سندي 😍

21

حنة الاولاد

الم الفراق

ومرت الايام ...😊

وعلا طوالي بدت ف حاجات الشيله ومره  انا وتونا ونانا واخواتها الاتنين  بنمشي  معاها ومره امها وامهاتي 😊  لحد م خلصت وبدت الحبسه ونذلت دخان علشان باقي شهر ومن جهه تانيه وليد بيجهز ف ورقها
ومن جهه انا محمد  كان مصر اني اعمل التخريج بس انا رفضت لانو تونا م عايذه تعملو والاء برضو م هتعملو وم ف وحده من صحباتي عايذه تتخرج وانا براي بايخه اتخرج مع ناس م بعرفهم
وبأصرار محمد علي حنست الاء وتونا نجيب لينا روبات ونطلع رحله كأنو تخريج 😁كل وحده واسرتها بس ومحمد ياخد لينا الصور  
مع انو كل وحده فينا بمرتبة الشرف بس م عارفه مالنا 🤔  المهم اتلمينا كل وحده بأسرتها وانا والبنات محمد لفينا كم مكان للاوت دور وطلعنا رحله نيليه ومحمد ذفانا بالعربيه  وحلا حاجه لما بدا فينا  شعر وبدا يذيعنا  🤣🤣 وذغرتو لينا وعشنا اللحظه
وبس كان ده تخريجنا 😊😊😊

بس ناويه بعد الدكتورة انشاء الله علشان احس بطعمو 😊

ومرت الايام كمان وباقي اسبوع لعرس علا  وطبعا انا ونانا اشترينا اثناء م كنا لافين مع علا ايام شيلتها 😎👍

انا المرة دي اشتريت فستان فضي ونانا كمان بس شويه تفصيلو مختلف ف حاجه بسيطه وطبعا اجتهادات ف الفيس والجسم وكده  والوش الحواجب م شلتهم من العقد
المهم مجتهدين جدا وحتي نانا كمان لانو بعد كده الذول ممكن يعتبرها بت كبيره وكده 😊

ووصل يوم الاتنين ..

ومشينا من المغرب و حنبيت لانو بكره الحنه 😍
وبعد ما وصلنا عرفنا انو اخوانهم اتفقو يعملو ليها حنه وطبعا ذعلت من محمد لانو م كلمني 😊وخليتو يرجعني عشان اجيب غيارات لي ولامي وخالاتي ....

محمد : قلتي لي البيت فاااضي موش 😍

انا : ههههاااا بابا قااااااعد ي بابا

محمد : عمي ده دااايما هو واقف معاااي

انا  : تمااام اعمل العايذو قدامو

وواصلنا ووصلنا البيييت وااقفين ساعه وبنضرب ف الجرس بابا م فتح انا قلت اتصلت عليهو م رد وبعد كده بقيت م مطمنه

وبقول لمحمد سجمي ي محمد بابا مالو بابا م برد

محمد : ي بت كدا قولي بسم الله انشاء الله م حيكون في حاجه يمكن نااايم

انا : كدا تلب

محمد : متأكده

انا : اااي اااي

(طبعا بابا جاتو ذبحه مرتين قبل كده وقطع قلبنا عليهو علشان كده نحن بنخاف عليهو شديد وبنحاول نبعدو من اي انفعال وم بنخليهو براهو ف البيت خااالص  )