ابن شيوخ والتركيه

بارت 9

هلووووو يله نبدي احبكم
.
.
.
.
.
.
.
.

ساره : .....

فهد بعصبيه : فهمتي

ساره بصدمه : فف فهمت

فهد : اي زين فهمتي

وعافها وطلع

ساره
نصدمت ما اتوقعت اول ليله من زواجي هيج كمت ابجي على حظي اووف ياربي ليش بس اني هيج ليش مو مكتوبلي افرح اووف يالله اووف ضليت شويه ابجي وكمت بدلت وتوضيت وصليت الصراحه هاي اول مره ابحياتي اصلي لان اني ما جنت اصلي بس اليوم كلش اختنكت واتذكرت بابا من يكول الصلاة تريج واذا مخنوكه تريحج فاا كمت صليت رطعتين لوجه الله وكعدت ادعي الله يوفقني ابحياتي الجديده ويقدملي الي بي الخير وكمت قريت شويه جان اكو قرآن وخلصت وكعدت شويه وكمت تمددت وتغطيت وضليت ابجي شويه وحسيت اجى فهد سويت نفسي نايمه

فهد
حجيت معاها وطلعت رحت بره الفندق وكعدت جان اكو حديقه اختنكت شويه اووف ياربي ما جنت اريد اول ليله الي هيج وضليت شكد كاعد وبعدين رجعت حسيت عليها جانت ماعد بس اجيت سوت نفسها نايمه اني عفتهاا وفتت بدلت ونمت عل تخم جنت امثل النايم بس اني مو نايم وبعد فتره طويله يله نمت وكعدت الصبح ما شفتهاا عل تخت سمعت صوت بالحمام عرفت هيا بالحمام كعدت شويه وطلعت جانت مبدله ومكمله لان جان لازم نرجع للبيت الصبح كمت اني وكبل للحمام حتى ما حجيت معاها اني من النوع الي اضوج من احس نفسي مفروض على شخص او شخص مجبور عليه فتت سبحت وبدلت وطلعت

ساره
نمت وكعدت جان هو نايم ياا شكد حلوو هو ونايم كمت سبحت ولبست شي مستور بس بلا حجاب لان ما عندي طلعت وشفته كاعد بس شافني كام فات هوو وحنى ما حجه شي معاي رحت صليت وكملت ورحت كعدت كدام المرايا وخليت مكياج خفيف ومشطت شعري وخليته مفتوح عادي وطلع وشافني اني كبل حجيت كبل ما هو يحجي

ساره : ما لبست حجاب لان ما عندي حجابات

فهد : اي خوش انشاء الله اشتريلج بس راح اكلج شغله بره من نطلع يمهم لا تبينين شي يعني كاا اي ثنين مزوجين كدامهم وراح اكلج مره ثانيه اذا احد عرف بلي صار راح يصير شي ما يسرج ابد مفهمتي

ساره : اي فهمت

فهد : يله خلصتي خلي نطلع

ساره : اي خلصت

وطلعنا وشفناهم كلهم جوه

محمد : واخيرا شرفتو لازم جانت عاجبتكم الغرفه 😉

فهد : وانت شكو ما الك شغل يله تتريكون ونطلع لو نطلع كبل

الكل : لا خلي ناكل وبعدين

ورحنا كعدنا واكلنا وجنت اشوف فهد اتغيرت تصرفاته معاي حبي وحياتي واكلي ويدللني كدامهم تمنيت يظل هيج معاي اووف وجنت اشوف الحب الي بين سدره ومحمد و علي ومريم حنت اتمنى اني هم نفسهم وهم فرحانه نفسهم من كل كلبي بس اااخ المهم الله يهنيهم اصلا شوفتهم فرحانين تكفي وكملنا وطلعنا للبيت وفتنا وكعدنا وباركو النا ويسئلون كلشي تمام ان كلهم تمام اووف ومشى اليوم عادي