مشوهه ولكن

4

الفصل الرابع 👇👇

ليلي بصدمه:بتقول مين!!
سليم باستغراب:عاصم سيد المحلاوي
ليلي بتوهان: س..سيد الم محلاوي!!
نظرت لها سوزان باستغراب:مالك ي ليلي فيه ايه
ليلي:ها سوزان انا لازم امشي..فرصه سعيده ي سليم ربنا يتمملكوا ع خير...اتشرفت بمعرفتك ي استاذ عاصم
سوزان:ي ليلي فيه ايه بس
ليلي : معلش يا سوزي ،، سلام بقي
خرجت ليلي من فيلا سوزان...متجهه الي منزلها بالتاكسي....
ما ان دخلت الي منزلها حتي انفجرت ف البكاء..وهي تردد..
- لا مش معقول اكيد فيه حاجه غلط مش معقول لا
تكورت علي نفسها وهيا ترجع بذاكرتها للوراء..
💋💋💋 فلاآش باآك 💋💋💋
فتحت ليلي الصندوق...لقيت صدوق اصغر منه وجانبه جوابات....مسكت الجوابات فتحتها كانت مترقمه...فتحت اول ورقه وهيا المكتوب عليها(١)
.........ليلي..........
احلي حاجه ف حياتي...لا انتي حياتي كلها ي ليلي..انتي رجعتيلي حياتي بعد ماضاعت مني...حبيبتي انا مش عارفه ليه حاسه ان النهايه قربت يمكن تكون فعلا قربت مش عارفه..بس اللي اعرفه انك لازم تعرفي الحقيقه...الحقيقه اللي انتي متعرفيش عنها حاجه....انا اسفه ي بنتي اني بقولك كده...قبلكوا كان عندي حياه تانيه كان عندي بيت كبير دافئ مليان حب وحنان...كان عندي ولد وبنت ..عاصم واسما سيد المحلاوي..ايوه كنت متجوزه ومخلفه...كانوا كل دنيتي وحياتي كنت عايشه علشانهم هما وبس ي ليلي كنت بحب جوزي وولادي اوي ي ليلي اوي كنت مستعده اضحي بعمري كله علشان سعادتهم...بس ف يوم حصل اللي طول عمري خايفه منه... فيوم سيد كان مسافر المانيا في شغل مهم وميتأخرش ولازم يروحوا لوحده...الجو كان بيمطر بطريقه رهيبه وكان فيه عاصفه جامده ساعتها كنت اول مره اشوف جو بالطريقه دي ف حياتي كلها قلبي كان مقبوض قبل مايقولي ان فيه سافريه جياله..ولما قالي قلبي وجعني اوي ي ليلي معرفش بس حسيت هيحصل حاجه...وفعلاً بعد ماطلع ب ساعه جالي خبر انه عمل حادثه وف المستشفي وع ما وصلت كان..كان مات...مات وسابني وانا واولاده ف الدنيا لوحدينا مش عارفين هنعيش من بعده ازاي متتخيليش ي ليلي انا كنت حاسه بايه ساعتها الدنيا كلها كانت بتلف بيا اللي خلاني اقدر اقف علي رجلي هما ولادي...ولادي اللي لحد انهارده معرفش عنهم اي حاجه قلبي بيتقطع عليهم وحشوني اوي ي ليلي كان نفسي اخدهم ف حضني واشبع منهم قبل مااموت حاسه اني خلاص مش هشوفهم تاني...
💋💋💋💋💋💋💋💋💋💋💋💋💋
(٢)
بعد ماسيد مات الحياه ماتت ف بيتنا عاصم واسما مبيبطلوش عياط وانا مكنتش عايشه اصلا هوا راح واخد روحي معاه...بس كان لازم اقوي علشان ولادي كان لازم اقف علي رجلي علشان هما معدش ليهم حد غيري ف الدنيا روحت لعمهم وطالبت حق جوزي وولادي...اتريق عليا وقالي انتي لسه جوزك مكملش شهر وجايه تقوليلي حق جوزي وولادي...اتهمني اني كنت متجوزاه علشان الفلوس..وانا والله كنت بطالب بالفلوس علشان ولادي وعلشان اعمل صدقه جاريه علي روح سيد اهو اي حاجه تبعتله حسنات...اخو سيد عمره ماحبني كان دايما كارهني وحاقد مش عارفه ليه انا عمري ماعملتله حاجه وحشه...المهم ايجه ف يوم واخد ولادي من مدرستهم لما روحت اجيبهم قالولي عمهم اخدهم روحتله الشركه قالي ملكيش حاجه عندنا حتي انتي ملكيش مكان بينا اصلاً وخلي الامن رموني برا الشركه..شركه جوزي رموني منها كأني واحده رايحه بشحت منه...مشيت تايهه مش عارفه اروح فين مش لاقيه ولادي مش عارفه اخدهم فين حتي الفيلا اللي كانت لماني انا وولادي اخدها وحط عليها حراسه اني مدخلش ولو دخلت ادخل الم حاجاتي واطلع ده طبعا تحت اشراف الحراس...شوفتي ي ليلي عمك عمل فيا ايه وده كله ليه انا نفسي معرفش...ايوه ي ليلي عمك والله عمك....
بعد ماطلعت من الشركه وروحت الفيلا وروحتله الفيلا بتاعته اشوف ولادي ولفيت الدنيا عليهم يمكن الاقيهم بس محصلش كلمت ناس كتير بس محدش يعرف حاجه...مشيت ف الشارع وانا تايهه مش حاسه بنفسي بفكر فيهم ياتري هما فين وعاملين ايه..هما اكيد كويسين لان عمهم بيكرهني انا مش بيكره اخوه وولاد اخوه بس انا كنت خايفه عليهم اوي ي ليلي اوي...كنت ماشيه ف طريق كله زحمه ودوشه بس مكنتش سامعه حاجه لحد ماف لحظه لقيت الدنيا ظلمه ومحستش بحاجه بعدها...فتحت عنيا كنت ف مستشفي...وواحده واقفه كانت ممرضه..لقتها ابتسمت وقربت مني قولتلها انا فين وجرالي ايه...قالتلي انتي ف المستشفي عربيه خبطتك بس الخبطه كانا بسيطه مأثرتش ع البيبي....تاني اكبر صدمه ف حياتي...بصتلها بعين مفتوحه قولتلها انتي بتقولي ايه..قالتلي حضرتك حامل هوا انتي مكنتيش تعرفي!!...ساعتها مسمعتش حاجه ولاشوفت حاجه قدامي حطيت ايدي علي بطني وغمضت عيني...فتحت عيني كنت ف مكان غريب اوي عمري ماشوفت زيه ف حياتي كلها كان زي غابه خضرا وفيه شلال كبير وكان فيه جزع شجره كان قاعد عليها واحد بصيت حوليا ملقتش حد غيري وغيره ندهت مردش مسكت بطني وروحتله اول مابصلي اتصدمت ..كان سيد ي ليلي..بصلي بفرحه كبيره وهوا بيديني فستان ابيض وحط ايده علي بطني وقالي اوعي تفرطي فيها دي هيا دي اللي هترجعلك حياتك من بعدي وهيا اللي هتفكرك بيا كل ماتبصلها هيا اللي هتعوضك عن الشعور بالامومه فيها اوعي تفرطي فيها اوعي.. وبعدها اختفي فضلت انادي عليه مردش..لحد ما فتحت عيني للمره التانيه بس لقيت نفسي ف اول مكان المستشفي بس ملقيتش الممرضه لقيت حد تاني حد غريب عني اول مره اشوفه...بصتله باستغراب ف قالي انا كُريم انا اسف بس انا الي خبطتك بالعربيه والله مكنش قصدي وايجت كده..بصتله بتفهم وساعتها دخل الدكتوري سالته اطلع امتا قالي لازم افضل شويه ف المستشفي علشان الجنين لسه ف ال٣ شهور الاول ولازم يستقر وحاجات كده...المهم فضلت ف المستشفي و كُريم ماسبنيش وثقت فيه وبقينا صحاب حكالي قصه حياته كلها والصعاب اللي فيها وكل حاجه عنه...وانا نفس النظام حكيتله كل حاجه عن اللي حصلي واللي مريت بيه....جه اليوم اللي هطلع فيه من المستشفي مكنش معايا فلوس ومكنتش عارفه هروح فين ولا لمين...وعلشان هوا عارف كل حاجه اصر اني اروح معاه انا مكنتش عايزه كده ابدا بس للاسف مكنش قدامي حل تاني غيره روحت معاه بيته وانا مضطره طبعا لانه ف منطقه شعبيه الناس بدات تتكلم وتنسل بالكلام وهوا اخر مازهق قالهم دي مراتي ومحدش ليه دعوه وحاجات كتير كده...اضايقت واتخانقت مكنتش عيزاه يقولهم كده انا عمري ما كنت احب اكون لحد غير سيد اول حب ف حياتي واخر حب ف حياتي انا لسه مفتقداه وبيوحشني هوا واولادي اللي معرفش عنهم حاجه ولما عرفت عرفت ان عمهم اخدهم هوا وعيلته وسافروا بره علشان معرفلهمش طريق....عدي باقي شهور الحمل بسلام كُريم مسابنيش كان بيهتم بيا اكني مراته فعلا...احترمته وبقا ليه عندي معزه خاصه كده...المهم ايجه احسن يوم في حياتي يوم وصلتي علي الدنيا ي ليلتي انتي اول ماشوفتك حسيت اني بشوف سيد وعاصم واسما فيكي كنتي فيكي منهم هما التلاته وحتي وانتي كبيره فيكي منهم اوي كنت مبسوطه بيكي اوي ي ليلي اوي وكُريم كان مبوسط بيكي اوي بردو كنت حاسه انك بتعوضيه عن مراته وابنه اللي ماتوا...بعد ماولدتك مكنش فيه حل قدامنا غير اني اتجوز كُريم رحنا للمأذون واتجوزنا علي طول وللاسف علشان اكتبك باسم سيد كان لازم قسيمه الجواز او ورق يدل وانا مكنش معايا ولا ورقه تدل انك بنت سيد اكتر حاجه شيلتني الهم انك مش هتتنسبي لابوكي الحقيقي وكنت حاسه بذنب فظيع...اتكتبتي باسم كُريم...وبقيتي بنته اوعي تكرهيني ي بنتي والله العظيم كل حاجه كانت غصب عني انا عمري مافرحت علشان مكنتيس منسوبه لابوكي الحقيقي...ليلي انا عيزاكي تدوري علي اخواتك اكيد رجعوا ي ليلي ماهما اكيد مش هيفضلوا كل ده بره انا معرفتلهمش طريق من ساعت ما عمهم اخدهم...دوري عليهم ولاقيهم وعرفيهم الحقيقه ي ليلي الله اعلم عمهم ممكن يكون قالهم ايه عليا عرفيهم اني اتظلمت واني لو هموت مكنتش فرطت فيهم ابدا ي ليلي كان نفسي اشوف اسما وهيا عروسه...واشوف عاصم عريس واشيل عيالهم بس الحمدلله علي كل حال...ليلي انتي ليكي حق عند عمك ليكي ورث من ابوكي الله يرحمه اخواتك اكيد اخدوا حقهم وانتي لازم تخديه ي بنتي ده حقك وانتي اولي بيه من عمك....الصندوق الصغير فيه حاجه بسيطه انا سيبهالك علشان تقدري تكملي وكنت جيبالك شويه حاجات من غير ماتعرفي علشان كنتي بتتكسفي وبتضايقي لما اجبلك سيره الجواز..الحاجات دي ممكن تنفعك انا كمان عيزاكي تطلعي من الحاره دي انا عارفه ان اهلها منافقين ويوم معاك ويوم عليك اطلعي ي بنتي ودوري علي اخواتك وابدأي حياتك من جديد...سامحيني ي ليلي وخلي عاصم واسما يسامحوني
💋💋💋💋💋💋💋💋💋💋💋💋💋
لسه مصدومه من الكلام اللي قريته دلوقتي...فتحت الصندوق لقيت دهب كتير فيه وفيه ورق...الورق ده يقدر يوصلها للوديعه!...عيطت...عيطت كتير جسمها كله بيرتعش...مش عارفه ايه اللي مكتوب ده..لا اكيد بتحلم صح! فضلت تعيط لحد مانامت...
صحيت لقت نفسها ف نفس الاوضه استغربت بس بدأت تستوعب اللي بيحصل لمت الورق ف الصندوق ودورت علي الحاجات اللي امها كانت بتقول عليها ملقيتش حاجه!...افتكرت ان كان فيه اوضه مقفوله مكنتش بتتفتح ابداً...راحت الاوضه وكسرت القفل اللي عليها اول مادخلت اتصدمت من اللي شافته ده جهاز عروسه!!!! ازاي جابت كل ده امتا؟ انا ازاي محستش بكل ده! عيطت تاني فضلت تعيط وتعيط....بس فجأه مسحت دموعها وقالت انها لازم تلاقيهم لازم....
بدأت تجهز مع سوزان انهم ينقلوا الحاجات دي بس من غير ماحد يحس...بدأو ينقلوا كل حاجه واحده واحده بليل كل يوم عربيه تيجي تاخد حاجه او اتنين علشان محدش يحس بحاجه...لحد ماتمت كل حاجه بخير وسلام
💋💋💋 باآك 💋💋💋
مسحت علي وشها وهيا محتاره ازاي هتقولهم حاجه زي دي..طب ازاي مش عرفوها طالما انا شكلهم كده...بس انتي غبيه انتي ناسيه القرف اللي حطاه علي وشك هيعرفوكي ازاي!....
تصدقي صح انا ازاي نسيت..
لازم تشيليه بقا عيشي حياتك ي بنتي كفايه وجع وحزن لازم تعيشي حياتك....
حياتي!!هيا فين حياتي دي ...ده انا كل مااقف علي رجلي لازم تجيلي ضربه توقعني وتضعفني اكتر مانا ضعيفه ...
ي بنتي ربنا بعتلك اخواتك علشان تعيشي بقا لازم تقوليلهم وتعرفيهم ولو مش صدقوكي وريهم الجوابات  بتاعت امك وواجهي عمك لازم تعملي كده لازم...لازم تعرفيهم ان امك مظلومه ومش سابتهم لازم ...
انا زهقت يارب سهلي حياتي يارب انت الوحيد اللي عالم بيا يارب...
💋💋💋💋💋💋💋💋💋💋💋💋💋
💋💋💋  اليوم التاني 💋💋💋
ليلي قاعده مع سوزان...
ليلي:سوزان انا عايزه رأيك ف حاجه
سوزان:ايه ده وانتي من امتا بتسألي!
ليلي:علشان انا خايفه اقولك مش عارفه المفروض اقول ولااسكت
سوزان:الله ده الموضوع شكله كبير بقا ماتحكي ي ليلي علي طول
ليلي:بصي ي ستي(بدأت تحكيلها كل حاجه...)
سوزان قاعده مصدومه وبتبص لليلي...ليلي بتبص لسوزان بترقب..
سوزان:يعني انتي اخت عاصم واسما!!
ليلي:ايوه
سوزان:ولسه ساكته ي ليلي!!
ليلي:انا خايفه اقولهم ي سوزان مش عارفه هيصدقوني ولالا
سوزان:صدقوكي مصدقوكيش لازم تقوليلهم ي ليلي لازم دي مش حاجه تستخبي ولا يتسكت عليها ي ليلي لازم يعرفوا لازم
ليلي:بقولك خايفه ي سوزان خايفه
سوزان:خايفه من ايه..بصي تعالي نروحلهم دلوقتي هما اكيد موجودين سليم قالي ان انهارده اجازه ليهم علشان اسما هتسافر واكيد عاصم هيبقا مع اسما دلوقتي ومش هيسيبها يعني دي فرصتك ي ليلي اسما هتسافر ولو سافرت ميتجييش غير بعد سنه او اتنين علشان شغل جوزها ف لازم تعرف ي ليلي لازم
ليلي: انتي شايفه كده يعني!
سوزان:ايوه ي بنتي لازم تصححي كل حاجه الله اعلم عمهم قايلهم ايه عن مامتك افرضي قايلهم انها سابتهم واتجوزت اكيد يعني عمك عرف انها اتجوزت يلا ي ليلي انا معاكي مش هسيبك يلا
ليلي:ربنا يسترها
💋💋💋💋💋💋💋💋💋💋💋💋💋
..في فيلا عاصم سيد المحلاوي....
عاصم واسما وسليم قاعدين مع بعض ف الجنينه بيهزروا ويضحكوا...سمعوا صوت الجرس فقام سليم يفتح واتفاجأ لما شاف سوزان وليلي...دخلوا لعاصم واسما الجنينه...عاصم واسما وقفوا وسلموا وهما مستغربين...ليلي وسوزان قعدوا...
ليلي(بتوتر):احنا اسفين اننا جينا قطعنا الجو الحلو ده بس لازم اعرف حاجه بعد اذنكوا يعني
عاصم(بترقب):اتفضلي
ليلي(بتنهيده):ممكن اعرف فين والدتكوا!
عاصم واسما بصولها باستغراب وصدمه...عاصم بدأت عينيه تسود ووشه يحمر من الغضب
عاصم(بعصبيه):لو سمحتي هتيجي وتقعدي وتتكلمي هنا علي راسي لكن سيره الوليه دي متجيش هنا تمام..ثم انك بتسالي عليها ليه اصلا هاا تعرفيها منين انتي هاا
ليلي:لوسمحت رد علي سؤالي
اسما:انتي عايزه ايه بالظبط هاا
ليلي:ممكن تردو وهتعرفوا كل.حاجه بس انا عايزه اعرف هيا فين
اسما:احنا منعرفش هيا فين..تلاقيها دلوقتي فرحانه وعايشه حياتها مع جوزها وبنتها اللي رامتنا علشانهم
ليلي اتصدمت وبصت لسوزان اللي هيا كمان اتصدمت...
عاصم(بحده):اديكي عرفتي قوليلي بقا لييه السؤال ده وتعرفيها منين!
ليلي:ببساطه كده انا بنتها الي بتتكلمي عنها
اسما وعاصم الدنيا بتلف بيهم ومش مصدقين اللي بيسمعوه...عاصم وصل لقمه الغضب وبصلها..
عاصم:بنتها! وجايه ليه بقا ي بنتها هاا قوليلي هيا اللي بعتاكي ردي عليا
ليلي(بدأت تعيط):اه
عاصم:هه قوليلها ملكيش ولاد خلاص انتي رميتيهم وهما كمان رموكي وخلاص خلصنا..وبعدين اوعي تفتكري انك طالما بنتها تبقي اختنا هااا انتي هتبقي مجرد بنتها بنت امي اللي خلاص معدناش معترفين بيها من زمان
ليلي:لا انا مش مجرد بنت امك اللي مش معترف بيها انا اختك من الاب قبل الام
تاني صدمه لاسما وعاصم اللي معدوش حاسين بنفسهم..
عاصم:انتي بتقولي ايه انتي انا ابويا مات وهيا راحت اتجوزت ومكنتش حامل ازاي بقا اختنا من الاب والام!
ليلي طلعت الجوابات...ومدتهم لعاصم..
ليلي:ممكن تقرأ دول وانت هتفهم كل حاجه!
عاصم بص للجوابات بتردد بس اخدهم وبدأ يقرأ...
علامات الصدمه والاندهاش بدأت تظهر عليه اسما بصتله وهيا مستغربه التغير اللي حصل في ملامحه من العصبيه والجمود للين!! بعد ماخلص الجوابات بص لليلي بانكسار واتكلم بصوت مهزوز..
عاصم:هيا فين دلوقتي!
ليلي صتله بقهر وحزن:ماتت
تالت صدمه تقع علي دماغ عاصم واسما...حتي قبل مااسما تقرأ الجوابات هيا امها ف الاخر حطت ايديها علي بؤقها وبدأت تعيط...عاصم معدش حاسس بنفسه وقعد علي الكرسي...الوضع فضل كما هوا عليه لمده بسيطه...عاصم رفع راسه وبص لليلي
عاصم:طب وانا ايه اللي ياكدلي ان الجوابات دي مش متغبركه وانك اللي كتباها بخطك!وازاي اتاكد انك اختنا بجد؟
ليلي:اول حاجه ممكن تعمل تحليل DNAانا معنديش مشكله تاني حاجه معرفش ده هيثبتلك ولالا بس انا هوريهولك...(بدأت تشيل الماسك اللي ع نص وشها..وبدأت ملامحها تظهر واحده واحده...عاصم واسما اول ماشافوا ملامحها كامله اصدموا وسليم كذلك نسخه من سيد في كل حاجه حتي عينيه...اسما بدأت تعيط وصوتها طلع وعاصم مسك دماغه وبدأ يتكلم بزعيق..)
- يعني ايه طلعنا احنا اللي ف الاخر ظلمينها! طلعت هيا مظلومه واحنا اللي ظالمين انا مش مصدق مش مصدق لا وايه لما نعرف انها مظلومه تبقا...تبقا ماتت!
ليلي:عاصم لو لسه مش مصدقني انت تقدر تسأل عمك انت قريت الجوابات وعرفت مين السبب
عاصم:صح انا لازم اشوفه تعالوا معايا..
راحوا كلهم معاه ووصلوا للفيلا....
دخلوا لقيوا عمهم ومراته قاعدين بيتفرجوا ع التليفزيون...عاصم دخل متعصب وبيزعق...
عاصم(بزعيق):انا عايزه اعرف دلوقتي انت عملت ايه ف امي!
محمود بصله بصدمه:امك!! مانت عارف انك امك سابتكوا وراحت اتجوزت
عاصم(صوته بدأ يعلي):كدااااب....كداب ي عمي كداب انا عايز اعرف انت عملت كل ده ليه ليه ي عمي ليييه قولي ليه...ليه تحرمنا من حنان الام بعد مااتحرمنا من الاب ليييه ي عمي ليه!
محمود:ايه اللي انت بتقوله ده ي عاصم مفيش حاجه حصلت من ده انا مبعدتهاش عنكوا هيا اللي سابتكوا
عاصم:ي عمي حرام عليك انا عارف انك متسلط طول عمرك وانك ممكن تعمل ايه حاجه علشان اي حاجه انت عايزها حتي لو كانت بسيطه ليه يعمي ليه حرام عليك خليتنا نكره امنا ونحقد عليها طول السنين دي كلها وهيا قلبها بيتقطع علينا يوم ورا يوم علشان متعرفش حتي مكانا ليه ي عمي ليه تحرم اسما حق ان امها تبقا معاها يوم فرحها زي بقيت البنات ليه ي عمي انا عايزه اعرف ليه كل ده ليه(صوته بدأ يعلي اكتر)رد علياا
محمود:علشانكوا كل ده علشانكوا...من قبل ماابوكوا يتجوزها وانا مش عايزها ورفضت موضوع جواز ابوكوا منها بس هوا اصر واتجوزها...انت متقدرش تنكر اني مأصرتش معاكوا ف حاجه كل حاجه انتو عايزينها كانت بتجيلكوا كنت بعاملكوا انت واختك يمكن احسن من سليم نفسه وانت عارف كده ي عاصم
عاصم:هه لا كتر خيرك بصراحه...يعني تحرمنا من أمنا وحنان امنا...ع الاقل سليم كان عايش وسط ابوه واموه...لكن انا واختي من ابونا او امنا ضميرك مكنش بيأنبك ي عمي..مكنتش بتحس بالذنب ابداً!! معقوله! انا عمري ماهسامحك..عارف امي ماتت..ماتت وهيا نفسها تشوفنا وتحضنا ماتت حرمتنا منها طول حياتنا حتي معدش فيه ولو فرصه بسيطه اني احضنها ولا اشوفها حتي من بعيد....طب تعرف ي عمي ان امي كانت حامل لما رميتها!! (محمود بصله باستغراب )ههههه اه يعمي كانت حامل...(مسك ايد ليلي)كانت حامل ف دي ي عمي...اختي الصغيره يعني شوف انت مفرقتناش عن امنا بس انت فرقتنا عن امنا وحنانها وعن اختنا الصغيره اللي اتكتبت باسم راجل تاني شوفت ي عمي شوفت انت عملت ايه فينا!!! شوفت من انهارده لانت عمي ولا اعرفك وانسي انك ليك ولاد اخ اصلا الشراكه اللي بينا انفضت وهبيع نصي اللي ف الشركه وهفضل ف شركتي اللي فتحتها الصغيره دي اللي انت كنت بتتريق عليها دايما....يلا ي بنات
(عاصم اخد اخواته ومشيوا من غير ولا كلمه زياده...سوزان فضلت مع سليم الي بردو ركب عربيته ومشي وهوا مخنوق من اللي بيحصل ومن اللي ابوه عمله...ليلي راكبه مع عاصم واسما اللي مبطلتش عياط..)
ليلي: لوسمحت ي عاصم وصلني العنوان ده....
عاصم:عنوان ايه ده؟
ليلي:عنوان بيتي
عاصم:لا انسي بيتك انتي ملكيش بيت غير بيتي ي ليلي بيت اخوكي
ليلي:معلش بس انت اصلا مش متأكد اني اختك
(عاصم وقف بالعربيه فجأه وبص لليلي اللي قاعده ورا..)
عاصم:يعني ده كله ومش مصدق انك اختي!!لا ي ليلي انا مصدق انك اختي ده حتي كفايه الشبه انا مش محتاج اني اعمل اي تحاليل ي ليلي كفايه اني حاسس انك اختي ودلوقتي بقا هتيجي معانا ع الفيلا احنا خلاص معدش لينا غير بعض
ليلي:طب ممكن اروح اجيب هدومي حتي طيب
عاصم:ماشي ي ليلي
❤❤❤❤❤❤❤❤❤❤❤❤❤
ويتبع