعوفكم اريد اضل هنا
ابو غزل:بوية احنة قريبين عليج شوكت ماتردين تعاي علينة
غزل:جرني محمد وباسني من راسي
محمد:شايفه كل الخير غزولة ان شاء الله الحياة السعيدة
غزل:تسلملي حبيبي رحت على اياد وهم باسني وحاول يضحكني
اياد:يلة كافي هسه يسيح المكياج من دموعج وتطلعين عبسي وتشردين حيدر
غزل:هههه خل يشرد عل اقل اضل يمك
ياسر:تعااي غزول تعاي احضني
غزل:حضنته وشبعت بجي
ياسر:يلة حبيبتي يلة كافي بجي شنو قابل راح نعدمج ترا حيدر يحبج
غزل:ابتسمت باوعت على حسين عيونة مدمعه وليث داير وجهه ويبجي وفؤاد مدنك رحت وكفت يمهم
صحيح انتو اذيتوني هواي واذيتكم مراح انساه ابد انتو جنتو دائما ويايه بلبيت وتعرفون شنو الاكرهه وشنو الاحبة وشنو الايذيني انتو اذيتوني هواي بس شمايصير تضلون اخوتي ومن لحمي ودمي وشمايصير الدم مايصير ماي اني ماسمحتكم عل سويتوه بيه الله يسامحكم على كلشي احجي وابجي
حسين:صحيح انتي صغيرة بس واعية تفكيرج اكبر منج بحيث اني غلطت وادري. هذا غلط وضليت مستمر بيه وماكلت اختي ومافكرت بيج نطيتيني درس ماراح انساه بعمري
غزل:رحت عليه وحضنته باسني من راسي
حسين:مبروك غزولة مبروك يخيتي
غزل:الله يبارك بيك ..ليث مراح تكول شي
ليث:اسف وحضنتها
غزل:ههه يلة لاتبجي عبالك مهرج
ليث:مبروك غزالة
غزل:الله يبارك بيك يوم الالك
ليث:منو التقبل بيه
غزل:هوواي بنات اني اختارلك ....فؤاد لاتدنك مسامحتك
فؤاد:مالي عين اباوع بوجهج
غزل:عادي الصار صار بس وعدوني كلكم ماتسون هيج مرة ثانية
ليث وحسين وفؤاد:وعددد
غزل:ايي بلة وانتو ليش ماتكلون وعد
اياد:ههههه شيخلصنة يابة وعد
محمد وياسر:وعد
ياسر:هاا رتحتي
غزل:يي رتحت
ازل:كااافي عوفها عاد خل تفوت
ياسر:لحكيني ازل 😉
ازل:عدنة شغل بعدين حبيبي
ياسر:اشتعل ابو الشغل ورايه عسريع
غزل:شاورت ياسر شبيك استحي ابوية واكف
ياسر:ماشوفيها شلون طالعه عبالك بطة هي وبطنها
غزل:عزاا بعينك ابويه واخوتي هنا اثكل شوية
ازل:يلة فوتي غزولة
غزل:فتت للاستقبال والكل كام يهلهل ويطش جكليت عليك كعدت عل كوشة وحضني نرتس جكليت جت رفل كتلها جيبلي زيوني
رفل:هاج خذيه بس ديري بالج تنطيه جوكليت عود يوصخج ماشي حبيبتي اني حروح افزعلها لعمة
غزل:ماشي  كعدت والعب ويه زيوني يمة فديت حبيب عمتة يلعب بلجكليت ويريدني اطعمة
بشرى:هه مبارك ياغزل سويتي لبراسج واخذتي الشيخ
غزل:يبارك بيج عمة يي والله سويت لبالي واخذتة احسن من مايضل لبناتج
بشرى:بسييطة الله كريم
غزل:الله كلة كرم عمة اجتي بنتها الجبيرة اسمهان
اسمهان:سويتي لبراسج يغزل
غزل:يي ليش عيني ضحتي لان زوجت قبلج وانتي عنستي
اسمهان:ماخليج تتهنين وشوفي عينج
غزل:يي ديلة ولي واعلى مابخيلج اركبي عنوسة دارت وجهه وراحت ناقصني بس هذول
ام غزل:شبيهم وياج
غزل:مابيهم شي ماما
ام غزل:جيبي زين وروحي اوكلي بغرفتج هسه مسرة جيبلج اكل
غزل:ماشي صعدت للغرفه جت مسرة وضلت تركص فوك راسي وتهلهل
مسرة:غزالة غزيلوكي وبحضن حيدر دعبلوكي
غزل:انجبي
مسرة:ههههه تذكرين من كتلج تزوجين قبلي
غزل:هه يي
مسرة:اني مازوج اضل كاعده على كلبج يي شايفه شلون مراح تزوجين
غزل:عهه ياريت عاد لو مزوجة برضاتي 🙌
مسرة:انجبي وين تلكين مثل حيدر
غزل:يلة كاافي سدي الموضوع
مسرة:وجج غزالة حتزوجين وهلا هلا 💃🏻💃🏻وحيدر طفي الكلوب اجتي غزل بلروب
غزل:لا ياادبسزز
مسرة:هههههههههههاي يلة عيني ست خجولة كملي عسريع راح يجون
غزل:مااشي اكولج مسرة
مسرة:كولي
غزل:شوفي فوك بلملحق مال كنتور اكو علبة مال ذهب جيبيها
مسرة:ماشي كمت جبتها ونطيتها لغزل
غزل:طلعت كلادة بااسم حيدر امي سوتها الي ولبستها ونزلنة جوة كعدت وشوية كالو اجوو اجوو ضليت كاعده بمكاني بس القهر اكل كلبي كل بنية تحلم بهيج يوم وتفرح الا اني مفرحت بعرسي نزلت دمعتي مسحتها بسرعه لاتشوفني امي اجة حسين ومحمد
حسين:يلة غزل تعاي ديعقدلكم الشيخ
غزل:ماشي رحت كعدت يم الباب وامي جابت طشت وبيه ماي وياس وانطتني القرآن باايدي وحطيت شال اببض على راسي ولزمت شمع بيدي ومرة عمو جعفر واكفة على راسي وبيدها قفل تفتح وتقفل بيه بعدين سألني شيخ
الشيخ:غزل ثامر .........هل تقبلين الزواج من حيدر جعفر....... بدون ضغط او اجباربمهر قدرة 6مليون حاظر و20غائب هل تقبلي ان اكون وكيلك
غزل:ضليت ساكته ورجفه بجسمي وكلهم واكفين يمي بس يهوسون غمضت عيوني ونزلت دموعي نعم اقبل ان تكون وكيلي على العقد ...
الشيخ:حيدر جعفر......هل تقبل الزواج من غزل ثامر......
حيدر:نعم اقبل
الشيخ:مبروك اعينكم الان زوج وزوجة شرعاً
غزل:واسمع الهلاهل من الديوان والنسوان كامو يهلهلون رجعت لمكاني وكامو النسوان يباركلي نص ساعه واجة حيدر كومتني رفل وكفت واجة علية الصراحة من شفتة حسيت بلفرح شمايكون وشماصار اني ماانكر حبي لحيدر بس اذاني باوعت عليه دايسلم على جدتي وامي وامة وعل نسوان الكبار اجة يمي
حيدر:مبارك غزالتي
غزل:شكرا
حيدر:وجج شطالعه ملااك
عزل:باوعت عليه 😏
حيدر:اوووو بعدج بعنادج
غزل:ومراح اغيرة
حيدر:من نزوج اغيرة الج 😉
غزل:يااا عزاا شلون سخيف
حيدر:وجج طالعه كيمر اريد اكلج
غزل:انننن
حيدر:اليوم اعضة اعضة
غزل:بحلمك
جدتي:هاا ولكم شجاي تحجون
حيدر:جاي اعلمها شسوي بلزفه
غزل:لتجذب
جديتي:لا يامكصوف الركبة
حيدر:ديلة حبوبة شو انتي شبعتي وية جدي راح تحرمينها علية
غزل:يااا عزاا بعينك
جدتي:ولك شو طالعه عيونك
حيدر:جدة ماشوفين غزل شطالعه شلابسة شلون ماتطلع عيني
غزل:حيدر كافي شلون ماتستحي انته
حيدر:غير لو مو عيب من النسوان جان شلعت شفتج
جدتي:فلك طرك كوم كوم لبس مريتك الحلقة كوم
حيدر:هاا جدة ماتخليني اخذ راحتي بسيطة
غزل:كمنا ولبسني الحلقة درت اباوع شفت عمتي بشرا وبناتها كالبين خلقتهم ومخزرين عاد ردت اضغطهم ابتسمت وسويت روحي فرحانة واضحك وحيدر كيف عباله قبلت بيه هه لبسني الذهب وباسني من راسي ابتسمت ابتسامة عريضة

مسرة:ابن عمي بوووووووسها
غزل:باوعت عليها وخزرتها كامو الكل يصيح بوسها بوسها
حيدر:هااا اليوم حظي كاعد
غزل:لا لا عليك مو هسه عيب كدام الكاعدين والله بعدين
حيدر:مسرة بعديين بعدين 😉🤤
مسرة:ابن عمي مو صوجك صوجي سويتلك فرصة ماتتعوض ابد
حيدر:هههههه ادري بيج بت عمي
مسرة:يلة كوموا ركصوا
حيدر:باوعت لغزل ابتسمت اخذتها ولزمتها من خاصرتها
غزل:عزاا هاي شطولك شلون فشلة والله مبينة بنتك مو مرتك
حيدر:امممم تردين تصيرين بطولي
غزل:يي والله ياريت اطول ولو شوي
حيدر:دنكت وشلتها وفريتها
غزل:ياا هاي شسويت نزلني
مسرة:عفيييية عليكم
غزل:كامو يصوفرون ويصفكون باوعت لعمتي عيونها حتطلع هي وبناتها
حيدر:احبج ياام بيتي
غزل:اممممم بس اني مااحبك
حيدر:عادي تحبيني من نصير سويه ونزلتها وضلينة نركص ضليت اهمسلها وهي بس تبتسم

ليث:سلام عليكم جميعا
ام غزل:ولك يمة شفوتك كلهم نسوان
ليث:يمة جيت اخذ العريس لان اذا محد يطلعة ميطلع حيدر يمعود تعاال
ام غزل:دعوفه يمة
ليث:يمة يمعودة شيوخ برة عيب يعوفهم حيدر شنو هذا ميسمع رحت وكفت يمهم دايركصون ومندمجين ولايمهم يمكن اذا نحترك ميدرون سلام عليكم اشرتلهم باايدي ولا كأنوا اشرت لرفل طفي الدي جي وهذولة يركصون بدون اغنية كل الكاعدين يباوعون عليهم ويضحكون كرصتهم ثنينهم وصحيتهم

غزل:هاا شوكت جيت
ليث:صار ساعه نصيح عليكم امشي شيخنة ترا اليوم ماتبات هنا
حيدر:شكوو شتريد
ليث:ول يابة الشيوخ برا وجدي كال صيحة خل يجي
حيدر:ماتخلون واحد يرتاح وية مرتة
ليث:دمشي دمشي
غزل:ليث اخذ حيدر واني رجعت لمكاني حسيت بلفرحة فرحت من كل كلبي بس مجاي اكدر انسى كامو البنات يركصون ولل10راحو المعازيم بقوا بس الكرايب واني كاعدة جتي امي كومتني اركص وياها كمت وركصت وية امي خطية مبين عليها الفرحة وتركص منطلقة وكامو خالاتي ونسوان عمويني وعماتي كلهم يركصون حسيت شكد فرحانين كولهم رجعت لمكاني وكعدت بال11 اجة بابا وباركلي وكلي

ابو غزل:تعاي بابا غزل رجلج يريدج بلديوان
غزل:حاضر بابا ورحت على حيدر حطيت شال على راسي ورحت فتت علية ...............

الكاتبة_نور

غزالة الشيخ حيدر❤️😍