#علاقات_كاذبه 5 (حقيقيه)
🙊❤️
وصلو للبنات لحوش جدهم وفتحو المنضومه علي قوتها ناضو البنات يرقصو ويتسهوكو وبعدين خشو الدار يبدلو اما حنين قعدت تتمايل وترقص قدام المرايه بقفطانها وكرم واقف متكي ع الحيط ويتفرج
حمزه:مل وهوا يراجي في يسرى اخر شي قعد يطق ع الباب مرتين بس مردتش فتح الباب وخش ومن صدمته قعد يشوفلها وساكت
يسرى:قاعده بي الڤيلو والتسريحه وكل شي ومقعمزه ع السرير وتبكي
حمزه:خش بهدوء وقعمز جنبها
اما يسرى عطاته بضهر وتبكي
حمزه:يحك في رقبته....متخافيش مش رح نلومك عارف صاعب عليك اول يوم بعيده ع حوش اهلك
يسرى:مسحت دموعها وبصوت يرعش....اسفه منقدر ندير شي اليوم حاسه روحي تاعبه وهلبا حجات
حمزه:قاملها راسها ويبتسم....عادي ولا يهمك توا نبيك تنوضي تبدلي وتنضمي امورك وتجي تاكلي معاي وبعدها ارقدي وارتاحي
يسرى:قعدت تشوفله لانها مش متوقعه هكي يكون رده حنوون رغم ان اسلوبه ولسانه سليط هلبا ومشكلجي ومتع شوارع😂
حمزه:نطلع ولا تبيني نساعدك في شي
يسرى:خذت الطرحه دارتها ع جنب...نبيك تفكلي الخيوط عشان نقدر انحي الڤيلو
حمزه:فتح العقده متع الخيوط وقعد ينحيلها شوي شوي ويسرى حاسه بي لمست يديه علي ضهرها
حمزه:كمل بس قعد واقف وراها يشوفلها وريحتها العرايسيه يلي خذراته🔥
يسرى:لفت وشافتله...خلاص صحيت تو نقدر انحيه
حمزه:ضحك بعفويه...مش عارف كيف تلبسو فيه رزين الزح😂
يسرى:ضحكت ونزلت راسها
حمزه:بس طالعه حلوه❤️
يسرى:تنهدت...عيونك الحلوين
حمزه:ارتبك....اءء تت تمام مستنيك باش تجي
يسرى:هزت براسها بمعنى تمام
حمزه:طلع وسكر وراه الباب
حنين:وقفت ع المرايا بعد كملت رقصها وقعدت تلم في شعرها وكرم متكي ع الحيط ويتفرج
كرم:خليه مفتوح احلا
حنين:حطت يديها علي صدرها كأن تغطي في روحها 😂....😨😨😳انت شن تدير هني
كرم:مساء العسل والزبده يلزم عليا من الشفايف نبدا😍
حنين:سخيف اطلع اقلب وجهك
كرم:وننزل علي رقبتك ناخذ منها جبده😍
حنين:لوحت عليه الكندره....اطلع برا يا معفن والله اناديلك بوي
كرم:ضحك ...تي نبصر خيرك ناقص غير نشوف لوحده زيك
حنين:حطت يدها في نصها....وخيرها وحده زيني يابعدي انت
كرم:متمشيش معاي 😏....المهم ناديلي اختي
حنين:😒😒مرض
كرم:يمرضك
حنين:خشت لي الدار وكرم يبتسم
🔥روايـــــــــات بـــــــنــــــووتـــة الشــــيــــــخ🔥
يسرى:نحت الفيلو لبست روب ابيض قصير وفوقه طرف طويل خلت شعرها زي ماهوا ومسحت مكياجها وطلعت
حمزه:ابتسملها ....اهلا اهلا 😍
يسرى:نزلت راسها وقعمزت ع الطاوله
حمزه:وقف صبلها العصير وقعمز...كولي ياقلبي متتحشميش
يسرى:حاسه روحي شبعانه
حمزه:انتي حاسه روحك شبعانه بس انتي جعانه صدقيني ...يقربلها في الصواني
يسرى:شن بنقولولهم غضوا؟!
حمزه:في شنو؟!
يسرى:يعني اليوم مش رح يصير شي بكرا اكيد بيسألوني
حمزه:ضحك....قوليلهم كله تمام
يسرى:تنهدت بخوف...ان شاء الله
