غصـبوني_آعشـگگ

3

#غصـبوني_آعشـگگ

البارت الثالث

اخر بايتين بعد ماكدرت رجليه صارن خيوط وعيوني اريد افتحن ماكدر راسن وكعدت وبعد ماحسيت ال واني بلمستشفى احسن حراره بمعدتي كمت اهز برأسي يمنه يسرى حيل اريد اسيطر وافتح واسمع امي

يمه بنتي قمر شبيج يعمري شجاج يمه تسمعيني

شويه شويه فتحت شفت عمي ومرته واكفين فوك راسي كمت أشر عل حاويه اريد اتقيى سندوني وكعدني كمت اتقيى بس احس معدتي تريد تنشلع وروحي تريد تطلع مدنكه وامي تغسل بوجهي اجتي عيني عل بوته العسكري وسمعت شخطت سحاب وكال لبسوه هاي اررجف اررجف وشي تخله عل جتفي رجعو نوموني اجتي عيني بعينه امي كامت تلبس بيه اباوع هاي بدلته العسكريه وهوه بقى بفانيله نص ردان هاي تصير جوه البدله زيتونيه واباوع لنفسي جايبيني بتراك البيت وبس الشال عل راسي جان الأتراك وردي ونص ردن وصدره مسبع هذوله شلون هيج طلعوني اكيد جنت كدامهم ميته الله يسامحني عل هل سوايه وعاني صوت عمي
هاء بعد عمج شجاج متكوليلي والله هبطي كلوبنه

ماكد احجي بس اباوع بلوجوه دخل الدكتور وككف هوه وفهد ليغاد منه كم دقيقه وبعدين توجه عليه

شلون صرتي تسمعيني

بس اهز برأسي

فتح عيوني وسدهن وقاس الضغط والنبط وكال

كولشي هسه طبيعي هيه متعرضه لحاله تسمم وان شالله عدت عل خير يخلص المغذي وتكدؤون اطلعوه
عجيب مكال انتحار معقوله معرفو؟

عيوني كل مافتحن ارجع أغمض احسن ثكال إلى ان طلعوني من المستشفى للبيت امشي بس ممتوازنه امي لازمتني منا وعمتي منا صعدنه سياره فهد عمي ليكدام واحنا وراه صار مكاني بنص يباوعلي بلمرايه وعيونه كله غضب مهتميت اني كوه مفتحه وصلنه وصعدوني بغرفتي كبل نمت بعدهم داير مداريري وكمت ماحس بوجودهم طبعن فهد ماطب ذبنه وسمعت بس شخطت السياره
نمت والنومه نومه 12 بليل كعدت الموبايل يدك كمت أتلمس الميز بصفي لكيته باوعت المتصل فهد جاوبت بصوت تعبان
الووووووو

هاء الحمدالله عل سلامه هاي هيج تكرهيني بحيث تموتين نفسج ولا تزوحيني

مجاوبت

تره لاعبالج مادري انتحار بس اني كتله للدكتور كول تسمم وهاي سوالف الزعاطيط اني أعلمك عليهن

مجاوبت بس اسمع

المهم هسه كومي نزعي بدلتي اولي بيه الصبح للدوام راح ادز احمد يأخذه
طوط طوط طوط سده

اباوع عل نفسي هاي صدك لابسه بدلته كمت شويه شويه أو توجه عل حايط نزعته ونزلت جوه لازمه لمحجر وامشي خطوه خطوه البيت هدوه امي نايمه وصلت المطبخ احمد وسمر واكفين عرفته يعني هوه دزه حجه احمد

هلوووو الحمدالله عل سلامه هاي بعدج عايشه عبالي ميته

بتسمت بتعب

حرامات لو ميتى والله عمج يحبج اكيد يسويلج خوش فاتحه اقله ناكل لحم شبيه الواحد يخلصه 3ايام بس لحم
كالت سمر

اسم الله بيش طالب اختي ابو نفس الدنيه تموت اختي علمود اللحم ابو بطن

هههههه يمعوده جنت اتمل بس هسه ضاع الامل وهاي كدامج جنه حصان كولشي مبيه جيبي جيبي البدله خل اروح احسلي

اخذه وطلع ندارت عليه سمر

ولج شجاج شلون هيج صار والله هبطنه هبطه طيرت فرحه الخطبة كوله
سمر ماكد احجي صعديني لغرفتي اريد ارتاح

دكلي لكمه انتي كولشي ماكلتي

ماريد كولشي ماشتهي العسل والله

براحتج يله كومي صعدتتي ونمت عبالك منايمه هذا الوكت كله كعدت ويه صلاة الفجر كمت توضيت وصليت كاعده عل سجاده وافكر بلبارحه وبلصار وبفهد وقررت استسلم وأقبل بلامر الواقع وأوافق كمت نزلت جوه دخلت غرفت امي حشكت روحي بفراشه واشم بيه سوده عليه البارحه فرفحته حست عليه حضنتي وباست راسي
شلون صرتي حبيبتي

الحمدالله يمه زينه

شماكله وهيج صار يمه

مادري يوم مادي

يله الحمد الله عدت على خير ربج قدر ولطف

يمه

عيون امج

اني موافقه عل فهد
عين العقل بنتي الله يسعدج ان شالله

دفنت راسي بصدره وابجي بخنيك وهيه تمسح عل راسي لحد مغفيت

بيومه العصر اجوي عمي وعمتي والبنات شافوني واني هم صرت احسن بس روحي مسحونه وممتخييله اني بنفسي وافقت عليه قررت اني اطفشه واخلي يكره الساعه الي جبرني بيه امي وعمتي تفقو عل كولشي اليوم ثلاثاء والخميس الخطبه راحو ختارو الذهب رادو مني اروح رفضت الجهاز كالو قبل الزواج لن منعرف شوكت يقرر الأستاذ هسه بس خطبه عمتي اصرت اروح اختار البدله والصالون كالت ميصير لازم انتي ورحت اختاريت بدله تركوازي اردانه والصدر تول ذهبي شكد ماحلوه وراقيه بس ابد موبعيني يومين مرت واني متزوهره خلصته بس نوم اي نوم اريد اخلص من كلشي مرات النوم احسن وسيله الواحد يلهزم بيه من الناس الحواليه انام واكعد اكول بلكت يطلع حلم واكعد منه والكه كل هذا مصاير وارجع قمر القديمه إلى همه الدراسه وبس وحلمه بحسن اختصاص بس للاسف اكعد الكه الهوسه بلبيت وناس تعزم وناس تحضر واني بغير عالم صحيح اني شرطت عليهم دراستي خط احمر بس راح ابقى مقيده ويه فهد المتعجرف

مرن اليومين مثل البرق واليوم الخطبه وامي ممقصره عازمه كومه خالاتي وبناتهم وجناينهم ووووووووو كومه اجتني ساره أصبح حتى اروح صالون يتآبـع 👇