الموت

بارت لاول

هاذا لمرض يقتل اغلب خلايا الحياة لدي..
اقاوم لالم ولسقم...واخفي دموعي ويقتلني
بكاء من حولي....
لازلت اصارع المرض ويصارعني
ولا اعلم من سيقضي على لاخر،،،

بات لاول....

علي.ايييييية تعاااي

اية.عزاا بعيني وعينج ولج اخوية علاوي شافني
اليوم يموتني ميقبل اطلع بالشارع لعب يكولي صرتي جبيرة

نارين.ليش يمة عزا بعيني خوب عزا بعينج عيني شعليهة بعدين من يكولج صرتي جبيرة
اني سامعة من امي تكول لواحد شكد مايكبر يبقى
بعين اهلة زعطوط شو هاذة اخوج مينطبق علية لمثل

اية.باع هاي شدتحجي ولج خلصيني من لمصيبة

نارين.لتخافين اني نارين حلالة لمشاكل هسة اروح احجي وياه واسكتة

رحت وكفت يمة

نارين.هلووو علي شلونك

باوعلي صفح وكال

علي.هلاااا اية اني مو كتلج بعد مطلعين بالشارع تكسرين كلمتي

نارين.ع كيفك ويا لبنية قابل شمسوية وكاسرة كلمتك وبعدين هية وين طلعت هوة بالشارع دنلعب اني وياهة

علي.انتي اسكتي لاتنكتلن اثنيناتجن يلااااا
جوة حسابي وياج من ارجع

يمة اني كال اكتلجن عيني صارت بكصتي

نارين.شنووووووو عيني تكتلني شنو تايهتلك
وتمد ايدك علية

علي.صوتج لتعلي لااكسر راسج لج ولله

نارين.هسة اني واكفة واريد اشوفك شلون تكسر راسي
وكفتلة ومتخصرة

علي.استغفرالله طبي جوة احسن مااكول لابوج واخوج واخليهم همة يتصرفون وياج

نارين.خببببي دطيرررر انتة واختك

اية.ولج نارين اني شعلية

نارين.انتي انجبي كلة من وراج غلط علية

عفتهة وطبيت للبيت
يضربني ولله يالله يضربني واسكتلة

ماما.تعااااي لج شبيج دردمين ويا روحج شكوو

نارين.بلة متعوفيني ماماااا

ماما.ولج تعلين صوتج علية انتي بكد لنعال تعلين
صوتج

رحت اخذت شحاطة بابا وحطيتهة بطولي

نارين.ماما ولله اني اطول بهواي شوفي

شفتهة ضحكت وتريد تخفي ابتسامتهة

ماما.يللللة امشي طبي جوة غسلي ايدج وتعاي
تغدي

رحت غسلت ايدي وطبيت اتغدة

...................................................................
هلوووو نسيت اعرفكم ع نفسي اسمي
نارين عمري ١٨ سنة ادرس
خامس اعدادي شكلي حلو
شعري اسود وقصير
بيضة وجهي مدور
عندي غمازة بحنكي
احلا شي بوجهي عيوني
كبار حيل وعسليات ورموشي كثاف
عندي اخت وحدة اسمهة يارين عمرهة ١٦
واخ اسمة احمد عمرة ٢٧ سنة
يدرس ادارة واقتصاد
...................................................................