فصليتي طفله

الاخير

صارت دنيا الليل باجر الحنه مال غدير طبعا رحت اشتريت ملابس للحنه بس العرس اأجر فستان

كعدت الصبح دايخه ولعبانه نفسي نزلت جاي اسوي ريوگ جان اتخربط وما افتح عيوني اله وبلمستشفى 

علي كعدت ردت اتريك جان نزلت شفت زهراء متخربطه كلخحت لامي اجيبلهه عبايه اخذهه للمستشفى

رحت اني وامي وغدير للمستشفى جان حطولهه مخذي

علي دكتوره احجي بيهه شي

الدكتوره انته زوجهه

علي يي اني زوجه

الدكتوره الف مبروك راح تصير اب

علي حيل فرحت من سمعت هذا الخبر جان امي طبت لزهراء وكامت تهلهل
ردت اطب جان اجت الدكتوره كلتلي عدي ملاحضات لازم اكلك ياهه

الدكتوره ممنوع تشيل شي ثكيل لو تشتغل لان بعدهه صغيره والحمل بعده مثابت

علي يي بقت تحجيلي هواي اشياء والاكلات التاكلهه بلشهر الاولى لان الطفل حيل ضعيف

ام علي يمه زهوره الف مبروك انتي حامل

زهراء بين الضجت لان اني حامل واذا صرت حامل علي بعد مستحيل يطلكني وبين الفرحت لان راح يصير عندي طفل يملي الفراغ البداخلي

علي طبيت لزهراء وكتلهه الف مبروك

زهراء الله يبارك بيك 😒

رجعنه للبيت والفرحه مجانت واسعتني من الفرح لان زهراء صارت حامل واكيد راح ترجع علاقتي بيه رجعنه للبيت الساعه ب 10 الصبح

زهراء من رجعت للبيت اجت طبعا لكيت اخواته كلهن موجودات لان اليوم حنه غدير ف هنه الي منضفات البيت كتلهن اساعدتجن كالن لا انتي ارتاحي وراهه ام علي صاحتني

ام علي يما تعالي لغرفتي

زهراء يي يمه اجيت

ام علي سدي الباب وراج

زهراء سديت الباب مدري ليش خفت واني ماعندي شي

ام علي يمه بنيتي زهراء ميصير تبقين هيج انتي وعلي جنكم اخوه تره الرجال يكوم يدور عليج وبين ليله ويوم تلكينه جايب وحده ومزوجهه وانتي تبقين ف اهتمي بنفسج البسيله تمكيجيله ليشوفج يكول مره عجوز غير تهتمين بنفسج تره اذا تبقين هيج اني ازوج علي بيدي

زهراء بس

ام علي لا تبسبسين اليوم البسيله ومكيجيله واذا بعدج ضايجه منه اني احاجي واخلي ياخذ من خاطرج

زهراء حجي ام علي كله صح بس ضوجتني من كالتلي يزوج وحيل خفت خاف صدك يزوج انوب يجيبيلي وحده مثل نور

غدير يله ولج زهراء وين صافنه تعالي وياي للصالون

زهراء لا ما اروح خاف علي ما يقبل