حب طفولتي 💞

#حب_طفولتي
#المقدمة
الروايه تحكي ع ولد اسمه محمد من مواليد ال94 مواصفاته كان عيونه لونهم زي العسل بنية جسمه رياضي نوعا ما عنده لحيه وشعره لونهم ع البني الهادي وطويل مواصفات فارس احلام اي بنت😅 يخدم في شركة اتصالات ومعروف بين ناسه وجيرانه بسمعته الي زي الذهب وعمره ما خش في مشاكل ولا يحب الدوه الفاضيه والاحلى من هذا كله ما عمراش كلم بنت ولا قرب من بنت وكان هذا كله حفاظاً ع ❤حب طفولته❤

نجو نتعرفو ع عائلته
الاب : مصطفى راجل معروف بين جيرانه بطيبته ورجولته وسمعته الكويسه والزينه ومعروف بالكلمه الطيبه وقوة شخصيته وكانت كلمته تمشي ع الكبير قبل الصغير في الشارع💛

الام : مريم انسانه كويسه محبوبه بين جاراتها وصاحبت واجب وكان الحاج مصطفى يستشير فيها في كل شي يديره لان يحس فيها سنده في هالدنيا بعد ربي ❣

محلاه الحب الي يكون بالعشره ويقعد تابت مع مرور الايام والسنين والمشاكل ❤

معاذ : خو محمد الصغير مواليد ال99 شاب زي اي شاب من جيله طايش ويحب الهياجه والتدهوير والسفر بس مش متع مشاكل وكان في حاله ويحب يهدرز ع البنات هلبا 😅😅
واخيرا موده : اختهم التوائم لي معاذ مواليد ال 99 جت قبل معاذ بي 5 دقايق ودالته بيها و يقولولهم التوائم المختلف ولا ينهيك من المشاكل الي 24 ساعه هيا وياه عراكات 😂😂 تقرا صيدله 😍

💥 Donia Dano 💥

نجو للبطله 💖
بطلتنا اسمها جود بنوته حلوه وطيوبه هلباا مواليد 99 تقرا علم نبات بحكم تحب الطبيعه والاشجار ياحنه عايشه في امريكا بسيف عليها تحبهم 😍😂 مش محجبه بحكم عاشت برا من لما هيا صغيره وبوها مخليها ع راحتها

نتعرفو ع عائلتها
الاب : عبد القادر رجل اعمال معروف انسان ناجح في حياته ديما حاط خدمته وعيلته بين عيونه يحب مرته وصغاره هلبا وما يرفضلهمش طلب ❤
الام : عائشه انسانه كويسه تحب بنياتها وراجلها ومحافظه عليهم يعني ماتخلطش في حياتها الزوجيه مع شغلها وهيا عضوه في جمعيه نسائيه ومحافظه ع حجابها ❤

جمانه : اخت جود الصغيره مواليد 2004 يعني تقرا ثالته اعدادي بنوته عسل وكيوت
عباده : خوهم الصغير مواليد 2007 يقرا سادس مواصفته قمحي الون عيونه بنيات وشعره بني فرخ شطان وكل يوم بعمله 😂😂

💥Donia Dano 💥

#قبل_15_سنه...🕚

مصطفى : دير بالك ع البنيات ومرتك يا عبد القادر
عبد القادر : ان شاء الله يا صطوفه.... حمادي تعالى يا برنس
محمد : عمو امتى بتروحو بتكسدو علينا الشارع
عبد القادر : ههههه والله لسانه ما شاء الله ولا يهمك ياعمو تو نروحو قريب باهي
محمد شاف لي جود ولقاها زعلانه .... جويده خيرك زعلانه ☹
جود : نبيش نمسي يا ميمي ني 😭😭
محمد : شن بندير ياجويده بوك مسكر راسه يمشي بالله عليك تبكيش 😕
جود : 🥺 انباه امسي عانا
محمد : هههه وين امسي عاكم نقدرش
جود : تبكي اكثر حتى ني ادرش 😭😭
محمد : حظنها... خلاص معاش تبكي
جود : ميمي تنسانيش باهي 🥺
محمد : عيب شنو ننساك انتي بنتي
عبدالقادر : خلاص يا عياطه مش ح نعطلو باهي
محمد : عمو روحو بكري باهي
عبدالقادر : حاضر انروحو بكري
محمد : شبح لجود ... عمو دير بالك ع جويده 😞
عبدالقادر : ان شاء الله ياعمو هيا وقت علينا بنمشو هيا جوجو عويشه جيبي جمانه غطيها كويس راه صقع غادي
محمد : مشي يجري خش للحوش وجي داهش لجود .... جويده هاكي شالي ديريه ع رقبتك صقع غادي 🧣
جود : عيونها دموع 🥺 ... حاضل ميمي استاحشك ني 😔
محمد : حتى ني وعيونه دموع
وحظنو بعض ومشو معاهم للمطار ✈