الفتاة الجديدة

هربة جماعية

تنوض هاذيك الطفلة على صوت يماها وهي تعيط نوضي للمسيد .
بيانسيغ هاديك لحمارة ( لي هي انا 😑💔) كانت راقدة كي القردة (حاشة خليقت ربي ) حتا جاتها كف حارة كيما كل ليوم باش ناضت و غسلت وجها و لبست حوايجها.

بيانسيغ راحت للمسيد صون طبلية و تلاقات بالحابسات (صحاباتها )ف الطريق لي هوما :
مالاك
مريم
صافا
رندة
غفران
اميرة
و بداو يهدرو :
سيرين :
" صباح الشر عليكم قْاع "
لوخرين :
" صباح الميزيرية عليك "
سيرين :
" يله لليكول "
اميرة كانت ترهج فالشيبس معا صباح ربي ممبعد حبست و قالت :
" جماعة انا كرهت القعدة هنا وش رايكم نهربو "
سيرين :
" اسمعيني بب الحاجة اللولة وين الحاجة الدوزيام باش الحاجة الطروازيام كيفاش "
اميرة :
" اوكي بب ساهلة الحاجة اللولة لكوريا الحاجة الدوزيام بالدراهم تاع البيام و السيزيام و لي قاعدين نطموهم فقْاع مراحل حياتنا الحاجة الطروازيام باينة نهربو "
رندة "
" ليكي يا وحد الكلبة هادي المرة اللولة لي نكون معاك فيها بصح جماعة عندها الحق ياخ عندكم قْاع لي باسبور و الفيزا "
جاوبوها على ضربة كي لهوايش :
" ايه عندنا "
رندة :
" مريم نتي عندك خوك مرفه و كي خوك قوليلو يشرينا دار تم تكون مليحة و مايقول لحتا واحد نعرفو خوك ناس ملاح ، و جيبولي دراهم ليا نطمهم و نشري لي بيي و نتوما وجدو الفاليزات و بالاكو يفيقلكم شي واحد ولله غير نكسرلكم ريصانكم"
سيرين :
" بصح هاكا بهاد الزربة رانا رايحين ياي اوك ميمي عيطي لخوك دومونديلو يشريلنا دار درك و ادا ماكفاوناش دراهمنا نبيعو تليفونات "
رندة :
" حسبتك حمارة وترن عندك مخ "
سيرين :
" خسارة عليك ، اوكي عيطي نتي لخوك "                                        المهم عيطت لخوها و شرالهم دار و بلع فمو ( الهم اخ متله 💔💔💔)
صافا :
" ياي اوبا راني جاية بب و قتاش لهربة "
رندة :
" باقرب وقت ممكن اصبري تشو ...... ليوم لخميس نهار السبت نتلاقاو و باي باي الجيريا "
غفران :
" اوكي نتلاقاو قدام الليسي هاداك النهار معا لعشية"

            نهار الجمعة معا لعشية دارو اجتماع
مالاك :
" اوك جماعة رانا واجدين "
مريم :
" ليكو دبرت الدار و راهي على اسمي "
رندة :
" و انا راني شريت كلشي و قْاع واش نسحقو و بعت اوراقنا للجامعات اماجينيو رحنا لاكبر جامعة فكوريا فسيول لي فيها الايدولز كذا منا ملهيه  "
سيرين:
" زعما نتلاقا مع جيمين اوبا "
خزرو فيها هاديك الخزرة الخطيرة و قالو قْاع كيف كيف :
" حلاااااااااااااابة "
(اوكي جماعة نحلب جيمين خير ملي نحلب واحد من الاخوة تاوعنا 💔😑🌚)

جماعة ديرو فوت وهاكو كادو قولي اذا شباب