رواية حبيبي الفيسبوكي

7

🌲#رواية_حبيبي_الفيسبوكي🌲
🍃
🍃
🍃
🍃
🍃
🍃
🍃
🍃
🍃
🍃

# الكاتبه

# lømy_Alsherif❤

☘#الحلقة_السابعة☘
*
*
*
*
*

بنبدو بسيدرا شن ويبي يدير فيها بوها

سعيد:شن مقايلك نا مية مره على السواقة بسرعة ها 😡تبي تقتليني انتي ولا كيف
🍃
سيدرا:يابابا نا مجريتش بس هو كبار شورخ هضه راه سرعتي عادية
🍃
سعيد:سيدراااا 😡نا نعرفك وحركاتك هضن مايمشن معاي وهضه اخر تحذير لك المره الجاية معش تحلمي بيها السواقة وبالنسبه للي درتيه فعقابك ح يكون انك تشتغلي عند قصي يعني هو الي ح يكون مسؤل على شغلك وتوا تفضلي ع مكتبك
🍃
سيدرا:طلعت من المكتب ونا معصبه منشوفش قدامي بابا عمره ما علا صوته علي وعمره ماحكي معاي بالطريقة هذي اصلا كله منه هضك البصاص وشن بتشتغل عنده والله نطلعه من عينه الي داره هي البارد شن دخله هو اصلا
🍃
سعيد:بعد طلعت من عندي طلبت قصي جاني
🍃
قصي:استاذ سعيد طلبتني
🍃
سعيد:اها تفضل
🍃
قصي:إن شاء الله خير
🍃
سعيد:خير إن شاء الله  احم نبي منك ترد بالك من بنتي عارفها دلوعه واجد وصعبة التعامل في الشغل ومعانديه بس نبيك تحملها انا قتلها اليوم انها  ح تشتغل عندك يعني تعديل المواعيد شورك هضه ح يكون عقابها على موضوع السرعة وياريت تكون صعب معاها شوي بيش اتوب لان للاسف تعبت معاها وهي ماتسمع في الكلمة 
🍃
قصي:حسيته بوها مرخي معاها ماياخذ منها السيارة
بس منقدرش نقولا هكي
تمام إن شاء الله نستأذن منك توا
🍃
سعيد:تفضل
🍃
قصي:نا معصب من البنت واستهتارها وزاد علي بوها 😡
خشيت المكتب وقلت للسكرتيره تكلمها لي وعطيتها عرم اوراق اترجمهم 
🍃
سيدرا:عقدني المشكله باتي خلا يتأمر علي تميت نشتغل لعند انتهى الدوام ومازال ما كملت شغلي خذيت الملفات وعديت قتله بناخذهم معاي للحوش رغم كنت مش طايقته بس مضطره
احم استاذ قصي
🍃
قصي:تفضلي شن في
🍃
سيدرا:وقت الدوام كمل ومازال شوي اوراق توا ناخذهم نشتغل فيهم في الحوش
🍃
قصي:شفت للساعة كانت 6:00
اوكي تقدري تروحي بكرا 9:00تمام تكوني هنا
اه وقبل لا ننسى كانت جيتي وتسوقي بنفس سرعة امس صدقيني ح ناخذ منك السيارة لان شكله باتك مدلعك واجد ونا النظام هضه مايمشيش معاي
🍃
سيدرا:استفزني معلش يعني هضه شي مايخصك وانت مش ولي امري بيني بينك شغل وبس اما حياتي الخاصة هذي شي يعنيني نا وعليتي فقط لا غير 😏
🍃
قصي:نا ماتعنينيش حياتك الشخصية نا يعنيني حياة الناس الي بتتعرض للخطر بسبه استهتارك وكلامي واضح عيني ح تكون عليك ويجيب الله ونلقاك تسوقي بسرعة 😡
🍃
سيدرا:عصبت منه وطلعت وتميت نحكي مع روحي توا يشوف هو شن خصه ومن ه الكلام والموظفين يضحكو علي

اممممم كلكم توا تقولو صح شن خصه ومش عارف شنو بس هو معذور لان فقط عيلته بسبه استهتار شاب طايش  للاسف امه وخواته الاثنين ومرته هي وولده الي مازال ماحق الدنيا
ه نعرفو التفاصيل الحادث اكيد بس مش في حلقة اليوم توا ننتقلو لي صفو& امير&سمر👇