بنت البحر

قلب البحر

مني كنت حورية صغيورة وانا كنسمع بلي كاين ناس كيتمشاو على رجليهم فوق الارض فالفراغ ..... تانا كنت كنتمنى نكتشف العالم ....البحر كبير وكاين بزاف ...دلبحار بصح....كان مسموح ليا نعوم غي فحاد جهة .....بابا ملك البحر.....وهو  صارم  بزاف.....انا البنت الوحيدة ليه .... وماما  من بعد ولدتني ولات هي روح البحر....كنحسها فاي بلاصة...وتهيا حضياني مع بابا ...كيخافو نبعد ....نبوءة كتقول بلي انا انقد نبعد مني يولي عندي 18.....هما مكيحولوش يغيرو نبوءة كيحاولو يحميوني حتي تتحقق النبوءة ....حيت كيآمنو انني  الامل والحل لكاع مشاكلهم.....انسان عادي ايتساءل  :شنو كاع مشاكل ملك البحار.؟....حقيقة تانا مكنتش عارفة  .....الحقيقة  لخايف منها كلشي  هي الانقراض.....تانا مبغاش نموت دبا.....كاع الحوريات عندهم شريك لأيبغيهم طول حياتهم متوب ومقدر....الا انا...كيقول الشريك ديالي مشي من  البحر ....خايفة بزاف... ولا عندي اليوم تمنطاش18.....ومشيت  عند بابا و قتليه هو وماما بلي انا انمشي نبدا الرحلة ديالي ونحقق نبوءة .....كان باين شوية القلق والحزن فعينيهم....بصح شجعوني وممنعونيش.....بقيت كنعوم حتى بعدت بزاف ....لحاجة لمعرفها تواحد هو الممرات لي تحت الارض كتوصل بين كل البحار..........خذيت واحد الممر ولقيت راسي فحاد الساحل ....مكنتش عارفة راسي فين غادية..........مني وصلت كلما قربت من اليابسة الذيل ديالي كيتحول ولرجلين وكنواجه صعوبة فتنفس.....شوية بقيت نفركل برجليا ونتخنق ووقفت وخرجت راسي وكنت قريبة من اليابسة .....بديت كنزحف....ونحبو حتى وصلت وتسرحت على الرملة .......كانت قدامي حاد الغابة .......وقفت على رجلي وحاولت نمشي على رجلي بطبيعة لحال عارفة بلي كيتمشاو على الرجلين حيت شفتها فنبوءة ...تمشيت وطحت ...اوليت تمشيت وطحت ...مهم فترة طويلة وانا كنطيح ونوض .....وشوية هزيت عود  وبديت كنتمشى على العود  كيشوارف...