باين غيكون شي واحد شارف هىء هىء أجي أماما تشوفي بنتك هىء أصلا أنا كعما عندي زهر
بهيجة.أهيتا نوضي لبسي عليك شي حاجة وأجي جلسي حدا ناس
أنا .محشوماش عليك
بهيجة.شوفي نوضي لبسي حسن ليك
نضت على وعدي وسعدي بدلت وهبطت جلست حداهم تافقو على موعد العقد من ورى سيمانة أما اعرس من ورى جوج سيمانات
بقيت كنبكي بغيت غير نعرف شنو درت فهاد لحياة واش أديت شي واحد واش درت شي مرة شي حاجة خيبة ولاكين هذا هو لقدر معندي مندير فأخر يامي نتزوج بشارف هىء هىء حياتي ولات جحيم من نهار ماتت لأم تاعي
أصبح الصباح ولله لملك
فقت على أشعة الشمسة نضت فرحانة ولاكين ملي تفكرت شنو وقع رجعت لحزن تاعي 😔درت روتيني ليومي وبحال هكا دازت أيامي حتى جا نهار لي غندير فيه عقد قران نضت بكري دوشة خرجة نشفت شعري كندير دكشي بزز مني لبست كسوة بيضة سامبل وطويلة وصندالة ذهبية خليت شعري سامبل ومكياج خفيف مشيت أنا وبابا ومرتو وعكوزتي وشيخي لمستقبلين 😏ولاكين صدمة أنا لعريس مكينش ووقع على الوراق وصيفطهم ليا واش هادي ماشي حكرة😢
أنا.كيفاش مكينش
عكوزتي.ره أبنتي عندو خدمة ضرورية هكاك علاش مقدرش يجي ولعرس مبقاش باغي يديرو
صدمة التانية 😱
أنا.ك..
بهيجة.هيهي لعرس ممهيمش ياك أبنتي
أنا.😲
عكوزتي.وره ليوم غندوك
أنا.أواه توما دغيا مالنا منخافوش
عكوزتي.لله يرضي عليك أبنتي
يتبع...
لبنات فرأيكم شكون هو هاد عريس لغفلة تابعوني وغتعرفو😘
