عشقت فصيلتي

البارت الثالث

ودق كالعاده مبيدي شي غير اكعد وابجي نمت ع روحي كعدت الصبح ع صوت ام قاسم
يلله كومي حسبالج نايمه بيت اهلج كومي اشتغلي يلله واليوم تجي مرت قاسم من اهلهه وديربالج تغلطين وياهه بحرف
ودق:حاضر بس منو سمر ماكدر ارفضلهه شي لان اول مراح ارفضلهه اكيد راح يضربوني من
ام قاسم:مرت الشيخ لتاخذين راحتج انتي هنا فصيله مو مرته هو متزوج
ودق:وشكو زوجني اذا عنده مره /وي نفسي/
طلعت نضفت البيت وطبعا زينب ساعدتني بس بدون ميشوفوهه لان ميقبلون احد يساعدني اجه وقت الغده سويت الغده ورتبت السفره وكعدو
ام قاسم:هي لج ديربالج تجين تكعدين ويانه تنسمين بغرفتج
ودق:هزيت راسي ورحت حتى غده متغديت صاح عليه الشيج تعاي بنتي تغدي
استغربت من كلمه بنتي لانو الكل حاقد عليه بس الحمدلله جان اكو ناس طيبين زينب وابوهه اما محمد مسافر ع مود دراسته
كملو غده صاحت ام قاسم كومي غسلي المواعين طلعت غسلت المواعين نضفت المطبخ ورحت دا ارتاح كالت تعالي وين تروحين عجني هذا جابتلي نص جيس طحين بس هذا هواي
ام قاسم:اشتغلي بدون صوت
ودق:عجنت وكملت رحت حتى ارتاح بين ميخمر العجين وره فد ساعه صاحت عليه كومي خبزي يله رحت خبزت كملت كلتلي روحي غيري ملابسج حيجون النسوان يشوفوج مو تخزيني كدامهم لان شكلج مو مال مرت شيوخ خدامه زايده عليج طبعا نقهرت كلش اتذكرت امي جانت مدللتني ومعاملتني احسن معامله ومراضيه وهسه هنا ياربي ليش هذا العقاب رحت للغرفه سمعت صوت صياح ام قاسم ولك قاسم تعال شوف هاي المصكوعه متقبل تشتغل وخلتني اعخبز نص كونيه عجين واديه حتركن هيج تاليتي فصيله تسوي بيه هيج
قاسم:نزلت ع صوت امي شفتهه واكفه ع التنور وتكلي متقبل تشتغل رحت لزمتهه من شعركهه جبتج هنا حتى تخلين امي تشتغل مو اليوم انعل اهلج الي مربوج كتلتهه ودخلتهه للغرفه وسديت الباب
ودق:طلعت دا اشوف شكو محسيت غير ايد سحبتني من شعري وشمرني بالكاع شفته قاسم وضربني وبقه يحجي عليه وع تربيتي ليش هيج والله ابويه رباني احسن تربيه شنو يكلي بلا اخلاق ربي صبرني كافي اتحمل والله تعبت من هالحياه ربي موتني وخلصني

ام قاسم:يي وف تستاهل خلي يكسر راسهه
سمر:الوو حبيبي قاسم
قاسم:الوو هلا
سمر:شبيك ليش تحجي من وره خشمك
قاسم:مابيه شرايده
سمر:تعال العصر اخذني
قاسم:عندي شغل
سمر:الشغل اهم مني
قاسم:سمر كافي عاد تعالي بوحدج سديت الخط
سمر:شبي ليش هيج يحجي وياي اكيد هاي الفصيله مسويتله سحر لني اعلمهه هالممربايه
ودق:كعدت ع صوت ام قاسم وصوت غريب
يسال عني
سمر:وين الفصيله
ام قاسم:مكبوره بغرفتهه
سمر:وين باي غرفه
ام قاسم:شلج بيهه
سمر:اريد اربيهه
ام قاسم:ليش شسوت هستوج اجيتي
سمر:اليوم حجيت وي قاسم ويصيح عليه وسد الفون بوجهي
ام قاسم: لتخافين كتلهه وطلع ضايج خليه يكسرهه
سمر:صدك وف تستاهل حتى تتربى
ودق:وف ليش هيج اني شسويت الهم والله مو ذنبي ليش هيج بس يردون ياذوني

ام قاسم:يلله عيني كعدي بدلي راح يجون النسوان
ودق:بس اني معندي شي البسه
ام قاسم: تعالي وراي
ودق:مشيت وراهه صاحت ع زينب حتى تجيبلي من ملابسهه لان مشترولي
ام قاسم:زينب يمه رتبيهه راح يجون النسوان مو تبقيهه هيج كدامهم تخزينه
زينب:حاضر تعالي ودق اخذتهه وانطيتهه فستان مقبلت تخلي ميك اب هواي خلت روج خفيف وشوي ميك اب
ودق:اخذتني زينب وجابتلي فستان كلش حو عجبني نفشت شعري هو طويل بس مخليت ميك اب هواي احبه هادئ وخفيف
زينب:ودق طالعه تخبلين
ودق:حياتي وحضنتهه

طلعت لاكتني ام قاسم شنو هالبس يلله روحي غيري طالعه تلعبين النفس اجه ابو قاسم لا بنتي ابقي طالعه تخبلين ربي يحفضج شكرا عمو وبست ايده
ام قاسم:يلله بسرعه نزلي ع النسوان لتاخذين راحتج شوي وتروحين تغيرين ملابسج
ابو قاسم:حط ايده ع راسي وكلي بنتي تحملي وتوكلي ع ربج بعد كم يوم غصبا عليهم يتحملوج وانتي سمعي الكلمه وهاج هاي الج خاف تحتاجين شي
ودق: شكرا عمو بس ماكدر اخذهن
ابو قاسم:اني ابوج مو عمج من اليوم وهاي الفلوس تاخذيهه بدون كلام
ودق:مكدرت ارفض اخذتهم ورحت شافتني سمر
سمر:ها لتخافين كدرتي تدخلين لقلب عمي بس لتحلمين بيوم تصيرين جنه هاذ البيت فهمتي وهاي الفلوس جيبيهه انتي بحياتج مشايفه هيج مبلغ
زينب:شفت سمر تمادت زياده وي ودق ف اضطريت ادخل سمر شنو هذا الحجي اذا يسمعه ابويه ترا يصير غير حجي وبعدين هاي الفلوس ل ودق مو الج سحبتهم منهه وانطيتهه ل ودق واخذتهه نزلتهه ع النسوان
ودق:اجت سمر وحجت عليه ومفكرت انو كلامهه حيجرحني اولا وصح اهلي مجان عدهم فلوس بس ربوني احسن تربيه ومخلوني محتاجه شي نزلت جوه سلمت ع النسوان
اللهم صل على النبي ماشاءالله شكد حلوه وين لكيتوهه
ام قاسم:خدامه قصدي هي موجنتنه بس فصيله واخذناهه خدامه
هاا بس ميصير شلون تزوجوهه وتبقه بنيه شنو هوه شيخ ويعررف
ودق:طبعا الكل انعجبو بشكلي بس حسين ام قاسم وسمر ماتو بغيرتهم ف بقت تحجي عليه كدامهم وكلولهه انو ملازم ابقه زوجته بس بالاسم اني ماريد يصير شي بيني وبينه وره مخلصو
ام قاسم:قاسم
قاسم:ها يوم
ام قاسم:اخذ هاي الصكعه وفض السالفه الناس كامت تحجي وانته شيخ وتعرف اريك تكسر خشمهه
قاسم:صار يوم سحبتهه من ايدهه ودخلتهه للغرفه كامت تبجي وتتوسل بيه حته م اسويلهه شي الله يخليك ابوس ايدك
..

.
.
.
.
.
.
.
. الكاتبه:ansam
____________________________________

انتضروني باالبارت الرابع باجر انشالله وكتبولي شنو رأيكم بالقصه عجبتكم او لا ولتتسو
تصوتون وتكتبون رايكم