قصص كتير بتجمع بينهم بداية واحدة ونهاية واحدة
كان فيه واحدة عينيها سمرة وخدودها حمرة ف عينيها لمعة واسمها سمعة😂😂
حبها واحد قلبه دق، جسمه رق اصلها مدق مش حوار جسم وجمال جمال مات واندفن
دا حوار روح وانسان مش قادر يبوح أصله لوح مليان جروح ومفيش طموح.
بُعدها غربة ودا عاش ف كربة ومشربش شوربة دا شرب حبها ، دا أسير جرحها وجي ف صفها يا هناها يا سعدها.
بيشوفها من بعيد ، دا عايش وحيد ،انسان مش سعيد دا نفسه يبقوا كفتين لميزانة واحدة أو فصلين من قصةواحدة.
الزهر لعب وابتدي يكلمها فلقاها فورتيكا وكلامها مزيكا، جبلها دولسيكا .
تعبير وشها مبهور فجبلها بخور وطلعوا فوق حبة صخور شافوا بقرة من سوق العبور .
بيقرب منها قالتلو stop جبلها lollipop تفاح وده كان مفتاح قلبها وحكيتلوا عن نفسها
عندي كلب اسمه Rix قالها تكلي كورن فليكس
قالتلو وبعدها نشرب بيبس وندي للجرسون تبس قالها ok وادالها بوكيه كلو زهور وركبو الحنتور
قالها بتحبي الأزهار يا شبه النهار دي عنيكي نار
ردت:جرا ايه يا جبار ما تاكل خيار
(دار ما بينهم حوار النهاية خلاهم ينسو جمال البداية)
*بحبك وليلي مليان بالدموع امتي بقا نقيد الشموع
عنيكي حكاية نفسي تشوفي شوق البداية واجبلك عباية وفستان للفرح
_عباية ايه ف الليل الحزين يا ابن الكهين
تعليمي اخلصه ومشروعي اجهزه وبعدين نشوف العباية والفرح
*جرا ايه يا عجلة يا ام شعر شبه الفجلة
كلامي انسيه واشطبي عليه وانسي انك فورتيكا ورجعيلي الدولسيكا دي بست بلابل ومنين هقابل
_انت صدقت دا انا كنت بدلع وقلبي ولع
*دا كان زمان يا حلوة ويا ريت الزمان يرجع في يوم ياللي وشك شبه البوم .
(ودي نهاية قصص كتير)....
****************************
لو الهبل دا عجبكم اعملوا follow(ودي معناها متابعة عشان أصحابنا بتوع الثانوية اللي بيحتاجو كلمات ترجمة😂😂😉 وع فكرة ترجمة يعني translation )
