بكى لأجلها الحجر

10

بكي لاجلها الحجر
البارت ال10
                     ( سابقا في الحلقات)
امجد اضرب وراح المستشفي اثر ضرب ادي لكسر لي للاضلاع
جاسر اتحرق مخازنه واتقبض عليه
سليم وفرح سفرو لاجازه بس بتنتهي بعد مكالمه اياد
                         *  (حسن العطار) البارت10
سليم : اي ياياد وحشني جدا
اياد : اذيك ياسليم انا كنت عايز اعترفلك بحاجه
سليم : خير ياياد في حاجه حصلت
اياد : انا بحب سلمي وعايز اتجوزها
سليم : اي انت بتقول اي!!!
اياد بحزن : شكلك مش موافق
سليم : لا ياياد متقولش كده انت اخ قبل صديق بس مفاجاه حلو وانا هسال سلمي عن رايها
اياد بفرح: حبييي يابو سليم راجع امتي
سليم : خلاص بكره علطول هنجهز الشنط دلوقتي
-----------------
(بيت احمد)
تلفون بيرن احمد يجري عليه ويرد بنرفزه
- الووو اي مش عارفين اني عندي اجتماع
اياد: اجتماع اي ياض انت هتصيع
احمد :هههههه اياد حبييي قلبي بدلع عليك ياجدع ليك شوق لحاجه
اياد : هههه مفيش مبروك
احمد :مبروك يامعلم خدت الثانويه تاني
اياد: يارزل يارخم انا خطبت سلمي من سليم
احمد: بجد مبروك الف الف مبروك يااياد طب هو راجع امتي
اياد: قال بكره الصبح
احمد : خلاص من صبحيه ربنا هنكون عنده
------------------
     -الفيلا-
سلمي قاعده حضنه ادم وبتقوله انت من عيله الهواري مش من عيله ابوك انت ابني انا مش ابنه هو
وتدخل عليها امها عايده
عايده : اذيك ياحبيبتي قاعد مع ادم لوحدك
سلمي: مانت عارفه عماتي دول نفسي اضربهم بالنار
عايده : هههه جتك اي غلابه ملهمش الا لسان بس
سلمي : ماما هسالك سؤال انت حبيتي بابا ازاي وهو حبك ازاي
عايده : ياااااه دي حكايه كبيره اوي يابنتي وطويله
سلمي : طب متحكي
عايده : حاضر
ورجعت عايده براسها وكانها بتفتكر وترتب الاحداث في دماغها وبدات تقول
- من حولي 40 سنه كانت عايده السلحدار كان ابويا اكبر صايغ مجوهرات في منطقه الحسين والسيده وكان عثمان كان عامل هو بيتردد كتير في منطقه دي بيودي شغل ويجيب شغل هو ومعه صحابه اشرف
وفي يوم كانو معهم بضائعه واخدنها ورحين يسلموها للمصنع في الروضه
----------------فلاش باك------
عثمان : ولا ياشرف بص يلا عند عمك الصايغ ده
اشرف : اوووبا دي قمر بدر منور يابا
عثمان : دي جاي تشتري شكلها
اشرف : يمكن هتتجوز او هتتخطب
عثمان : ياخسره سبحان الخالق اي جمال ده كله
اشرف : عثمان بص علي قدك وبلاش تبص اعلي منك مش مستواك شوف احنا متمرطين ازاي وهما عايشين ازاي
ومشيو الاتنين مضيقين لحد موصله روضه وسلمو البضاعه وعثمان راسه والف سيف انه يعرف اسم البنت دي وهي مين راح لعم بكر الي شغال مع الصايغ
عثمان : عم بكر الرجل الكبير المحترم عم المنطقه
بكر: هههه اذيك ياد ياعثمان عامل اي
عثمان :تمام جدا خد ولع وروق كده ده صنف اي معتبر سجاره من علبه اجنبي
بكر : من يد مانتحرم يابني
عثمان: الا قولي ياعم بكر مين البنت الي زي القمر الي كانت موجوده هنا وقت العصاري كده
بكر : يااه يابني كلهم هنا حريم
عثمان : لا الشابه الي كانت لبسه لوزه حمره وشعره اصفر
بكر :اااه تكونش قصدك علي عايده هانم
عثمان : دي مين دي بقي
بكر: ده عايده هانم بنت عمك محروس السلحدار صاحب الصاغه
عثمان : يااااه بنته جميله اوي
بكر : اي ياد انت وقعت وله اي
عثمان : ايووووووه ياعم بكر والحسين من ساعت مشوفتها وانا مش بفكر غير فيها
بكر : يبقي حبيتها بس خالي بالك في فرق مستوي يابني ومتعشمش نفسك بحلم بعيد
عثمان وطي راسه : اكيد انا فين وهي فين انا حته شيال
سلامو عليكو يارجل ياطيب
المهم كان ماشي لقي عايده القمر قصاده فضل باصص عليها منزلش عينه من عليها
وبعدها فكر هو فين وهي فين وطي دمغه ومشي وفجاه سمع صوتها بتصوت بص
لقي ناس بتعكسها جري عليها
واتخانق معهم وضربهم ورجع لها
- انتي كويسها
عايده : اااه كويس ربنا يخليك
عثمان: طيب تعالي اوصلك لقرب مكان
ووصلها عثمان وود لحد محل ابوها ومشي
كانت بصله بصه شهامه ونظره انه حمها من العيال دول
------------(الاحدث)--------
عايده : ومن هنا بدا التعارف والحب وكان في تحدي كتير من ابويا لدرجه انه طردتني عشان صممت اتجوز ابوكي
سلمي: يااه اطردي
عايده : ابوكي ضحي وحارب عشاني وكنت لزم اضحي ودي اقل حاجه اقدمها له ابوكي احتواني حبني ابوكي عمل عيله وجذور وعمل نفسه بنفسه كل ده من عثمان الهواري وسليم الي مسك الشغل من بعده وكبر برضو
سلمي: اجمل حاجه ان الي بيحبك يحتوكي ويهتم بيكي والقذاره اننا نبيع ونخون كل ده
عايده : قصدك علي اياد
سلمي بندهاش: اي!!! انا انت عرفتي ازاي
عايده :انتي بنتي وحته مني وعارفه عنك كل حاجه وحاسه بيكي وفي ايدك تصلحي الغلط ده
سلمي : عندك حق ياماما
فجاه تدخل سمر وتقول : سليم والي سمعها فرح وصلو.
عايده وسلمي ينزلو جري يسلمو عليه
سليم: اذيك يماما اذيك ياسو
عايده: اذيك ياحبيبي حمدالله علي سلامتك يابني
سلمي: اي ياعم حمدالله علي سلامتك ياسيدي ياجمل عريس واجمل عروسه
سليم: تعالي في مكتب ياسلمي
سلمي : حاضر
وخدها سليم ودخلو
وعمتو وقفين يتكلمو ويتودودو ومستغربين
     -------(مكتب)-------
سليم : اياد طلب ايدك مني
سلمي بلغبطه : اي طب انت رايك اي
سليم : اياد شب محترم ومن عيله محترمه ومحل ثقه وانا معنديش مانع.للمهم رايك انتي
سلمي بكسوف : الراي رايك ياخويا انت ولي امري
سليم : هههه يعني موافقه
سلمي بنفس الكسوف: ايوه
خد سليم سلمي حضنه وقالها الف مبروك يعروسه ودي فرصه تخلصي فيها من الفتره الي فاتت وربنا ريحك منه الكلب ده مبروك ياحبيبتي
      (حسن للعطار)