حبك إنستقرامي💔

رواية_حبك انستقرامي💕_حلقه1
رواية حقيقه ممزوجه بالقليل من الخيال
/////////////
/////////////
/////////////
نعرفكم بأبطال روايه
حمزه ولد ضعيف متوسط طول او نوعا ما طويل عنده لحيه سوده يا نا عليا😍😍😍😍😂وشعره يجنن اسود عيونه سود متع طرحات ونظرات وبنات كليه يتعاركو عليه عليك شخصيه اقسم بالله قداش ما نحكيلكم شويه طبعا هو من برا شخص يبان بلا مشاعر ومتكسر و صلب حتى دموع ما يعرفهمش يعني انسان صيرتله لقطه 💔خلاته لي هدرجه حتى بنات طرفوشات يجرو وراه ومش مدورهم لكن شخصيته قتاله وحركاته تقتل ببروده السمح مش الباسل أسيل بنت قصيرونه شعرها طويل ومستقله💕راسها مسكر عصبيه تغار على شخص لي تحبه هلبا وعيلتها عباره عن زوز بنات وزوز ولاد حالتهم متوسطه عيونها بنيات غامق ضعيفونه لكن مش هلبا عادي وجوها عسل واجتماعيه ويحبوها ناس هلبا وفرفوشه وما عندهاش في نكد وقنينه ❤طبعا الولاد كل يجرو وراها بس هيا كلهم تعتبر فيهم اصدقاء لا غير ومش مقتنعه بالحب نوعا ما او ما توثقش في شباب وباقي هتتعرفو عليه في روايه
نبدو :
طبعا اول القصه تحكي انه اسيل فاتحه انستا ومتعرفه عليها من نت بنت يعني صديقه الكترونيه دخلتها في قروب انستا فيه هيا بنت وصحبتها وولد وولد تاني وحمزه
احداث القروب****

اني :هلا😂😂😂نورتكم عارفه
صحبتها الكترونيه اسمها نهال:😂😂عبد الواثق جي
اني:شنجوكم
حمزه:من هذي لي منفعله
اني:شن ليك علاقه😂من حسبك انت قعمز شد تركينتك سلم ولدي وريح بسكوتك
حمزه:اسمعي جو لي ديري فيه فكينه منه
اني:مش عاجبك باب وقربعه وراك ايواااه
حمزه:قاعد ما نبيش نغلط فيك
اني😂😂😂وووووهههههه عجبتني نكته ما حاسب في روحك تي وراس امك اخطاني
حمزه:🤞🙂راك واللهي ما فيك جو بكل
اني:وراس امك سكر فمك وهش بعيد راهوا مخلوقات لي زيك ما نعبرهمش لما نجي نعبرك تعالا ادوي معاي
حمزه:بالله شن😒💔
اني:اللي سمعته
حمزه:اقعدي فيه
نهال:اقعد زوزو
طبعا بنقلكم نسيت😂طبعا نحسابه نهال تقربله على قد ما تتلصق فيه وبيني اني وحمزه 4سنين وبينه وبين نهال7سنين
حمزه:بالله مره تانيه نهال جيبي اعضاء مار عليهم الاحترام
اني:وبالله يا نهال مره تانيه جيبي واحد نافخ روحه على سبب (وبنقلكم اخرى😂💔انه هوا ايميله خاص واني عام وطبعا مش مداير صورته خلفيه)
حمزه:🙂توا قصدي بتتكلمي باهي ولا كيف
اني:مش هنتكلم باهي مش عاجبك نقي حواجبك ولا اشرب اميه البحر سلم ولدي
حمزه:هيا راك بديتي تغلطي واني بنات ما نسبش فيهم
اني:😂😂😂خفت يا مامي تعالالي جاي تو نوريك سبان ومسحان بكرامتك الارض كيف شكله
حمزه:😡😡😡تي بري يا طنجره محروقه هيا باهي
اني:برا شوف منظرك في المرايه سلم ولدي هتنكسر يا ناري
حمزه:من جمالي اكيد😂😂😂
نهال:هههههههه في خاطرها اول مره هذا يضحك هكي توا كانوا يتعاركوا شن صار فيهم بسم الله
اني:لين فايت فيك كاذب الكذبه ومصدقها المشكله😂
حمزه:😏هذا الحق
نهال:طبعا خشت تزمزك🙂👏 ايه صح😍❤🤞
حمزه:ريتي
اني:حتى ولو شكل اخر همي +ما نحبش نوعيتك نكد ودراهات لي زيك
حمزه:+حتى اني نكرهه يا طنجره
اني:سكفمك خيرلك
حمزه:😂😂😂😂😂😂منيش
اني:برا ملح مزال تقولها نوريك فرخ😑
حمزه:طنجره آخخخخخ منك يا طنجرتي😂😂😂
اني:ما بسلك😒💦خفت الدم كان ما جتش من ربي فوتها باللهي
حمزه:اووووههههههه نبيه يرقالك هكي
اني:نياهاها اني مركلسه😏🤞هني ضميرك يالحب
حمزه:مركلسه صار ههههههه
اني:اسكت يا خبزه يابسه😂
حمزه:شن هووو خبزة شن متاعك
نهال:هههههه بالعكس حمزه يهبل❤😍+انه دمه عسل
حمزه:هذي خيرها زبطهم نوعيه متع نهال دحنسه ساكت
اني:تعرف اني شن بنطلع اني مستقبلا😊
حمزه:شن
نهال:شنو
اني:طبيبه بيطريه تعرفوا وعلاش
حمزه:علاش😅
نهال:why
اني:حتى نعالج الحيوانات لي زي يا حمزه😂😂😂
حمزه:ههههههه اني حيوان يا بقره
نهال:هههههههه تعرفي حمزه حتى هو دكتور بيطلع وشطور
حمزه:لين فايت فيا😂😂😂يا ربي شن هذا🙂راه من نت اثقل زح يا حمزه غير هذا انك ما سالتهاش حتى من وين وكم اخت واخ وهلبا حاجات وبديت تنعجب وسيبت بنات لي يجرو وراك لا لا بنت هذي من اول يوم هكي لازم نبعد علاها مستحيل اكيد اعجاب بسيط وتم
لما قالولي محلاها ضحكتك❤
قولتلهم مش احلا من لي رسمها❤🤞
..........
........

زعما بيحبها اسيل لكن حمزه☺🖤مش هيحب بعد حادث لي صرله اصلا حمزه اي بنت يهدرز علاها بس في حدود صداقه ولو تفادتهم هيخرج الوحش لي في داخله 🤝........ترقبوا باقي في حلقه_2

للكاتبه:دودي صرمانيه❤

هيا شغلوا تاقاتكم❤❤❤😁😍😍هيا كيكاتي صفحتي جديده نبيها تنشط وتعليقتكم تهمني

اولى كتاباتي❤❤❤❤
ملاحظه*روايه بقلمي مش منقوله ولا واخدها من حد