#عشقته_حتى_اذلني
#البارت_الرابع❤ شرارة حب
سارة:
من يوم دخلنا بيت عمي ابو خضير اكو اشخاص ما اتحملهم ولو بيدي اسمعهم كلام من اللي يعجبهم بس حافظت على هدوئي مو لشي لخاطر والدي لا يتفشل وياهم بسببنا
اول واحد ضوجني كان مصعب شايف نفسه وحتى من يحجي ويانا من وره خشمه ويباوعلنا بنضرة تعالي من يحجي ويايه ابد ما يباوع الي كل كلمه طلعت من حلكه خلال اربع ايام غثتني اللي اشوفه هو وزوجة خضير وعمتس سهيله حزب وعزلوا نفسهم عنا وراح بعيد مصعب يعتبروه ابن عمتي سهيلة لان هي فايتها الزواج ومن كبرانه مربيه مصعب فكله يصيحلها يوم ويمه وامه الحقيقية يسميها امي
عرفت سبب عدم تقبله النا واسلوبه الجاف ويانا تأثيرات عمتنا المصون اكيد اللي لحد هسه ما تباوع النا الة بنضرة استهزاء وكره
ينتقد لبسي وينطي اراءه كدام الكل وجدي يسانده بكلامه همه السبب مكبرين راسه وكلامه مسموع بالبيت وحتى الشيخ خضير اكبر منه وافهم بس يسمعله اني ابد ما حبيت تسلطه وجبروته اول يوم شافني نزلت بالتراك حجه وما سكت وكدام الكل فشلني وخلاهم يحجون ووالدي طلب نلبس كلابيات واني بعمري ما لابستهم بحيث اشيل كلابيتي لحد ركبي حتى امشي مرتاحه وما اعثر وحتى بهاي ما خاصو منه كل ما افوت من يمه يخزرني واعرفه يريدني اذب طرف ثوبي بس اني عناد بي ارفعه اكثر واطلع رجلي
حاولت اعرف اساس المشكله القديمه وليش امي ما تقبل تجي ولا تريد تتصالح ووالدي ما كدر يجبرها تتصالح ويه اهله واذا هي صدك تريد خاطره ليش ما قبلت عالاقل تسلم عليهم بالموبايل ادري بريم تعرف كل شي ومسولفين كدامها بس ابد ما نطتني اي معلومة ودائما تتهرب من اسألتي
سالت جدتي ما قبلت تحجي الي اي شي وكالت لا تفتحين دفاتر قديمه وامج احنا نعرف شلون نخليها ترجع تواصلنا وترجع مثل اول واحسن صح كلام جدتي كان مبهم بس فهمت انه ببالهم شغلات يجبرون امي بيها تجي اني كنت ماليه ايدي من مسألة الزواج من اولادهم ما اسويها وببساطة ارفض واللي يردوه يسووه ما اخذ منهم اني لو يذبحوني هم بقريه وهم بعيده عن بغداد وهم بالجنوب اكيد ما اقبل المكان هنا صح حلو والطبيعه رائعه وبساتينهم حلوة بس على كد ما اجي سفره يومين وارجع مستحيل اعيش هنا هو اني اموت من البك والحشرات ومن تكرصني بكايه اضل الليل كله احك وشويه اكوم ابجي يريدوني ابقى هنا غير اموت ثاني ليله قضيتها كاعده للصبح لان كهرباء ماكو والليل كله يكرصني البك اختنكت وضجي حيل وبس طر الفجر باول شعاع نزلت ركض اريد اكعد بره حارة والبيت يسمط الطل كانوا نايمين والبيت ساكت وهدوء كلش طلعت من باب المطبخ الخلفيه للحديقه الخلفيه اللي وراها تجي البساتين مالتهم كعدت هستوني عالكرسي اجانر جلب يركض من بعيد المشكله ما اكدر ارجع للبيت اخاف منه يعضني رحت دخلت بقفص الدجاج وسديت الباب مالتهن عليه كنو لابسه كيمونه وبرموده ومشايه ام الاصبع لونهم كريمي يا ربي شلون لة بيه اصيح والم الناس ويشوفوني هيج ولة اني سباعيه واكدر اطرده لهذا اللي كعد بباب القفص ضليت ربع ساعه على هالحال والجلب مكابلني لكوله هش ما يروح هو مبين اليف لان ما ينبح ولا خوفني شويه وانفتحت باب المطبخ طلع مصعب اووو كملت هذا اللاخ لو باقين عالجلب هوايه احسن شفته شايل ماعون بي بقايا اكل ويصيح للجلب اسمها سونا اذا كل هاي ومسميها يونا فوكاها طلعت بنيه راحت سونا تركض اله واني استغليت انشغاله وياها ويمرغها ويبوس بيها طلعت ركض اريد ارجع للبيت حظؤ الفكر سونا طلعت تحب تتصارع ويه البشر الظاهر الاستاذ معلمها بعدني ما وصلت للبيت ما اشوفها غير تذب روحها عليه واني وياها بالكاع امدني من خذلتي وخوفي كمت بس اضرب وادفر بايدي ورجلي ومغمضه عيوني وابجي وعيت لنفسي بالكاع ومصعب يباوع الي بنضرة استغراب لان هو اخذها واني مستمرة مثل المخابيل كمت نفظو ملابسي حتى بطني طالعه كلها شعري تخربط كمت لكيت نفسي هالنوب هاي ما تعوفني وكل شويه تجيني ركضت وره مصعب صار بيني وبينها ومجلبه باكتافه وكل شويه اعيط ويرزلمر همزين محد طلع وكلهم نومهم ثكيل جان شكلت وشحجيت ملابسي اتبهذلت اصلا اني شطلعني هيج اووف شلون موقف لمة دخلت للمطبخ من عمري راح سنين من الهبطه
دخلت عالبراد اشرب ماي وايدي ترجف ومصعب اللئيم كل ما اندار عليه اشوفه يضحك شكد حقير عدلت ملابسي كدامه وسحبت شعري رجعته كدامه ومشيت بكل ما عندي من ثقه رجعت لغرفتنا وحتى شكرا ما كتله بس المشكله نضرة مصعب ولمساته لخصري وهو يحاول يهديني خلتني احس بشغلات غريبه خوف وضوجه كان شعوري وراها وفشله شلون راح نلتقي بهاي الايام اللي راح نقضيها هنا وهذا المتعالي المغرور شلون راح اكدر بعد ارد عليه لو ضوجني او ضايقني ضليو حايره بهمي ونسيت كل شي بس من صار العرس نسيت واندمجت ويه ريم واخواتي والملابس والعطور وغيرها لان هالشغلات عندي اعز من كل شي ومة انتبهت ولة درت بال لمصعب رغم هو كان ما يسكت وكل شويه يضوجني بسالفه بس اتجاهلته
مودة:
الايام اللي قضيناها ببيت جدي كانت كارثيه وكلام خضير خوفني
