سرمد...رغم التشوه كمت اشوف نور احله من ساره يمكن
لان حبيتها ويمكن كمت افكر بكلبي....صفنت شويه واذكرت منضر ركبتها وخدها شلون محتركه ومشوه لابعد درجه كشت نفسي كلت مستحيل اكدر اتقبل هيج شي.....لازم انسه وابتعد
نور....يالله رسل تاخرنه
رسل...اي بس دقيقه احس الحمره مو راهمه
نور...هو كلج عدي حجايه وياج قابل كلج احبج وخبصتي الدنيا
رسل.....ما ادري احس راح يعترفلي😍
نور....دمشي عيني ام حمره😏......كملت المحاضره ورحت على رسل لكيت كرم واكف ....ها شنو خلصتو محاضره
كرم...لا بس مدخلت المحاضره
نور...ليش
كرم....حاير بس بمحمد يريد يعترف ال رسل...تدرين بيهم واحد معجب بثاني
نور....صدك😍هي كالت عد حجي وياها ....
كرم...اي هو دا انتضرهم يطلعون 😉 طلعو من المحاضره ورحنه للكافتريه ...ااني من رخصتكم راح اخذ نور ونكعد هناك نريد ناخذ راحتنه وغمزت لنور
نور....رسل هنا احنه يمكم....كعد يسولفون واني عيني على رسل الفرحه مسايعتها وهو بس يحجي هي ولا حجت بكلبي وين لسانج الي مطلعته عليه😏😅
كرم....وين سرحانه
نور....صافنه عليهم
كرم....حلو شكلهم
نور....مبين عليهم واحد يحب الثاني الله يسعدهم
كرم.....الحب حلو ويلوكلج انتي هم
نور.....لا اني مو لهذا الطريق بعيد عني
كرم....صدكيني مو بعيد
نور....انت متعرف شي فخليني ساكته
كرم....اكولج معدتي تبجي من الجوع
نور....والله حتى اني......😦هذا الي تعلمته مني معدتي تبجي😅
كرم...لا من زمان من اجوع اكول بطني تبجي من جنت بالابتدائيه
نور.....اني هم من زمان احجيها جان عدي صديق بالابتدائيه جان يحجيها وبقت عدي هاي الحجايه
كرم...حب طفوله؟
نور...تكدر تكول صديق الطفوله
كرم....وين راح
نور.....احنه شلنه لغير محافضه ونكطعت اخبارنه اصدك اذا اكلك هم جان اسمه كرم
كرم....صدك؟
نور....اي صدك بحصره
كرم.....لي احس بغصه من تحجين بي
نور.....اكثر واحد وكف ويايه رغم جنه صغار بس جان رجال بمعنه الكلمه هواي ايام بحياتي احتاجيته يمي ...وبهذا وكتنه صعبه نلكي هيج صديق
كرم...ماعدج فضول وين صفه بي الوكت
نور.....طبعاً عدي اكيد عايش حياته عادي
كرم...احسج تحبينه رغم انتي مشايفته من الطفوله ...
نور.....رفعت عيني واول مره احط عيني بعينه بقيت صافنه بعيونه ......كتله هاي العيون مو غريبه عليه....توني حجيت ما اشوف ال سرمد فوك راسنه
سرمد...طبيت للكافتريه ولكيت نور كاعده وي الولد بوحدهم ومندمجين بلحجي فد مره وهو نضراته الها معجبتني كمت افور ورحت عليهم
سرمد....ها نور معرفتينه على الاستاذ
كرم....من اسلم اعرفك اني على نفسي
نور.... كرم زميل.... كرم هذا سرمد هم زميل وهم كرايب يصير حمه اختي
كرم..اهلاً
سرمد....تدري متعجبني هاي كعدتكم
سرمد ...متحملت الي صار لحكت نور شفتها كاعده وياه اني الج بسيطه ....ما اعرف ليش حسيت بغيره متحملت اشوفها وي غيري رحت على ابوها ....بتك فضحتنه بجامعه تشعشك وتتمعشك وي هذا وذاك
الاب....انت اخر واحد يدخل بحيات نور واخر واحد يحجي بتي واعرف تربيتها واخلاقها واثق منها ولاعبالك سكتتلك على هذيج سوايتك خوف منك ولا خوف لا تطلع حجايه لا اني ميهمني بس سعادت بناتي بس سكتت لان ادري بنوره تاخذ حقها ومينخاف عليها
سرمد.....احنه اهل وهذا اليش ميصير
الاب....مو انت الي تكول شنو الي يصيروالي ميصير بيتي
نور....طبيت لكيت سرمد كاعد وسمعت الحجي دخلت.....انت شجابك هنا ولا تستحي ولا تخجل
سرمد....مو اني الي استحي انتي كاعده وي واحد وتكولين خطيبي شراح تكولين للعالم من يعوفج
نور....اني مكتلك خطيبي وبعدين ميهمني حجي الناس ومنو كلك راح يعوفني صدك الي كال( كلن يرى الناس بعين طبعه)لاتحكم على الناس من وجهت نضرك لان احتمال تكون انت انسان مختل عقلين
سرمد....احترمي نفسج
الاب....انت احترم نفسك واحترم البيت الي كاعد بيه واطلع بره بيتي ما فديوم اسمعك مدخل بنور افتهمت لو لا وعدي حساب وياك
نور.....طلع سرمد بعد ما اكل نصيبه مني ومن ابويه
الاب....بعصبيه راح تحجيلي الي صار لو ابقه اطرش بزفه
نور....بدون كلشي اني جنت جاي احجيلك كلشي
كعدت يم ابويه وحجيتله كلشي وكل الي صار
الاب....يعني كرم ابن ست ايمان نفسها الي جانت قبل مرشده
نور.....اي بابا هيه
الاب....ما استغرب هي هاي الدنيا صغيره .....وشنو وضعه وياج
نور....بابا محجينه بشي مباشر بس لمحلي هو يريد يخطبني
الاب.....بعد الي صار اريدج تكونين حذره وي سرمد وكرم ميحتاج اكولج انتو كبرتو مو بعدكم صغار يعني علاقتكم تختلف عن قبل
نور.....اكيد بابا لاتخاف عليه وكوم خلي نتغده
ابويه مسكت دز على حسن وحجه وياه
الاب....ابني انت مقتنع بلي يسوي اخوك مكافي فضايح كدام الجامعه
حسن....والله فشلان منكم بس ما اعرف شنو قصته
الاب....معليه بقصته الي اريده يبتعد عن بتي كافي الي صار من جوه راسه
حسن....اني احجي ويا تصرفاته ممقبوله حتى لو اعرف اكول لابويه ولايهمك عمي ميصير غير خاطرك طيب....واني غادي نار وميت من الفشله والموقف الي حطني بي سرمد طبيت لغرفته وعله صوتنه
متكلي شتريد منها شعليك بيها
سرمد....شنو اني كرن ماعدي غيره تنحسب علينه
حسن....اني رجل اختها مدخلت انت شعليك بيها وين جانت غيرتك من خليتها تحبك وعفتها وين غيرتك من جرحتها وهنتها وحتى معتذرت منها لاتدخل بيها ومالك علاقه بيها
سرمد....انت الي معليك ومالك دخل اطلع منها اني اعرف اصرف وياهم عبالهم راح اخاف
حسن...لك انت صاحي مخبل شنو قصتك متكلي
سرمد....باع يا ينصلح حالها وتبطل كعده وي هذا الماشيه وياه والا وحق ربك الدنيا اكلبها عليهم
حسن....بصفتك شنو..... انت خطبت وعفتها
سرمد....حتى لو متكعد وياه اني اله حتى للجامعه ما اخلي يوصل
حسن.....تدري انت شنو مشكلتك....انت تحبها
سرمد.....عوفني حسن وحدي اني معايز خربطه جاي تخربط عليه الوضع
حسن....انت لاترحم ولاتخلي رحمه الله تنزل.....جانت كدامك جوهره بس انت كل همك الشكل وحجي الناس بس الي متعرفه انت نور قويه حيل اقوه من حبك وحت اقوه مني ومنك لو احنه بمكانها مراح نكدر نتقبل شكلنه ولا نتقبل الانتقاد من احد اي وحده ثانيه بمكانها بعد الي سمعته منك تنعزل وتتكائب بس هيه رجعت واقوه من قبل .....
سرمد....كافي فدوه لعينك كافي الي بيه مكفيني تعبت من كلشي
حسن....حجايه واسمعها مني انت اخويه واقرب لي من الكل بس لازم تسمعها مني انت خسرت نور للابد تقبل هذا الشي وعيش حياتك وحاول تنسه
سرمد....شلون انسه شلون اكدر
حسن...اني اكولك شلون عجل بزواجك والتهي وي عروستك وحط بالك كلشي خلاك تبتعد عن نور
سرمد....المشكله جنت ابتعد عنها من شكلها وهسه احس حتى شكلها احبه....احس نفسي بدوامه تعبان اريد ارتاح
حسن....اسمعها مني وزوج وصدك راح تلتهي بحياتك وتنسه واذا تحبها صدك تمنالها الخير وعوفها......طلعت من يم سرمد واني مقهور على حاله وضعه صعبه واحد يشوف الي يحبه بيد غيره بس هو معرف يصرف من البدايه....عفته ورحت للمستشفى وحجيت لشمس بتلفون كل الي صار ضلت تحجي على سرمد وحجيتلها وضعه شنو سكتت ....خابرت عمي اعتذرت منه وكتله ان شاءالله ماكو شي منا وجاي
نور....داومت ثاني يوم واني احس نفسي كلي نشاط وثقه
جنت مشوقه لشوفة كرم دخلت للجامعه واني عيني ادور عليه
كرم....ها ولج ادورين عليه
نور...اي شلونك
كرم ...زين عدج محاضره هسه
نور....عدي بعد ساعه
كرم...امشي نكعد بمكان اريد احجي وياج
نور...اوكي...رحنه وكعدنه بس كرم بقه ساكت واحسه متلبك ...كرم تحجي لو اكوم شبيك
كرم....اريد اسألج بس منحرج وخايف لا زعلين وخايف من جوابج بنفس الوكت
نور...معناتها سؤالك مهم ....اسمعك
كرم....اكو شي بينج وبين سرمد؟
نور....ما ادري شكولك بس متوقعت منك هيج سؤال
كرم....قبل جنت اشوف سرمد وياكم انتي ورسل
