حب طفولتي 💞

محمد : يا بوي ما تكلمنيش ع الموضوع هذا اني مش ح نتجوز
مصطفى : يا ولدي نبي نفرح بيك قبل ما ربك ياخد امانته
محمد : بعد عمرا طويل يا بوي
مصطفى : باهي تجوز
محمد : اني كلمه وقلتها يا بوي بالله عليك
مصطفى : ربي يهديك يا ولدي وخلاص

مصطفى ع قد ما كانت عنده كلمه وكلمته تمشي ع الكل الا انه قدام محمد ما يقدرش يسكر راسه معاه ويمشي كلمه عليه مش خوفا منه لا بس محمد عنده مكانه خاصه في قلب مصطفى والوحيد الي يبيه ياخده ويديره مع هذا كله محمد كان انسان رزين وراجل بكل معنى الكلمه وما يحبش يكسر كلمة بوه وامه بس في موضوع الجواز مسكر راسه واكيد كلكم تعرفو السبب ... (من غير كثر دوه لان دوتي هلبا 😂)

مريم : خلاص ياصطوفى خليه ع راحته

مصطفى : والله يامرومه ما نبي غير نفرح بيه لانه كبر عمره عمر زواج اليوم يسكر 25 سنه

مريم : اي بالله الايام تجري ربي يطولي في عماركم ويخليكم ليا
مصطفى : ويطوللنا في عمرك ويخليك لينا يا غاليه
مريم : يارب

طلع محمد وركب في سيارته ويتكلم مع روحه: ااااه يا جويده وينك امتى بتروحيلي..... ولع سيارته ومشي

في امريكا

جود : جمانه سادك وانتي تنقي
جمانه : لا اريد الرجوع الى ليبيا
جود : تكلمي ليبي علمتك ولالا
جمانه : لا اريد اكرهها ليبيا لا أثيقها
عبد القادر: جيجي خلاص بابا لازم نروحو لي ليبيا هاذي بلادنا واحني قعدنا هلبا اهني وتوا بنرجو واني يا بابا عندي خدمه لازم نديرها غادي
جمانه : اووووف
جود : خلاص اسكتي بنرجعو يعني بنرجعو الصراحه اني مستاحشه ليبيا وحوش عمي مصطفى وعمتي مريم
جمانه : قولي تبي تولي ع خاطر محمد
جود : 😳😳😳 لالالا ومش ما تبيش تتكلمي ليبي شن خطرلك توا
عبد القادر: ههههههه فضحاتك يا جوجو
جود : 🤦‍♀️🤦‍♀️

💥 Donia Dano 💥

محمد : السلام عليكم
الشباب : وعليكم السلام
خالد : حمود شن جو
محمد : والله تمام وانتا يا خلوده شن اخبارك
خالد : تمام اهو

(طبعا عندنا زوز في الروايه اسمهم خالد واحد صاحب محمد والثاني خال جود 🤷‍♀️❤)

محمد : بالله يا عبدو مدلي الكارطه خاطري في شوط سمح
عزو : محمد شكله جوه اخيه احكي يارا شن صاير معاك
محمد : نهد تنهيده طووويله .... شي شي نبي نلعب
عبدو : واضحه خيره يعني
عزو & خالد شنو
عبدو: اكيده ع قصة الزواج
عزو : بالحق يا محمد كلام عبدو
محمد : هز براسه بمعنى اي
خالد : ايااه ع القصه الي ما بت تم
عزو : محمد امك وبوك عندهم حق راه يبو يفرحو بيك يستنو غر امتى يفرحو بيك راه حتى العمر ليه دور عمرك 25 سنه ومزال تراجيلي في جود بيش تجي انساها يا خوي وعيش حياتك صدقني اكيد حتى هيا ناسيتك واضحه عايشه برا قداش ليها وشوف قداش سنه وما فيش بنت تتحمل الفتره هاذي كلها ما تحبش وتقعد معلقه في واحد كان حب طفوله