احببتك طفلتي

p3

مايا: نززززلني ادمم حباب نزلني

" فجأه حجت بصوت ناصي وبخنكه "

مايا: مشتاقتلهم

" تصنم ادم بمكانه وتذكر امه بسرعه وشلون من توفت قبل 8 سنين تأذى عليه ف نزله بسرعه "

ادم:اسف .. يلا امشي نزورهم .." بحسره " واني هم عندي شخص ازوره

مايا: " وهيه تمسح دموعه .. باست ادم " شكراا

ادم: " خجل " اهه ..هه عفوا ي.. يلا بسرعه

" طبو ادم ومايا للمقبره ولزمت مايا ايد ادم وكلتله"

مايا: انت تريد تزور امك ؟

ادم: " بحسره " اي .. هه صارلي هواي مجاي

" وصلو للقبر مالت ام ادم "

ادم: ه.. ه " معرف شيحجي "

مايا: سلم على امك

ادم: اسلم ؟؟

مايا: اكو شخص يجي يم امه وميسلم عليه غبي

ادم: لج اني اكبر منج .. المهم .  ها . هلو ماما ههه اسف مااجيت ... تدرين جنت مشغول وك. " طلعت دمعه من عينه "

مايا: " مشتاقله " جذااب عمه جان يطلع ويسف بس ميحب يجيج عمود ميبجي تشه عود رجال

" ضحك ادم على يلي كالته مايا وكله صح "

ادم: صح والله عمود ما ابجي لان امي هيه نقطه قوتي جانت ومن توفت " دنك راسه وحجه " صارت نقطه ضعفي

مايا: غبي " ضربته " ماكو ام تصير نقطه ضعف اني متءكده انت طلعت طب لانو امك جانت تريد هيج

ادم: شمدريج؟؟

مايا: اعرف المهم ف هيه حفزتك عمود تطلع ف اني راح اروح ازور اهلي وانت " بهدوء" سولف وياها

ادم: شك .. شكرا

" جان ادم جاي يحجي وي والدته مثل مكلتله مايا وره ساعه صفن انو هو طول هل ساعه مسمع صوت مايا "

ادم: وينه معقوله ضاعت عزه

"ركض ضل يدور عليه وفجأه وكف ولكاها نايمه يم كبر اهله "

ادم:" تقرب منه وشاله " اسف محسيت بيج بس هسه كلش حاس اصلا

" ثاني يوم بال7 الصبح "

زينب: يلا مايا كعديي عمود نتريك نريد نروح

مايا: بس شويه حبا.... " تذكرت انو هيه جانت بالمقبره "  عزززه شجابني هنا

زينب: ليش وين تردين تروحين يالوكحه

مايا: منو جابني لهنا ؟؟ اننني اجيتت؟

زينب: لا ادم جابج كال لكاج نايمه بالطارمه 😂 خبله

مايا: ها اي مو اكول " همزين محجالهم "

" نزلت مايا تريد تتريك "

" اول منزلت عينه طاحت بعين ادم "

ادم: ها دبدوب صح النوم

مايا: " بعصبيه " لتكلي دبدوب

ادم: انزل اكل دبدوب

" نزلت مايا وكعدت يم ادم "

ادم: " سوه لفه لمايا وكله " يلاا فتحي حلكج اجه القطار

مايا : ؟؟؟ تره اني جبيره وخر ايدك

ادم: ولج اني 18 واصيح بعدي صغير وانتي 8 سنين وتصيحين جبيره

مايا: تمام انطيني اياها

" مشه ادم القطار لحلك مايا واول محط اللكمه عضته "

ادم: اخخ ولج وخري اهخخ ايدي

مايا: من توكل جهال لازم تعرف انو همه يعضون 😏😏

ادم: انتي مو جاهله انتي شيطانه ولي

مايا: ادري ها ها ها

" اكلو وخلصو "

ادم : عمي ابو زينب عندي موضوع وياك ممكن

ابو زينب : احجي عمي خير

ابو ادم : خير ابني

ادم: اريد مايا تعيش يمنه

" طبعا هل كلام صدم الكل بما فيهم مايا "

ام زينب : ليش ابني هيه شكتلك لو هيه ممرتاحه

" مايا بس تباوع لادم "

ادم: لا ولا شكتلي ولا شي وبالعكس مدحت بيكم بس ... احس اني ووالدي نكدر نربيه احسن اضافه تكدر تلعب وي حسوني هنا ( حسوني اخو ادم عمره 10 سنين ) واحنا اصلا عايشين وي عمتي ( ام مهند ) وزوجه ف اكو هواي ناس يعتنون بيه

" طبعا هنا مشاعر مايا اختلطت متعرف ليش هو دا يسوي هيج من ناحيه خوف والا شنو "

🙂🙂🙂🙂🙂
وانتهى 😂