الكاتبة ساهرة الليل
مساء الخير حبايب مشتاقتلكم كلش هواي
التعرفوني والمتعرفوني ان شاء الله
راح نتعرف عله بعض دمتم في حفض الله
متابعة ممتعه القصة واقعيه واحداثهه
منسوجة بين ذكر الماضي والحاضر
بطلة القصة هدى راح ابدي بنشر البارتاات
حسب فراغي يومية او بين يوم ويوم حسب
ضروفي وتفاعلكم 😍😘احبكم هواية
الاحداث منسوجه خيوطهه من الماضي
بس الاعمار الحالية بهذا وقتهه
""""""""""""""""""""""""""""""""""
هدى-العمر ٢٧سنه مدللة اهلي مكملة سادس
وكاعدة بسبب رفض اخوية جبير زاهر
اني الوحيدة بنية من بين اخوتي اجيت
علة ٦اخوة زاهر وعماد ورياض وحافض ومنير
وعلي زغير اجيت ورى بسنتين اهلي من عائلة
حالتهم المادية زينة والحمد لله ابوية يشتغل
بصناعي يسافر يجيب غراض سيارات
من بره ويجي يشتغل بيهن ببغداد
احنة من سكنة الكاضمية بابا اشترالنه
البيت من جنت طفلة لان جنة كاعدين
عد بيت جدي وامي سنين باقية عدهم
مترضه تطلع من عيالهه اكيد تسئلون ليش
جانت تموت عله عمتهه جديتي ام ابويه
ومترضه تطلع ويتفاركن بس من تزوجو
عمامي البقية وزاد الحمل عمي جبير كريم اولادة وبناته واخوتي ٦زغار قرر
ابوية ينفصل عن اهله جدي جان املاك وخير
من الله ونفس شغلة ابويه استارثهه ابويه
منه والحمد لله جدي ساعد ابويه وشترينه
بيتنه حيل واسع غرفة هواي وبنائه جان كولش حلو بوكتهه وكعدنه بي ستقرينه جان عمري ٦سنوات
بابا حيل يحبني ويفضلني عله اخوتي
كلهم وكولشي اريده واتمنى يجيبليا
بيومه وماما حيل تخاف عليه وجدا حريصة
بحيث لدرجة تاخذني للمدرسة وتضل كاعده
يمي خاف ياذني الطالبات او اوكع او يصيرلي
شي بت عمي كريم ريا نفس عمري ونفس صف
مسجلين اني وياهه امهه متسوي هيج
بس اني امي ترافقني وحته للساحة تلاحكني
خاف اتىذه معرف شنو سبب هل هوه هاجس
خوف عدهه ام حب زايد لاني الوحيدة عله اخوتي
جانت دائما تكلي اتي جيتي بل نذورات
وتحضني حته يم بابا متنام تجي تنام يمي
